دردشة بنات فلسطين, دردشة حوامل فلسطين, تجمع بنات فلسطين

[حواء مثالية]

الله يخليلنا اياهم يارب ويضلوا مغلبينا ههههههههههههههههههههههههه انا اليوم خطر ببالي هالشي بتناقش انا وزووجي عليه حسيته بده يوصلي رساله انا بدي اشبع منك هلا قبل ما تولدي لانه بكرا الله العالم نقعد مع بعض ولا لا هو محملها زيادة انا قلتله لو يصير عندنا 100 ولد ما راح يشغلني عنك اشي

الله يقدرني ما اقصر بحقه واكون دايما عند حسن ظنه

[بينك روز]

بتعرفوا بنات قبل بشوي اجا زوجي من بره
وجاب معه باكيت بامبرز لما شوفته مابعرف شو صار الي
صرت اعيط من غير وعي يمكن مع الفرحه مابعرف شو صار الي
الله يجيب بنتي بالسلامة يارب

[حواء مثالية]

انتي مثلي وقت جهزت هاد شعور الامومة الله يكرمنا ويكمللنا على خير ونشوفهم بين ايدينا سالمين يارب

[عيـ‘ـون المهـ‘ـا]

بنت الضفتين
الرسول عليه افضل الصلاة و السلام كان يساعد زوجاته بالبيت و هو قدوتنا ’ فالبعكس لا تعتبري نفسك انو قللي من قيمتك ابداااا طالما من الاساس عنوان الحياه الزوجيه المشاركه و لا تنسي البيبي اللي حملته الام و تعبت فيه
كمان بيتطلب من الاب يحمل شوي مسؤوليه مع الام
و اكتر فتره بتكون الزوجه محتاجه زوجها هي فترة بعد الولاده ,, طبعا كل وحده فينا بتشعر مع زوجها و ما بتحب تحمله فوق طاقته خصوصا انو عندو شغل بره البيت بس ظروف تعب الولاده و السهر و كل هاي الامور بتحب الزوجه تلاقي مساعده
و لكل واحد وجة نظر

[عيـ‘ـون المهـ‘ـا]

حبيبتي بينك روز ربي يخليلك زوجك و تشوفي رهف بين ايديكي سالمه ,,,قبل يومين زوجي جاب الcar seat للبيبي و الله فعلا شعور حلو و هيني كل يوم بطلع على جهاز البيبيهات و في شغلات ئديه مستعجله اشوفها عليهم
الله يديم فرحتك و فرحتي و الكل
اشوفكم بعدين بدي اتصل بأمي و طمنها علي
بتضل كتير مشغوله علي
دمتم في حفظ الرحمن

[احساس أنثى]

مساكم فل ياحلوات

لولو حماده طلعنا كلنا بمنطقه وحده ...هههههههه الا ماتيجي صدفه ونتعرف على بعض اكتر

بينك روز بسيطه ياعسل وقت ماتفضي نزليلنا نشجعك على شغلك ... وربي يتمملك حملك يارب وتشوفي بنتك بين ايديكي على خير

بنت الضفتين لاتخافي قولي يارب وتوكلي على الله الله يقومك بالسلامه انتي وحواء يارب ... حواء بالعد التنازلي كمان

وعيون المها الف الحمد لله ان كل امورك تمام ربي يتمملك على خير

جاره حلوة منك لقب العريفه ذكرتيني بأيام المدرسه هههههههه الله يسعدك يارب

ضحكتي بالدنيا اهلا وسهلا بيكي وان شاالله الله يكرمك بالذريه الصالحه عن قريب

ويسعد مسا كل الصباياعدها قطعت دخلت بسرعه اتطمن عليكم سارت بدمي الدردشة هههههههه

[لولو حمادة]

بنت الضفتين انا من رفح مثلك

[عسولة فلسطين]

مساء الخير
بنت الضفتين...الله يقومك بالسلامة يارب...هلأ اولها الله يكرمكم كان ينزل بس بعدين خف....وبعد الاربعين يوم صرت اصلي وعادي لأني زهقت بدون صلاة بس كل صلاة بوضوء عرفتي
عيون المها....الله يسعد اوقاتك يارب والحمدلله انك بخير والتوم بخير يارب بالسلامة ومبرووووووووووك التاسع والله يطمن بالك زي ما بتطمني امك
حواااء الحمدلله يارب تكون بخير دايما وابدا وبكرة بتطمني عنها
بنت الضفتين ولولو حمادة...أنا بيت حماي من رفح
كل الصبايا الحاضرات والمختفيين سلام عليكم

[سهى2012]

مرحبا يا كل صبايا

انا ولادتي بكر صباحا هلاء رجعت من مستشفى الشفا عشان اجهز اغراضي وارجع تاني على مستشفى بالليل وباذن الله تعالى بكرا الصبح عمليتي من مبارح من بعد العصر وانا بالمستشفى رحت وانا تعبانه كتير وماعد اقدر اتنفس منيح المهم وصلت مستشفى وفحصوني وكان ضغطي طالع كتير وسخونة عالية فقرر الدكتور انه يتم دخولي المسنتشفى وتوليدي واليوم من صبح على تحليل وفحوصات وتخطيط للجنين والحمد الله خلصت كل الامور وحجزت غرفة ورجعت على البيت اخد شنطتي واغراض لزوم المستشفى وان شاء الله بكرا الصبح عمليتي دعواتكم يا بنات وان شاء الله برجع بخبركم شو بيصير معي بس بالله ما تنسوني بدعواتكم لي وان شاء الله انا ماراح انساكم بدعائي لكم جميعا طبعا عمليتي راح تكون بنج موضعي يعني راح اكون صاحية وقت العملية هيك احسن على اقل بطمن على بنوتي واشوفها يارب يارب يحميها ويحفظها لي واشوفها على خير وسعادة

سلامي لك صبايا غالييات على قلبي
ان شاء الله برجعلكم على خير انا وبنتي جنى
لا اله الا الله محمد رسول الله

[احساس أنثى]

صباحكم فل جميعا

بالسلامه ان شاء الله ياسهى لا تخاف ربنا معك باذن الله وحتشوفي بنتك بين ايديكي يارب وانتو وهيا بتمام الصحه والعافيه

ادعي واتوكلي على الله ... ربي يقومك بالسلامه... قلوبنا معك