تجمع مواليد من عمر شهر الى سنة

[برين]

سلام اخواتي
شلونكم
انا مررررره تعبانه نفسيتي عندي مشاكل و ضغوط
و بنتي عندها خيوط دم في البراز حد سمع بالهالحاله؟
اما انا اعاني م مشاكل عاطفيه مع زوجي الي مطنشني من يوم ما ولدت و كل يوم قاعده اتعقد و يزيد اكتابي و اسناني تعبانه تبيلها سنتين شغل و كرهانه نفسي من شوي سمعت الرقيه و جلست ابكي ابكي والله ماني عارفه ايش اسوي ب الغربه

[shohrah]

برين
تعوذي من الشيطان
هدي بالك ونفسك
وركزي في أساس المشكله انتي قلتي اكثر من شيء
زوجك ماينفع معه المصارحه
الرجال ينفع معهم اسلوب التطنيش لأنك اذا قلتي ليه مطنش بكل بساطة بيقول ماني مطنشك ؟
انتي اقلمي نفسك ع الوضع الجديد واهتمي ف نفسك لنفسك وراح تلقي زوجك يرجع احسن من اول
بدون ما تتعبين نفسك وراه

.بالنسبة لبنتك ما أدري والله بس الأفضل تسألين طبيب
.الله يكون بعوننا جميعا بعد الولادة الهرمونات تلعب فينا و في نفسياتنا

[ام روينا]

يوه يوه يوه
بنات تعوذوا بالله من الشيطان
خليك ع الرقيه برين وصارحي زوجك بكل شي قولي ايش فيك مطنشني وليه اذا انا تغيرت اسوي عمليه ترجعني بنت وتنتهي مشاكلنا واذا فيه شي ثاني قولي عليه يعني خليه يصارحك
اهلين جوانا الله يسعدك ولا يهمك راح اكتب لك كل جديد انا صرت مراسلة منتديات حوامل من الخبر
اهلين تناهيد و ووحده نسيت اسمها اللي في محرم الله يسلمك في تجمع التايهين
مرحبا ام ريماس ابدا التجمع نايم عشاان الاجازه

[ام روينا]

ام حنونه اخبارك والف سلامه ع حنونه
معليش بنات اليوم بحكي حكاية ولدي عشان ام حنونه تطمن وغيرها يستفيد
ولدي الكبير اللي عمره 7
لمن كان عمره 4 شهور اكتشفت ورمه في جهة اليمين من بطنه والله وبدون مبالغه وصلت حجمها زي فنجان القهوه
ارحنا المستشفى قالوا طاح وسألت شغالتي وحلفت وصدقتها وارجع للمستشفى قالوا ما ندري لازم اشعه ولازم تنويم لا ن الورم كان شكله مخيف وبعدين لون الجلد يعني ماله راس ،، يشبه الكوره
المهم جا استشاري اطفال وشافه ع الصبح قال ايش هذا هذا اول مره اشوف زيه يوم قال هذي الكلمه جاني انهيار والله الممرضات صاروا يمسكوني واسمعه يقول بسرعه اشعه مقطعيه على دخلت الجراح قال دقيقه باخذ عينه وخاف زوجي قام قاله كلمه ما نسيتها قال( اشوفك ولا اشوف صورتك اوضح ) المهم طلعونا من الغرفه واخذ عينه وفي الحال قال الحمد لله خراج
المهم سوو له جراحه واستأصلوا راس الخراج هذا كلام الدكتور يقول للخراج راس لازم يستأصل عشان كا يرجع مره ثانيه
وبعدين ما قفلوا الجرح ( هذي طريقة الخراج ومهمه انتبهوا يقفلوا الجرح )
حشوا الفتحه شاش يعني مكان الورم سابقا يعني يجلس مورم بس اللي جوا شاش ان شاء الله فهمتوا عليه وخلوا طرفها برا صرنا نروح يوميا يسحبوا شويه من الشاش ويقصوا وعلى هذا الحال14 يوم يعني الجرح يلتئم من جوا لحد ما انتهى الجرح تماما
ولله الحمد واخر يوم شافه الجراح وقال والله انه اكبر خراج شفته حتى الكبار ما عمري شفته بهذا الحجم والجراحه للحين واضحه فيه زي الخط
وسلامتكم
المهم ام حنونه لازم يستأصلوا راس الخراج ولا يقفلوا الجرح وروحوا مستشفى كبير افضل وعند جراح لانه افهم من دكتور الاطفال *

[ام روينا]

جوانا يا قلبي نسيت ارد عليك انا توني اشتريت غارنيه لمحيط العين وبجربه واشوف
اما الكريمات اي شي مره فازلين ومره دوف والاقنه مررره ما صرت افضى لها
وفيه كريم عند بودي شوب لليدين بزيت اللوز مررره احبه واستخدمه دايم

[مرهفة الإحساس]

ام حنونة يا قلبي لا تقولي كذا ان شاء الله مافي شي هدا دكتور استغفر الله عليه كيف يعني يقول كذا حبيبتي انتي خديها عند جراح دكتور الاطفال ماله في هاي الاشياء وطمنينا عنها الغالية الله يشفيها ويعافيها يارب ويبعد عنها المرض امين يارب العالمين

[مرهفة الإحساس]

برين حياتي خدي بنتك عند دكتور واتطمني عليها ولا تاخدي على كلام حد
وشغلي صورة البقرة دايما في البيت واستعيذي بالله ولازم تصارحي زوجك
وتحكيله اللي نفسك قوليله احنا في غربة ومالي غيرك بعد الله لازم نكون قريبين من بعض مافي حد جنبي غيرك
لازم تحكيله وتفضفضيله

[مرهفة الإحساس]

ام روينا ليش ما تجاوبي على اسئلتي اللي أسألهالك أنا زعلانة ؟؟؟؟!!!!!

[أم ح ــنونـہ]

ام روينا ومرهفه
تسلموووووووا حبيباتي والله ريحتوني لان انا وزوجي مره قلقانيين
وان شاء الله بكره راح ناخذها لدكتور مختص والله يكتب اللي فيه الخير
دعواتكم

[برين]

بنات قاعده احس بنتي شعوره عندها حواجب تخينه بس لونها مو غامق و جبينها مليان شعر ناعم و اذانها و كمان لها سوالف و شوارب و خط غامق في منتصف ظهرها و ع اجريها انا تعقدت بعد من ه السالفه مع العلم انه ابوها و انا ما عندنا شعر فكركم بينزل الشعر و بيروح؟؟هي عمرها 3 شهور الا اسبوعين