تجمع حوامل سوريا-دردشة ورود سوريا-دردشة الغاليات

[وردة حلب]

سلام يا حلوات

جوري ...سلامتك يا عسل ...عليكي العافية ...عليكي بالليمون والعسل وحبة البركة ...والله يشفيكي
وانتبهي لاتعديه ليزون

شام الهوى ..اهلين يا حلوة ..الف صحة على البرياني انا اليوم عاملة فروج بطاطا اتفضلووووووووووووو

زهرة سوريا ...منورة التجمع يا قلبي ...بالنسبة لي دكتوري بالسعودي الالماني هو الاستشاري نصرت
كتير فهمان ومحترم ...والحمدلله بفضل الله ثم هو ربي رزقني الحمل وجبت محمد بعد تأخر 3 سنوات
ويارب يسهل امورك ويرزقك من واسع فضله

عبير اسماعيل ...ماشاء الله تبارك الله ...مبروووووووك ما اجاكي والحمدلله على سلامتك


احاسيس الترف ...تسلمي ياقلبي ...يارب يستجاب لدعائك ويفرجها علينا بالقريب العاجل

زهرة الحب ...اهلا يا قلبي ...طمنيني عن اخبارك ...الله يكون بعونكم ويحميلك زوجك يارب
ويرزقكم الذرية الصالحة
يارب يهدي الامور وتصير سوريا احلى من قبل ...والله تعبنا من يلي عم يصير ...كل يوم قصف وقتل واعتقالات
وحسبنا الله ونعم الوكيل

البنات الغايبات ططمنونا عنكم

[hadeel al rouh]

مرحبا يابنات اسفة على غيابي بس سافرت مع زوجي على جدة وفعلا ماقدرت افوت اتطمن عليكون
اعزروني
كيفكون كلكون حبيباتي اشتقتلكون كتيييييييييير كتييييييييير الله بيعلم والله
اااه بس قال زوجي اخدني اغير جو والله قضيتها متابعة للاخبار وتليفونات على سوريا ااااه ياربي فرجك والله ماعبقدر انبسط بشي وبلدي واهلي تحت النار
حسبي الله ونعم الوكيل بسسسسسس

بقرا الصفحات وبتطمن عليكون
راجعتلكون ياغوالي

[أم ملاك ومالك]

الســــــــــــــــــــــــ عليكم ــــــــــــلام

كيفكم عسولاتي ؟؟ يارب تكونوا بخير اشتقتلكم كتير كتير وبحبكم أكتر

أخباري الحمدلله بخير بس والله التهابات شكلها زايدة عندي كتير وعم موت من الالم وبنت حماي قالتلي استخدم تحاميل دكتارين وبلشت استخدمهم ومن اول مرة صار ينزل العفو منكم علي مي فقالتلي بنت حماي شكلا التهابات واصلة لعنق الرحم الله يستر ويحمي جنيني يارب فخفت كتير وقررت بس اخلص الكورس راح ارجع جددوا وبعها اعمل تحاليل لاطمن .. المشكلة دكتورتي طلبت بآخر زيارة إلي فحص داخلي وزوجي رفض وخايفة ترجع تطلب هل شهر والله محتارة بنات اذا بدها تفحصني داخلي اسمحلها ولا لا طبعا" هي بدها تفحص بأيدها مو بالسونار لذلك خفت ..وملاك الحمدلله بخير وبتبوس الكل .. امبارح نزلت ع السوق واشتريت فساتين لملاك واشتريت افرول لمالك .. هههههههه كنت نازلة اشتري لمالك قمت اشتريت لملاك ورجعت ...

بنات عم حاول نزل صور اواعي مالك ماعم يمشي الحال مش عارفة ليش ساعدوني ؟؟؟؟؟؟؟؟؟؟؟؟؟؟

صايرة كرارة كتيرررررررررررررررر مو حقكم علي هههههههههههه

مع كل الود
تحياتي (^_*)

[أم ملاك ومالك]

المشاركة الأصلية كتبت بواسطة hadeel al rouh

مرحبا يابنات اسفة على غيابي بس سافرت مع زوجي على جدة وفعلا ماقدرت افوت اتطمن عليكون
اعزروني
كيفكون كلكون حبيباتي اشتقتلكون كتيييييييييير كتييييييييير الله بيعلم والله
اااه بس قال زوجي اخدني اغير جو والله قضيتها متابعة للاخبار وتليفونات على سوريا ااااه ياربي فرجك والله ماعبقدر انبسط بشي وبلدي واهلي تحت النار
حسبي الله ونعم الوكيل بسسسسسس

