تجمع حــوامل التوائم

قمرين 2 · 07-21-2010, 03:25 PM

أترككم يوم واحد ألقى جدامي 10 صفحات جديده
توأمي فكري زين واستخيري لا تختارين الخاص وتصير مشكله لا سمح الله ويردونج على المستشفى الحكومي .. مشكلتهم ما يتحملون المسؤوليه
وكل شي بوقته حلووووو
اليوم الصراحه حر حر حر موووت .. يا محلا الشتا .. انا بولد انشاء الله والجو بااااارد أحسن توقيت للولاده خخخخخ ...
انا اخذ فيتامينات خاصة بالحمل اسمها برومس نونال
وعن الكريمات حق التشققات اخذ زبدة الكاكاو بس عندي حكه خفيفه وللحين ما شفت خطوط وانشاء الله ما أشوف

أستاذة ذوق · 07-21-2010, 03:55 PM

هلا قمرين
وش نسوي كثرت سوالفنا ماعندنا إلا الهذره >>> حريم
نتشكى لبعض الله يخلينا لبعض

انا عشان كذا مارحت خاص احس اني مطمنه للحكومي اكثر
بس انهم اعصابهم بااااااارده ومايستعجلون ع الوحده يقولون وضعك طبيعي

اذا عندك حكه يعني بتطلع تشققات انتبهي لاتحكيها بس ادهنيها على طول
انا حكيتها وهريتها حك واللي صار صار طلعت تشققات
لأني انا بطني اصلاً صغييييير ومع الحمل وتوأم بعد ماتحمل الجلد صار مشدود حيل وتشقق

توأم روحي · 07-21-2010, 04:00 PM

انا بعد متردده بس احتمال كبير اولد بمستشفى حكومي
على الأقل ينطرون على الوحده لين تولد طبيعي
الله يسهل على الجميع انشالله

محجبه · 07-21-2010, 04:38 PM

انا وتوأم روحي وشمس الاصيل وزود الغلا

كلنا في الشهر الراااااابع ومالنا غنى عن البنات الي سبقونا والله نتعلم وناخذ معلومات منهم يااليت كل وحده تعطينا تجربتها من البنات وش تغيرات اللي جتها بالشهور يعني انا بالشهور الثلاثه الاولى وحام ودوخ جنووووون والحين خف بس بطني يخوف كني بالسابع يوم اجيب ولدي قبل الله يعين شلون الخامس والسادس يالله بعونك

توأم روحي · 07-21-2010, 04:51 PM

هلا والله محجبة
إي والله صاجه أنا بعد بطني صار كبير وايد و أحاتي العيد
شنو ألبس و حتى رمضان أحاتي انشالله أصومه كله الله يعين

توأم روحي · 07-21-2010, 05:01 PM

بنات متى يبين جنس الجنين

جومانا · 07-21-2010, 05:11 PM

سلاااام بنااات الله يهون على الجميع
هلا فيك توأم روحي
شخبارك قمرين وينك مختفية

نواعم النعومه · 07-21-2010, 05:18 PM

بنات انا بطني صغير وانا بالشهر الرابع عااااادي
وش اللي يزيد حجم الاجنه ؟؟؟؟؟؟؟؟؟؟؟؟

توأم روحي · 07-21-2010, 06:04 PM

نواعم النعومه
اتوقع عادي لأن كل وحدة طبيعة جسمها غير

أم فاطمة · 07-21-2010, 06:08 PM

مساء الخيرات على كل الكروشات شلونكم وشلون المنخشين عندكم ههههههههه

توأمي فرحة عمري انا قلت بجهز في رمضان عشان مع اغراض العيد تصير الطلعة وحدة

حنان انا ساعات اقول ودي اعرف بس مو متجرأة اسأل انا لي في 23 اشعة بسأل الدكتور وأشوف لاني ابي اسوي طقم للنفاس وارتاح شوي

الله المعين