دردشة حوامل أهل الرياض - دردشة بنات الرياض - تجمع حوامل الرياض

[أنا بدونك "no thing"]

أم الأسمر لمن قريت قصة ولادتك جاني رعب الولاده أحس الخوف نزل برجولي
ولمن وصلت الأخير بكيت بجد أحلى لحظه لمن تضمين النونو ويجيك ابو العيال سبحان الله قمة الألم وبعدها ولاده لنا من جديد
ربي يسهل لكل حامل ولادتها ويرزق كل عقيم ذريه صالحه ويخلف لكل إمرأه عانت من التسقيط

[حنان 1985]

صباحكم سرور ونور
ولله يهون عليكم


كروشات الرياض
نخيتكم انا بطلع من الاربعين
وعقبالكم ويبيلي كل شي جديد
وانا مو من الرياض
الاايام هاذي فيه تخفيضات
ولا لا انا احب دايم اتسوق في
حياة مول غرناطه صحارى
ولا ماتعنى ومشوار
اتمنى تكونون عند حسن
ضني وتفيدوني

[أنا بدونك "no thing"]

المشاركة الأصلية كتبت بواسطة لين 2011

صباحكم سرور ونور
ولله يهون عليكم


كروشات الرياض
نخيتكم انا بطلع من الاربعين
وعقبالكم ويبيلي كل شي جديد
وانا مو من الرياض
الاايام هاذي فيه تخفيضات
ولا لا انا احب دايم اتسوق في
حياة مول غرناطه صحارى
ولا ماتعنى ومشوار
اتمنى تكونون عند حسن
ضني وتفيدوني

هلابك أختي لين
أنا مريت إكسترا اللي بغرناطه قبل أسبوع وكنت أشوف أغلب المحلات 70%
و50% وكثييييييير تخفيظات لكن مايحضرني شي من أسمائهم لأني مريت مرور الكرام بس أنصحك تروحين يعجبك إن شاء الله
وخبرينا إذا رحتي

[العاااالي مستواها]

السلام عليكم ورحمة الله وبركاته


دعوه عامه لكم اخواتي العزيزااات للمشاركه في مسابقة شهر رمضان المبارك في البوفيه




هذي مسابقات في جميع الاقسام

مسابقة رمضان ّّّّ((طبق الاسبوع المميز))ّّّ




(هنا مسابقة شهر رمضان00للمعجنات والحلويات)



((هنا مسابقة شهر رمضان00لعمل العصير الفريش))



(هنا مسابقة شهر رمضان لأفضل صحن مقبلات وسلطه)



ــــــــــــــــــــــــــــــــــــــــــــــــــ ــــــــــــــــ
والاتكيت راح تعطي وسام تميزالي تحط لنا ترتيب سفرتها في رمضان سواءكان فطور او سحور0

(دعوه لأخواتي العزيزات بشهر رمضان)

ــــــــــــــــــــــــــــــــــــــــــــــــــ ـــــــــــــــ

وكل عام وانتم بخير وصحه وسلامه يارب

[أنا بدونك "no thing"]

منووووووره أختي العاااالي مستواها أبشري والله إن شاء الله نعجبك

[حنان 1985]

مشكوووره اختي

انا بدونك

لاهنتي ولله يعطيك العافيه

الله يتم حملك ويهون عليك يارب

[العاااالي مستواها]

تسلمون بنات ربي يسعدكم خلونا شعلل القسم بالمشاركات

[أمونه*]

مساء الخير على احلى كروشات .... ياقلبي حاسه فيكم
امس رحت دكتورتي عشان اكشف على الأمور كلها وشفت الحريم المسكينات كل وحده كرشتها واصله فوق ويادوبك تتنفس آآآآآه تذكرت
كل شي .... الحمد لله إني خلصت عقبالكم اصبروا هانت راح الكثير وباقي القليل على خير

راجيتن الله ... انا قلتلكم إني بولد في مستشفى الجافل
وابشرك جتني دكتورتي الله يجزاها خير ماقصرت
لا ابداً مااخذت شي لا إبرة ظهر ولا كمام ولا شي في ولادتي يلي قبل حطتلي الكمام ماساعدني ولا شي إلا كتمني بالزياده وقطع انفاسي شلته ورميته
وانا اقول تتوجعين شويه وتخلصين ولا تاخذين شي وتبلشين بعد الولاده بمشاكل الله يكفيك والبنات الشر وانت ابخص بقدرتك على التحمل
الله يسهل عليك وعلى الجميع

بالنسبه للمغوصات ... عادي لما تدخلي السابع إن شاء الله بزيد اكثر
لأن الرحم بيتجهز يعني يسوي تدريبات انت اتمددي وارتاحي وإن شاء الله بخف الألم

ام فهود .. تسلمين حبيبتي ويخليلك البيبي وتشوفيه على خير
الله يسهل عليك وتقري عينك فيه

انابدونك ... لا تخافين ولا شي ... الأمر كله بيد الله يعني روحي وانت متطمنه انت والبيبي بيد رحمان رحيم مافي اجمل من كذه هو بساعدك
سبحانه الله يسهل عليك ويقر عينك بالبيبي

[أمونه*]

المشاركة الأصلية كتبت بواسطة chokolatah

بنات اخباركم واخبار النونو
الله يهون على الجميييع يارب

بغيت اسألكم احسن مكان للولاده القيصرية مع الاسعار ويكون الطاقم كله نساء
انا ولدت اول ولاده بمستشفى عبيد ورووووعه قمة بكل شي ماشاء الله
بس الولاده الثانية قالوا السعر دبل واحسه غالي بيكون حول الـ 14 الف
من تعرف مكان ارخص ويكون ممتاز

انا اعرف وحده من الزميلات ولدت قيصري مرتين في اليمامه
وتقول إن العنايه ممتازه وحلوه وخياطة الجرح ممتازه

اما إذا تبين مستشفى خاص انا مااعرف غير المستشفى يلي ولدت فيه مستشفى الجافل القيصري 5500 تقومين بالسلامه

[أمونه*]

المشاركة الأصلية كتبت بواسطة لين 2011

صباحكم سرور ونور
ولله يهون عليكم


كروشات الرياض
نخيتكم انا بطلع من الاربعين
وعقبالكم ويبيلي كل شي جديد
وانا مو من الرياض
الاايام هاذي فيه تخفيضات
ولا لا انا احب دايم اتسوق في
حياة مول غرناطه صحارى
ولا ماتعنى ومشوار
اتمنى تكونون عند حسن
ضني وتفيدوني

حياك ... والله انا لسى ماخلصت بس افكر بعد مااطلع من الأربعين اروح الرياض غالري وبنوراما في محلات حلوه ودائما بتلقين تخفيضات ولا تنسين الوقت هذا هو وقت التخفيضات عشان الناس مسافره انا اقول الحقي عمرك قبل مايبدأ رمضان وترجع الناس ويصير هجوم كاسح على الأسواق عشان
العيد والمدارس ههههههههههههههه

إن شاء الله اكون فدتك