بقرا الصفحات وبتطمن عليكون
راجعتلكون ياغوالي

أهلااااااااااااااااااااااااا وسهلا نورتي ياقمر والله العظيم بالي وقلبي كانوا عندك الحمدلله انك بخير انتي والبيبي طمنيني عنك حبيبتي ؟؟ يارب الله يفرجها عليكي ويريح قلبك بجاه الحبيب المصطفى والحمدلله ع سلامتكم يارب بيقولوا جدة حلوة ...
حبيبتي هدولة وكلي امرك لله واستودعي اهلك عندوا هو راح يحميهم بإذن واحد احد حاسة فيكي والله ونصيحة ماتابعي أخبار لانك راح تتعبي اكتر ضلي اطمني ع اهلك بالتليفون وبس والله ماعدنا انبسطنا بشي شو بدنا نعمل العين بصيرة والايد قصيرة مافينا ندعي غير الله يحمي أهالينا وترجع سورية بلد الامن والامان والله لايسامح الي كان السبب ويرد كيدون في نحرون بجاه الحبيب المصطفى وضلك رددي اللهم أني لا اسألك رد القضاء أنما اسألك اللطف فيه .. وحسبي الله ونعم الوكيل
حاولي تهدي حالك حرام شآن البيبي الله يكمل حملك ع خير وسلامة يارب

مع كل الود
تحياتي (^_^)

[أم ملاك ومالك]

المشاركة الأصلية كتبت بواسطة أم عائشة

السلام عليكم
ورب الكعبة اشتئتلكم قد الدنيا بس والله كنت بالنفاس ببيت اهل زوجي واعندهم نت هناك وايفوني ضاع بالمستشفى وكنت كتير تعبانة
بس الف الحمدلله اخر إخباري أنا ولدت بقيصرية وجبت ابراهيم واحمد ربي يخليهم لي يارب اهم وإخوانهم


ام ملاك لك تابريني يارب فيكي الخير والله وماشاءالله بنتك قمررررروربي يخليها لكي يارب وتشوفيها عروووووس

أم عائشة وآخيرا" طمنا عليكي ياعمري الحمدلله ع سلامتك ويعيشوا ويربوا بعزكم ودلالكم يارب وعاشت الاسامي ويعيشوا ويحملوا اسمهم يارب وكونوا من الصالحين وبارين إلك ولابوهم بجاه الحبيب المصطفى لا تنسي حبيبتي تنزلينا صور أحمد وابراهيم الله يحميهم مين الاكبر فيهم .. موووووووووووووواه
ضلي طمنينا عنكم لا تغيبي كتير علينا

بعيد الشر عنك ياقلبي تسلمي حبيبتي ع الدعوة الحلوة آمين يارب

مع كل الود
تحياتي (^_*)

[أم ملاك ومالك]

المشاركة الأصلية كتبت بواسطة jorri sham

ام ملاك هههههه حلوةة تبع يوميات سورين ههههههه
ومبروك ززواج اختك ويعطيكي لعافيه انشالله بدي روح عدكتورة الفترى الجاية انشالله

الله يبارك بعمرك يارب ويحلي ايامك بجاه الحبيب المصطفى .. إن شاء الله روحي حبيبتي وطمنيني لا تنسي ها ..

[QUOTE=jorri sham;2269670]كيفكوون يا بناات
هدوووووووووولة ويينك غاايبة وسيلا
شام الهوا ووردة حلب وام عائشة ووعبوووووووووووووووووووووورة
وزهرة كمان غايبة
وسرووءة
وينكم كل هلاد الولاد بيشغلو وهههههههههههههههههههه <<<قال يعني ما كنت انشغل انا ههههههههههههههههه

ورنووووووووووووووووووووووومة


شتقتلككم .. كتيرررررررررررر


انا تعبانة ليومم كتير ومجرببببببببببببببة رشح وجسمي مكسر حتى بيتي ما عملتو بس ضبضبتوو وعملت الحمامات ويمكن بكرا انشالله روح عند اميييييييي

وبسسسسس

ليوووم رح اتغدا صفيحة
مبارح ككنت عاازمة اهلي وعممييييي ع العشا

جبنا صفيحة ولبن زبادي ولبن عيراان ووورق عنب وسلطة وببسي ...
وحلووو وبسسسسسسس [

خبيبتي جوري عليكي ألف عافية يارب ديري بالك ع حالك خدي زهورات وبنادول أخضر وماتخلي يزونة يقربك منك كتير حاولي ماتتنفسي بوجهوا الله يحميه يارب بوساتي إله

وصحة وهنا

مع كل الود

تحياتي (^_*)

[أم ملاك ومالك]

