دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[كروزه]

استني اصور السرير اوريكي يانانا يادبة ياوحشة

بنات اشتريت التفاسير من الخاسكيه في جده بس ماسويت الاستاند وزوجي قال السبت نروح

وتكملي بس مره محتاره ايش اسوي شجره او فلين عادي

[كروزه]

يله ابى افكاركم بسررررررررعه الله يفرج عليكم

[ام ميسومة]

مساء الخير
اخبار الحلوات
ماشاء الله عليكم
نانا الهدايا مرة حلوة الله يفرحك بسلامة فهودي وسلامتك واسم ولدك مرة روعه
انشودة ونلي ودلوعه وكل البنات اخباركم
انا افكر اسوي حفله لبنتي ان شاء الله وكل يوم حاطة فكرة احلا من الثانيه
بس العيب ان اقاربنا مايحبوا يسوى حفله للبنت فقلت بدل مااخسر فلوس واغث حالي بوزع الذبيحة وخلاص
لاني تعقدت في بنتي الاولى سويت حفله وشغلت مسجل ولااحد تفاعل قال ايش الاولاد هم اللي يحتفلون فيهم والبنات عزيمة عاديه لاطق ولاشي
انقهرررررررررررررررررررت
ايش رايكم بالله ؟
ليش البنت مالها رب وماهي روح زي الولد ؟

[Nana.1985]

طوق وفش فش .. ان شاءالله يتحمس بس وينزل هههه
انا اشتريتها من خمس نجوم في الرصيفة وفي محل جمبو كمان عندو اشكال حلووة .. والكيس الازرق دا اختي جابتو من الهنداوية في جدة او الخاسكية وتقول في اشكااال جونااان بس هيا جابت من راسها ليا هههه الله يسعدها
ونا مايمديني انزل لانو مهجولة زوجي يااالله يجي مكة واقوم امشوروو خخخ حرام ..
هنا تشتري الدرزن = 12 حبة = 24 ريال يعني الحبة بريالين
هيا اشترت درزن ب 8 ريال من الهنداوية ..
مهجة ماقد رحتو بس اتوقع عندو حاجات زي كدا برضو ..

انشودة سلامتك والله يعينيككككك كلو ولا الم االاسنان ..

احلى موني ههههه ان شاءاالله ابشري من عيوني .. لسا امس كنت بقول لفش فش لما تنزلي بتشتري الحاجات دي خديني معاكي مررااا احب الاعمال اليدوية خخخخ ..

امورة ياعسل .. ان شاءالله ينزل هههه .. وخلاص حياكم بس الباتشي للعجايز الحريم الكبار مو للصغار انتو اديكم من الجالكسيات والتوكس هههههه

كروزة والله بالعنيه نزلت الصور عشان الكل يشوفها وخاصة انتي لانك زيي قربتي تولدي .. هههه هيا اتحمسي وسوي ودوري في الاسواق .. بعدين دي فايدة التاخير في الولادة خخخ ابدااااااعات تنزل عليكي هههههه
ولا المفروض اختي تزبطها وبنات اختي بس انا ماستنيت احب اسوي كل شئ بنفسي حتى اهتم بادق ادق التفاااصيل .. هههه
يارب اولد قبلك هههه وفوفو يجي قبل حمادة هع هع ...
وبعدين نزلي صور التوزيعات وعلى اساسها يبان ان كان فلين احسن ولا شجرة .. لو لقيتي شجرة جيبيلي من فيييين؟؟؟ بعلق فيها الاكياس والكور ..
هيا بشوووف الصور متحمسه قبل لا اولد >>> تكفا يالي ح تولد اليوم يعني خخخخ

ام ميسومة الله يسعدك .. االاسم مو كتير عاجبني بس عشان ابو زوجي وزوجي حبيبي ..
وبالنسبة لبنت مايسووولها هولليله ليييييييش؟؟
عادي بنت ولد زي بعض اش فيها؟ مرررا انقهرت من الكلام دا والله مو حلو كدا!!
ونا الي مسويتها التوزيعات دي مو للسابع .. يمكن ماسوي سابع مادري والله .. بس دي الاشياء للمستشفى وللبيت للي يجي يزورني فقط .. يعني حتى عاملة حاجات قليل ماهي كتيرة ..
لكن السابع عادة احنا اول بيبي نسويلو فرحة كبيرررة بنت ولا ولد ..
ونا من اول ابغا في استراحة وابا شئ محترررم .. بس والله كتير اسمع ناس ينطقو عين من السابع وتنخرب حياتهم .. الله يحمينا من شر العين ..
بس في بيتنا احنا نسوي سابع بس بين اخواني واخواتي نسوي ونشتري العاب وكيك وهدايا وكدا وننبسط سوا بس .. والبيت ماشااءالله يتعبا لانو عندنا اطفال كتير هههه ماشاءالله ..
لكني مفهمه زوجي اني ابغا سابع وكدا .. بس لو ماسوا مارح ازعل بس مابغاها تجي مني .. خخخخ

