تجمع الحوامل اللي ولادتهن في شوال1433

[عروووس لحبيبي]

انا بدا من اخر الثامن تحجر وضغط ع تحت وشد والالم لكن من دخلت التاسع هدأ الوضع ولا الم لاىشي وبعد بخمس ايام من التاسع رجع الالم واحيانا يزيد لكن كم مره حسيت انه زي الم الدوره فما ادري هذي الالم والتحجر يعتبر طلق ولا ايش

[العاشقه الحزينه]

الله يبارك فيك عروس

صادقه والله الحين انا متفرغه للولاده وبديت اتملل وانا انتظرها هههه


اول ماكنت ابي طاريها كان همي وشغلي الشاغل الزواج


يالله الله يسهل لنا ونرتاح جميعا

[beshooo.ali]

هلا كروشااات اخبااركم واخبااار الطعمييين

ليلووو يب يب خلص رمضان ودحين فضيت اكثر
بس يمكن الايام الجاية انشغل اكثر لانو باقي
مثلك في اشياء لسى منتهيت منها
وحضر انزل السوق ومرااا وحدة مشي :)


انا مثلكم صبايا تجي تقلصات مثل الدورة يوميا وبعض الاحيان كذا مرة
في اليووم بس ع حسب علمي انو دا الشيء طبيعي ودليل ع انو الرحم
يتجهز لمرحلة الولادة بس انا المستغربتلو انو من يومين طلعتلي حبوب صغيراا
جدااا في بطني لدرجة تنحس ماتنشاف غير بقع حمرة كبيرة ومسببتلي
حكه فضيعه في وحدة فيكم سارلها زي كذااا ؟؟

[عروووس لحبيبي]

هلا بيشووو
لاغناتي ما عندي فكره والله يعينك يمكن متحسسه من اكل معين ؟

[العاشقه الحزينه]

انا مثلك بيشو في كم بقعه حمرا ببطنين صغااااار جدا و كمان انفي احمر كاني مزكمه هههه

اشكالنا تحف مع الحمل

[beshooo.ali]

مدري يمكن عروسه ع قولتك من شيء معين
بس ماافتكر اني اكلت شيء جديد عن الاكلوو

عشووقه انتي تحكك البقع ؟؟

يلا ان شاء الله اليوم موعدي عند الدكتورة
وبشوف شنوو تقلي :)

انتو حبيباتي عروسة وعشووقه طمنوني عنكم ؟؟

[سيمفونية]

صباااااح الخير كروشاااات

عسى مرتاحين والبيبي مارفس وعذبكم البارح؟ ^_^

بنات الله يخليكم لا تدخلون تسألون من ولدت ومين لسه أحس ضغط نفسي ><
كل وحدة تسولفنا وتعلمنا شو نظامها وشو ناويه تسوي عالنفاس وكذا*
اتفقنا؟؟ ^_^

أم ريومة
ان شاء الله يارب الله يسهل علي وعليك وعلى كل كروشات المنتدى يااارب*
أدري صعب بس حاولي لا تفكري بالولادة دلعي نفسك واطلعي واتمشي وحاولي تشغلي نفسك بشي مفيد أنا مثلك وربي ذابحتني الحموضة من أمس ولا قادره أنام وشربت حليب وكليت تفاح ولا فاد*
وصادقة حبيبتي أهم شي الدعاء والتوكل على الله والمشي بعد زين
أنا صراحة امشي يوميا بس ما أزيد عن نص ساعة مع أن الجو عندنا يساعد
في رايك أزيد وقت المشي؟
*أنا من صلالة وأنتي من وين؟

حكاية عشق هلا بك ياعسل
كيف الهمة عسى الوضع تمام معك؟

غادور أنا مابدت الانقباضات معي غير بنص التاسع يمكن وعلى خفيف وباقي لي يومين وأخلص التاسع وادخل بالعاشر بس لأني بكرية ماكنت مستعجلة أمي دايم تقولي البكرية تعوشر
أنتي كيف الانقباضات معك وكم لك بالتاسع؟

عروس لحبيبي
هلابك ياقلبي حلو برنامجك بس انا ما ازيد مشي اكثر من 40 دقيقة مدري هل المفروض أزيد الوقت مع أني اتحرك فالبيت كثير واطلع الدرج وانزل
<<جالسة عند أهلي والبيت كبير فاضطر اتحرك كثير حتى لو اشرب كاسه ماء*
واحاول اروح بنفسي مو اخلي الشغالة تجيب لي عشان اتحرك اكثر مع ان أمي الله يخليها ماتخليني اتحرك من مكاني كله ترسل خواتي يخدموني
حلو أكل التمر والرطب أنا أحب التمر وحاطه عندي بغرفتي علبة تمر عشان ما انسى*
وحليب ساخن يوميا قبل النوم أحس بهدوء ويخليني أنام بسرعة*
*اما العلاقة مع زوجي فما أقدر لاني ببيت أهلي بس اذكر مره كنت بالثامن وأخرت الغسل وقمت من الألم ألم فظييع فظهري خفت يومها أولد ومن يومها وانا أخاف علاطول جري اتشطف طلع بالأخير محفز O_o
بالنسبة للتحجر والشد ترا عادي ونفس الشي الألم دكتورتي تقول هذا البيبي يحاول ينزل فالرحم أهم شي تتأكدي من وضع البيبي الراس تحت والله يسهل علينا جميييع

بنات الله يخليكم ادعولي أنا رايحة المركز الصحي بعد شوي معي موعد مدري يسوون تخطيط وأخاف يسوولي فحص داخلي ><

*

[سيمفونية]

اهلين بيشو
أنا صار لي زيك بس بالشهر السادس
جتني حبووب صغييييرة وماتنشاف في أصابع ايديني ورجليني وتحكني حكه فظييييعة
رحت لدكتورة جلدية وقالت لي انه طبيعي هالشي يسمونه حساسية الحمل وتجي بالاطراف وعالبطن أكثر شي بس الأغلب يجيهم عالشهر التاسع وعطتني حبوب للحساسية خفيييفة وسائل كذا ادهن منه في حال زادت معي الحكة والحمدلله راح خلال أسبوعين مع ان الدكتورة قالت احتمال مايروح الا بعد الولادة
كنت ما أقدر أنام من الحكة وخاصة انها جتني بين الاصابع بس لما اغسلهم بماء يخف معي الاحمرار والحكة
يللا هانت حبيبتي مابقى الا كمن يوم وتولدي بالسلامة ان شاء الله*

[العاشقه الحزينه]

لا ما احس بحكه بس لونها وشكلها نفس الحبوب الصغار جداااا ومعدوده

[عروووس لحبيبي]

صباحك سمفونيه

امشي ع راحتك قالت لي دكتورتي ان امشي لين احس بدا الشد في رجليني اوقف وارتاح وما اضغط ع روحي
انا بديت مشي من نص الثامن لكن بس نص ساعه وع جهاز المشي بالشقه لكن الدكتوره قالت لي برا البيت احسن وفعلا برا البيت ما حس للوقت وبسرعه يمر مثلا لما تقضي احتياجات البيت او في مجمع ما تحسي بالوقت وهدوء المشيه

انا لما اسمع ان البنات ولدوا افرح واستبشر واحس ان ربي فرج عن غيري والفرج قريب وافرح ببنتي و اقصاها بداية ذي القعده والكل والد وفرحان ونسوي تجمع نفوسات شهر شوال ههههههههههه
الله الكريم يعيننا