سيدات ليبيا الحبيبات ..تفضلووو

[ام معاد]

السﻻم عليكم كيف حالكم جميعا

[ام معاد]

سوسو ربي يرجع زوجك سالم .والف ﻻباس عليك .جربي زيت الزيتون لوجهك ادهني بيه وجهك في الصبح خليه نصف ساعة وبعدين اغسليه بالمية الفاترة
فيفي قربت الوﻻدة ربء ينوضك بالسﻻمة
ام فراس كيف حالك وحال سنافرك ولولي بدت تمشي
اوشي وهدهد واتري وجيجي ان شاء الله تكونوا بخير

[هدية الخالق]

السلام عليكم ورحمة الله وبركاته
كيف حالكم اليوم سامحوني أمس سلمت وطلعت ما لحقتش حتي نسأل ونعلق لأني كتبت الرد وانشغلت بعدين لما فضيت العشية وجيت منكتب لقيت سما لاعبه بالكمبيوتر ومصغرتلي الخط لدرجة ما ينشافش حتي نكتبلكم وما نشوف فيها كتيبتي زي العمياء حشاكم لكن نقراء في ردودكم من التابلت وما قدرتش نكتب منا لأني ناسيه كلمة المرور
حاولت نسترجعها ما بتش تطلعلي

[هدية الخالق]

سوسو إن شاء الله يمشي ويجي راجلك بالسلامة وفعلا زي ما قالت أتري حلو واحد يتباعد شويه باش يشتاق تعرفي أني اهو ليا عامين متزوجه وما تباعدتش علي راجلي إلا مره وحده بتت عند حماتي كانت مدايره عملية المهم نضت الصبح علي رسايل غزل من راجلي وقالي فقدتك وما قدرتش نرقد كويس ولما رجعت للحوش كأنه لينا شهر علي بعضنا فلهذا حلو البعد مره مره يجدد العلاقة الزوجيه ويحسس كل طرف بقيمة الطرف الاخر وانه ما يقدرش يعيش بلأه
ربي يرجعهلكم سالم يارب

[هدية الخالق]

فيفي ربي يسهل عليك وينوضك بالسلامة وماشاء الله سوسو وفروسه كفو ووفوا وخلي نقولك شن وتيت أني بالزبط
أول حاجة حوايج البيبي اكيد وطبعا الحفاظات ومعدات الاستحمام منهم هذا كانا زينا نظامهم أني الحق لقيت درج في سرير البيبي فيه حفاضات وحوايج وشامبو وكريم للحساسية امتاع الحفاظ وقطن ليا وزوز أرواب امتاع المستشفي ليا ومناشف ليا وللبيبي هدوما منهم طبعا
واللبس الحق رفعت بيجامات لأنه اللي بتولدني دكتوره وممرضات وحتي بعدين ما جانيش دكتور بكل وخذيت راحتي حتي بدون وشاح والروايح قالولي ممنوع ما تحطيش بكل بس ما عرفتش السبب استنتجت إنه ممكن علي خاطر البيبي لما بيرضع مني قويه عليه الريحه تصوري حتي مزيل والا لوشن جسم فيه ريحة قالولي لا
وحاجتين مهمات ردي بااااااالك تنسيهم كريم لتشققات الصدر وفوط حمايه للصدر باش ما يتسربش الحليب لحوايجك والله لقيتهم زي الرحمه ساعدوني أني في البداية ما خديتهمش تبهدلت كل شويه نغير في حوايجي وفي مفرش السرير من الحليب اللي يتسرب لما نكون راقده فلهذا الفوط هدوما يساعدوا هما فكرتهم زي ألالويز بس علي شكل دائره ينحطو فوق السنتيان يمصو الحليب المتسرب وغيريهم كل أربع ساعات باهي وشن تاني ؟؟؟
ايوة ما تنسيش تحطي في شنطك اكلات خفيفة بسكويت وشوكلاته وتمر يعني حاجات خفيفة تسلي بيهم لو جعتي بين الوجبات أو ما عجبكش ماكلتهم أو ياكلهم زوجك لو قعد معاك أني مسكين بات معاي في المستشفي واول ليله كان جيعان قاعد من الفطور ما كلي شي وطبعا في المستشفي ما يحسبوش في المرافق نزل جاب من الكفيتيريا كيك وعصير مشا حاله بيهم وخلاص ماباش ياكل معاي قالي هوا يا دوب يسدك هههههههه فعلا هما يجيبو في الوجبة تقول لعيل حبتين وحبه هههه بالذات أول ليله بعذ كملت كنت جيعانه منموت الساعة 3في الليل جابولي مثلت صغير تست فيه دحي نص طياب وطاسه حليب هذا هوا ههههههه والغدي والعشي كله خضار لأنه هذا الحلال عندهم ورز صامت لا بنة لا صنه حاشا النعمه غير باهي الحمد لله تاني يوم قامت بيا حماتي وجابتلي أشكال والوان واني مطولتش في المستشفي بتت ليلتين بس
وحاجة اخيره ما تنسيش كرسي السيارة امتاع البيبي ما يخلوكش اطلعي البيبي بدونه هوا يجي مع العربة بس في ناس ما تاخدش فيه علي إنه غالي بس هو ضروري بالذات في الشهور الاولي صعب العيل يتقعد في العربة مش كويس لظهره
إيه وما تنسيش الشفأطه الفترة الاولي اكيد حتحتاجيها مرات صدرك يتشقق من الرضاعة ويبدا صعب ومرات البيبي ما يعرفش يشده كويس الواحد يحط كل الاحتمالات ويعبي بروحه وان شاء الله ربي يسهل علي وتنوضو صحيحين إنتي وبنوتك وتكون ولادتك سهله وميسرة \
سامحيني كترت عليك وان شاء الله ما يكونش في غلط في الكتابة لأني نكتب عالعمياني ما نشوفش فيه من كثر صغر الخط وزيادة سوما في حجري وقلبه الدنيا

[هدية الخالق]

فروسه كيف حالك وكيف حال الصغار ليك وحشه وين هالغيبه
جيجي وثاتوره واوشي وام معد وام وسونه وخوله كيف حالكم وكيف حال عويلاتكم وين مغطسين

[هدية الخالق]

سوسو ألف لاباس عليك كيف حالك اليوم طمنينا إن شاء الله أحسن

[هدية الخالق]

أتري شعر بنيتك زي سوما كيرلي وناعم طالعتلي أني هكي شعري نحبه نوع الشعر هذا اجسن من نازل ستريت تعرفي حتي الاجانب اهني معجبين بشعرها لانهم واخدين علي شعورهم ناعمه هلبه وهما يحبو اللقطات امتاع الكيرلي والفوليوم وخصوصا الصينيين شعرهم اميه ومش عاحبهم هههههه

[هدية الخالق]

صبااااااح الخير

[هدية الخالق]

وينكم العفوووووووو اليوم ماحد خش خير إن شاء الله