تجمع حوامل ليبيا

[ميمونة]

الحمدلله علي سلامتك تيمو ومبروك عليكم البنيه تتربي في عزكم

[ام اسيل]

حبل الوصل كل الرجالة روسها يابسة لكن كيدهن عظيم وانت وشطارتك عندك ها الشهرين زني عليه واكيدة حا يوافق

[لولى2010]

تيموالحمد لله ع سلامتك وتتربي فى عزكم وربي يخليلك هلك وشنى سميتيه
حبل الوصل نورتينا انت وام اسيل
ميمونه ربي يكتبلك الحمل انت وكل البنات

[عيون زوجي]

تيمو...تتربى في عزك وعز بوها وانشاءالله من قسمك
نبوا اللمة في ماليزيا ما دخلناش فيك
وشن سميتيها رفيف ولا شنو؟

ميمونه ومعراح....يارب هالشهر تتطلعوا حوامل ونرتاحوا من ناحيتكم
وندعوا ..لميرنا وام اسيل وحيل الوصل وام ريحانه ونسرينا يلحقوكم الشهر الجاي

هلا ومراحب بالجدد اكليل الورد ولوليتا وكل البنات

اية وسورينام ....وينكم يا اوخياتي انشاءالله ما نفقدكم وينكم غايبات

البنات التانيات ام رنوة وام ردينه وام سعد وليبيا قلبي وينكم خشوا نوروا التجمع

حبل الوصل ..ويلكم باك حبيبتي

لولي وام رفيدة وام لقمان وصابرة كيف حالكم وحال البيبيات معاكم

[عيون زوجي]

بنسئلكم؟؟؟؟؟؟؟؟؟؟؟؟؟
انا ليا اسبوعين جايبة والعاقبه لبقية الحوامل ينوضوا بصحه وسلامه يارب
ومن رابع يوم الولاده مانزلش مني دم
مستحيل انكون اطهرت في 4 ايام
وخايفه يقعد الدم متعفن في الرحم
دلوني كيف الراي؟؟؟؟؟؟؟؟؟؟؟؟

[عيون زوجي]

وينكم ياهوانم يا ستات يا شابات يا حلوات............

[أم سعد]

أنا جيـــــــــــــت

أهلين عيون

كيف حالك؟؟؟ وكيف حال العزري ؟؟

والله أنا بكرة مانعرفش الوضع هذا

بس نقولك مافي أحسن من تسألي دكتورة

[أم سعد]

ألف ألف مبروك يا تيمو

تتربى في عزك وعز بوها ان شاء الله

[ღॐ آية ღॐ]

الف مبروك البنوته تيمو وتتربي في عزكم
والحمد لله على سلامتك
عيون نورتي بنسبة لي توقف الدم
ينبغي مراجعة الطبيبة علية ضرووووووووري تمشي تراجعي
وان شاء الله خير وطمنينا
حبل ربي عندة هلبا خير وصبري وان شاء الله تحملي في القريب العاجل
نسرينا يارب كل الامور تكون تمام معاك وتخشي اطمنينا عليك
ميمونه يارب يا مستجيب الدعاء يااااااااااا كريم تحملي في هدا الشهر ياااااارب
انتي وكل الاخوات في هدا التجمع

[ميمونة]

ايه شن الاخبار توا

انت شن تقولي ممكن يصير مني هالشهر يارب نمشي لموعدي الجاي وانا حامل