دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[انشودةمطر]

اهلين بنات الحمدلله ثلوجه انا تمام

[أم الغاليين]

هلا بك انشودة شكل البنات يتغدون او نايميين

[Nana.1985]

ام الغاليين ان شاء الله تكون بنوووتة والله يحفظلك كتاكيتك .. يااارب .. ومنورة بيننا ياعسل ...

جمان سوي زي ماقالت ام ميسوومة ..

دلوعة اشربي حليب السعودية بااارد .. انا فوق التاسع وبرضو جنني الحرقان بس لانو بطني حجمعا صغير ووزن البيبي ماشاءالله طيب .. وعشان كدا ضااغط مررا ع المعدة ومتعبني مع انو نازل ولله الحمد ..

ام ميسومة هههه انا جالسه اتهرب والله خايفة مررااا .. شكلي مارح اروح المستشفى الا لما يجروني من شوشتي هههه اما بكامل ارادتي لأ .. الا لو فيا الم او تعب خخخخ ... وابشرك زوجي حبيبي اتعورت رجولو وطاح واخد 10 ايام اجازة يعني بيجلس للجمعه الجيه والله يسعدووو كلها ساعتين تلاته يكون عنددددددددي .. يافديتووو اناا ..

امل ياقلبي والله عورتي قلبي والله اسفة اني ذكرتك .. اللله يعووضك يارب ويطيب خاااطرك في القريب العاجل .. وتجيبي توزيعات احلا من دي ام ريالين خخخخ ... الله يسعدك ياقمرر ..

انشودة كيفك وحشتييييني ؟؟؟ ان شاءالله تكوني احسن؟؟

[Nana.1985]

بنات اليوم المفروض اروح الدكتورة من الصباح وانا اماطل واماااااطل واتدلع !
وربي خايفة مررا لانو في وجع بسييييييط جدا ونزلت عليا افرازات بنية .. ونقطة دم .. بس يعني الم محتمل مو شئ فظيع .. لايقارن بوجع الدورة >> دورتي مررراااا قوووية وقاتله ومميته ..
المهم من الصباح امي تقولي يالاا مشينا بخش .. اقولها لالا بنام شويا استريح يمكن يولدوني ونا تعبانة ... قالت طيب .. صحيت على 11 قالت هيا .. قلت اتروش واشرب حليب وقرفة والالم راح نستنى شويا واخويا الكبير في الدوام نستنى الظهر ..
جا الظهر قالت هياا؟ قلت يووو دحين حرام مين يجيب بزورتو من المدرسة؟
اولى وتانية ابتدائي .. خليه يجيبهم اول ويتغدا ويجي خخخخ
ونمت انا وصحيت لقيتها هيا نايمة مسكينه من قبل الظهر لابسين ههههه
ونامت بملابسها مسكينه متجهزه للمستشفى معايا .. ونا صحيت ولا صحيتها ولا كلمت اخويا ولا سالتو فينو .. حرام يمكنو نايم تعبان من الدوام ؟ >>> حنووووونة جداا .. ههههه

وربي احس اني مارح اروح الا لما اتألم واموت من الالم ..
او يجرووني من شوشتي ع المستشفى بالغصب ... ههههههه
حتى زوجي في الخط جي مكة .. يقولي ها روحتي مليون مرة اتصل وانا اضحك واقولو صرفتهم خخخخ .. قال والله لاجي من الخط على بيتكم واوديكي بنفسي هههههه بنات احس اني زي توم اند جيري ههههه

[أم الغاليين]

مشكورة يا نانا والله انتي العسل والله يسهلك بس لا تخافي اذا جا وقته راح يجي بدون استأذان
وانا ادعيلك بساعة الغيب بالولادة السهلة قولي يارب بس انتي ما تحسي بشي

[أم الغاليين]

انتي بس حاولي تمشي في البيت واذا زاد الالم روحي لا تسكتي مادام فيه افرزات ان شاء الله قربت ولادتك واشربي حليب دافي بعسل وربك يهون

[Nana.1985]

بنات .. سامحوني ان اخطيت او اسأت لأحد ..
انا رايحة المستشفى دحين .. دعواتكم ليا ..
دعوة المسلم لاخيه المسلم في ظهر الغيب مستجابة ..

[انشودةمطر]

نانا متشوفيش وحش
الله يسهلك ويجعلك في كل خطوه سلامه وترجعين باحلى فهودي

[ام يسوري]

السلام عليكم حوامل مكه تجمع رائع
اتمنى ان ترحبوا في اخت محبه ومتابعه لكم
وبما اني من مكه حبت اشاركم يالله رحبوا فيني ياكروشات مكه

[اضواء القمر]

كيفكم كروشات حبيت ادخل التجمع عندكم ضيفة اذا ترحبون فيه لاني انا مو من مكة المكرمة انا من الاردن بس والله مليت قاعدة ادور تجمعات وادخل واطلع والكل نايم بس تجمعكم اللي صاحي قلت ادخل عندهم ضيفة اذا ما ترحبون عادي ما راح ازعل