[ام ميسومة]

نانا انا مااتوقع احد بيجيني في ولادتي لانها بتكون في مكة
يعني مااحتاج اسوي مثلك واسوي توازيع للضيوف
اما السابع العادة نسويه في البيت ونعزم الاقارب والجيران ويكون هناك عند اهلنا
وهما برا مكة
والله انسدت نفسي منهم ومن تفكيرهم فكلمت زوجي اخرها قبل شوي وقلت ماراح نسوي
لاننا اذا بنسوي لازم نسافر ونتكلف واخر شي مااحد يفتح نفسك
فقلت ذبيحة وتخب عليهم ونوزعها

[ثلجه فوشيه]

مسسسساء النور ياحلووين ..

كتكوته والله كنت نايمه في سابع نوومه خخخخخخ
أنا طيبه انتي كيفك ؟؟؟

أنشووده سسلامتك ياقلبي ماتشوفي شر والله ألم الاسنان شي بطال الله يعينك زي ماقالو لك البنات اتمضمضي بمويه وملح وشوفي في الصيدليه في غسول اذا مو مضر استخدميه ولا تأكلي حلويات والا شي في سكريات ..

كروزه يلا ورينا ابداعاتك انتي كمان ههههه ومنكم نستفيد هههههه

أم ميسومه ارتفع ضغطي من تفكير اللي عندكم ياااه يقهرو ياحلاة البنات بس وهـ بس عليهم

بنات أنا راح اسوي سابع في استراحه تتوقعو التوزيعات دحين لها معنى ؟؟
والا أخليها مرا وحده بالسابع ؟؟ بعدين السابع متى يسوه ؟ قبل ما اخلص نفاس معقووله ؟؟ والا بعد هاتو ايش عندكم من افكار خخخخخ

[ام ميسومة]

اخبارك ثلوجة
انا انصحك اذا انتي بيجونك ناس في نفاس سوي مثل نانا وزيعي لهم هدايا
لان يمكن لاعزمتي باستراحة مراح يجون
والاستراحة كمان وزعي هدايا وخليها شكل مختلف وفكرة مختلفه
خلي العقيقه بعد ماتخلصي نفاس عشان تكونين مرتاحة والبيبي يكون متعود على الاصوات
لانك لو سويتيها بدري بيصير يبكي من الاصوات وانتي تعرفي المناسبات والصياح اللي فيها
واحسن كمان تستعدين اكثر وماتنضغطين

[انشودةمطر]

تسلمولي بنات اليوم احس شوي الالم بس خايفه في الليل بجرب بخاخ القرفه من الصيدليه
ثلوجه سوي توزيعات بس للي يجي في البيت عشا ماتكلفك في الاستراحه حتكون الكميه كبيره
بس زيني الاستراحه مدخلها ببالونات وحركات ولبس البيبي ولبسك حلو وصحون الشوكولاتات حولينها دبب وتزيين اما التوزيعات ما حتبان وسويه بعد النفاس احس عيون الناس ماترحم يشوفوكي والبيبي مايذكرون الله والعين حق بيقولو مو تعبانه والا حركات الحريم خخخخخخخ

[& أمــــــل &]

هلا وغلا حبايبي
كيفكم وحشتوني
زي العاده انقطع الارسال عن مقسمنا في العوالي ولا درت اتواصل معاكم
زوجت اخوي جابت ولد زي القمر سموه *عدي*طلعت روحها لين جاء
انتو شو اخباركم
حماتي جابت ولدها الصغير عندي امس ومارسة الامومه ليوم وآحد ياسلام حسيت اني ملكه

[كروزه]

ام ميوسة من جد ناس متخلفه خذي فلوس السابع ومتعي نفسك انتي وزوجك سافري اي مكان ان شاء الله حتى لو تروحي المدينة

نانا بس اروح بيتي اصور كل شي انا في بيت اهلي اليوم في الليل اروح بيتي

انشوده جربي بخاخ القرفه ترتاحي بس اسالي الدكتور انا جربته بدايه التاسع