تجمع حوامل ليبيا

[عيون زوجي]

هلا بحبل الوصل انا حاشااااك تعبانه من الحموضه وخاصة درت غدايا كسكسي تعبتني اكتر
انتي شن اخبارك وحال صغيورتك

[ميمــو بينــك]

http://forum.hwaml.com/t17501-2.html#post161270

تجمــــع للــي يجهــزوا للبيــبي
حيااااكـم افيدينا واستفيدي ^_^

[عيون زوجي]

التجهيز للبيبي يبدا من الشهر السابع افضل
بالنسبالي مازال شهر

[ميرنا]

المشاركة الأصلية كتبت بواسطة عيون زوجي

ميرنا انتي عندك اولاد من قبل ولا لاء
وقدر الله وماشاء فعل الشهر الجاي انشاءالله يصير حمل عليك بالاستغفار ليل ونهار هو الرزاق والوهااااب
معوضه يا اختي

اختى اعيون
انا كسرت روحى اباروحى عندما اجوزت كانت رقيقة وما قعدت شهر عند راجلى نين احملت وسقمت وقعدت عطية لرويحتى وكل يوم انزيد سمحة منيش عارف كيف صار فى طول وعرض وابيض وشعرى كان نتوفة اصبح اتقول حرير وطول ونعدى24ساعة فى الكوفير وها لحنة اتحول حنة انركب الاخرة وراجلى خايف على ما خلنى نحضر ولا مناسبة وعندما خشيت الشهر التاسع من حاملى نحضرلك فرح ولد جارنا واول مناسبة نحضرها فى الشارع ويريتنى امغير جيت وقعمزت الا ماشية جاية على الحمام مرة نسقم فى اشعرى ومرة مكياجى ومانى جيب من هالدنيا علم يادنيا مافيك الانا وتجينى عمتى يبنيتى اقرى سورة على روحك وصبيتى اتقولى اقرى الموعوذات ولا ماعدلت ثانى يوم الفرح انجيب اوليد يلتف عليه حبل السرة وتوفية ومنها بدات ماساتى وبعدها انجبت بنت فى راسها ماء وعاشت 4شهور وتوفيت وبعدها اصبحت كل ما احمل اجهض وصلت الى 4 اجهضات واخر شى عملته درت عملية منظار عند محمد المحيشى ولى الان 7شهور داير العملية ولم احمل وعادت هذك السمحة وتوة اتحقينى نضحك ونلعب انغطى فى قهرتى على راجلى لى اكويس وعربى لكويسين وين مانسمعهم يبو يخطبولة انموت من حسرتى على روحى ايقولو لى كيفك مانلقوش لاكان الله غالب ولدنا نبوله اعيال سامحين و انا يتيم وما عندى وين نمشى الله يكون فى عونى وانا بينى وبين نفسى انقول بالك توة نحمل الشهر هذا ولله شكلها جيتنى جيتنى ربى يعطينى بس الصبر والعزم مانبى شى اكثر من هاك

[ام اسيل]

[COLOR="DarkSlateGray"]حبيبتي ميرنا كلامك كله حسرة والله النفسية هذي مش كويسة للحمل وانت حملت من قبل ومازلت صغيرة وعندك كم فرصة اه حاجة النفسية وشوفي دكتور كويس (وقل لن يصيبكم الا ما كتب الله لكم) وان شاء حمل قريب يارب غير انتي اسعي وربي معاك ان شاء الله[OLOR]

[عيون زوجي]

ميرنا حبيبتي والله قلبي اتعصر على قصتك العين حق يقولوا تتدخل الجمل الى القدر والرجل الى القبر
وماتخافيش ربي كبير وهو الرزاق والحنان والعاطي
انا في غربه ودعاء الغريب بأذن الله مستجاب رح ندعيلك وانتي من جهتك ما تقصريش استغفري الله ليل ونهار وقيمي الليل ولو بركعتين بعد العشاء
وخليك واقفه لروحك وخليك سمحه والصغار سيوره ايجوا وحلويين زيك
وديري ودن من طين وودن من عجين لكلام الناس وما تستلميش للياس ولا لكلام الحساااد
خلي قلبك متعلق بالله وتوكلي اعليه وراجلك اعطيه الوجه الحلو يلي تقدري بيه تشديه ليك طول العمر ويارب ما يفرقكم ويرزقك بالذرية الصالحه

[عيون زوجي]

وينكم يا بناااااااااات
مافيش مرة نتلاقوا مع بعض كلنا

[ام اسيل]

خير ياعيون صحتين عاالكسكسو كويس والله لقيتيه في المانيا واية حاجة فيها سميد تدير حموضة افطني انتي في اي مدينة في المانيا

[ام اسيل]

حبل الوصل وينك التجمع من غيرك مكسد شكله راجلكم جا ياعرب سبها

[حبل الوصل]

لا مازال ماجا كل يوم يقول بكرة انتم كيفكم ياوخياتى استاحشتكم انى مكنتش في البيت تو كيف رديت وماعنديش نت كويس ميرنا ربي يكون في عونك ويرزقك بالذرية الصالحة انتى احمدى ربك انه فيه امل تجيبي لانك جبتى قبل وان شاءالله اللى ماتو واللى رميتيهم خزين آخرة يشفعولك يوم القيامة تعرفي عندى بنت عمى متزوجة ليها 10سنين اواكثر وماعندهاش صغار وماحملتش ولامرة وراجلها بيتزوج لكن نحس فيها نفسيتها تمام ومهتمة من روحها بالعكس الله يرزقك بالذرية عن قريب والله ندعيلك من كل قلبي لانى والله حبيتكم وبالاخص انتى وأم أسيل نحس فيكم زى خواتى