المشاركة الأصلية كتبت بواسطة زهرة الحب

مرحبا يابنات كيفكن اشتقتلكن كتير كتير كتير
شو اخباركن ياعسولات
أم ملاك كيفك ياامورة اشتقتلك كتير وكيفها ملوكةومالك الله يحميهن ومبروك عرس اخوكي
كلها اضراب
زوجي قاعد بالبيت معي صله يومين وانا كتير مبسوطة لانه جنبي وخايفة كتير من القصف اللي عنا يارب تهدى الدنيا وترجع سوريا بلد امااااااااااااااااااااااااااااااااااان
وردة سورية بتسلم عليكن كلكن وهي بخير ومشتاقة الكن كتير
يارب ماكون نسيت حدا سامحوني امانة

هلا حبيبتي زهرة والله الله بيعلم قديش مشتقتلك كتير كتير الحمدلله بخير وملاك بنشكر الله بخير وبتبوسك حبيبتي ومالك ماشاء الله بيرفس كتير شكلوا عم يدرب ع كرة القدم هههههه راح يشجع الاتحاد متل اموا ويطلع مدمن كرة قدم هههههههههه الله يبارك فيكي يارب ..
الله يحميكون ويعينكون حبيبتي حاولوا تنزلوا ع حلب أحسن شوي والله يديمكم لبعض انتي وزوجك ويرزقكم الي تتمنوه بجاه الحبيب المصطفى ولا يحرمكم من بعض آآآآآآآآآآآآآآآآآآآآآآآآآآآآآآآآآمين يارب العالمين إن شاء الله راح ترجع

الله يسلمها يارب امانة سلميلي عليها كتير كتير وقوليلا اشتقتلا

مع كل الود
تحياتي (^_*)

[زهرة سورية]

ام ملااك حبيبتي مرحبا انا جديدة معكن وسلامة قلبك يارب و ما على قلبك الا العافية والله انا بعرف انو الفحص بهالوقت من الحمل ما بيسوى بس انتي اسالي وتاكدي وان شاء الله خير حبيبتي الله يحفظلك جنينك من كل سوء يا رب وتقومي بالسلامة و يخليلك هالامورة

[أم ملاك ومالك]

المشاركة الأصلية كتبت بواسطة زهرة سورية

مرحبا يا حلوين انا جديدة معكم بتمنى تقبلوني حبيت سلم عليكم انا سورية وعايشة بالرياض وبدي اسالكم وين بتروحو دكتورة نسائية هلئ بتقولو من اولها اسئلة ههه بس معلش حبيباتي ما النا غير بعضنا انا كنت روح عند ليلى اليان بالتخصصي بس رح بطل لانو كتير عجقة وبتضلا مشلوشة بمين بتنصحوني

أهلا وسهلا فيكي نورتي التجمع حبيبتي أكيد بنقبلك أخت غالية علينا إن شاء الله البنات بيفيدوكي لاني عايشة بالقصيم ومابعرف شي بالرياض حبيبتي عرفينا عنك اكتر

أنا ام ملاك عمري 27 سنة وعندي ملاك عمرها سنة و3 شهور وحامل بآخر السادس طبعا سورية ومقيمة بالقصيم تشرفت بمعرفتك

مع كل الود
تحياتي (^_*)

[hadeel al rouh]

اهلا ام ملاك الغالية شكرا حبيبتي على مشاعرك الحلوة الله بيعلم شو بحبك وبحب شوف حكياتك ‏
الله لايشغل بالك على حدا ياعمري انتي ياقمر ‏
اي والله الايد قصيرة والعين بصيرة مافينا نعمل شي غير الصلاة والدعاء ‏
والله بدعي ليل نهار وبحتسب ربي وبستغفر ومستودعتون عند الله بس شو ساوي مو بأيدي والله مافكر بيلي عبصير وشفتي المجازر مافيكي تتغاضي عنها ووين مابركتي بدك تسمعي حتى مع الغرب يلي مو من سوريا بيقعدوا بذكروكي فكيف مابدي فكر ياربي دخيلك والله نفسيتي زفت لا اله الا الله احسن شي

حبيبيتي مبروكين الاواعي الجدد عنجد ياريت شي وحدة من الصبايا تخبرك كيف تنزليهون لاني انا ماظبط معي تنزيل صور حابة شوف اواعي البيبيات لاني حابة كمان جبلي شي كم غرض مع انو لسا ماعرفت شو معي بس هيك حابة فش خلقي واتسلى هههه
سلامتك ياقلبي طيب شو فيها اذا فحصتك الدكتورة داخلي مو هوي بالاخر هاد طب مافيو خجل ولايصير على البيبي شي لاسمح الله اذا مافيها خطر على البيبي حاولي تقنعي زوجك تنفحصي داخلي والله يطمنك على ملوكي وتشوفيه بحضنك باحسن صحة
بوساتي الك ولملوكة