دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

اموورة وكتكوتة · 10-28-2010, 05:12 AM

هلا طوق .. الحمدلله طمنتيني يعني انا طبيعية اذا انتي كمان بردانة يعني الجو صار بارد.. الحمدلله شوي كنت حتجنن لانو مو معقول انا بردانة ومتلجة والباقي لا

ثلجه فوشيه · 10-28-2010, 06:30 AM

بنااات فين البرد ؟؟؟ من جدكم انتو ؟؟
يمكن بروده داخليه < دي ماعمري سمعت فيها دايما اسمع سخونه داخليه هههههه
بس مافي برد ولا شي غريبين انتو من جد والله الجو لسا حار وموت برا مو بس حر ..

امووره ايش هذا ماصرنا نشوفك بس تجي شويتين بالليل ؟؟ ايش شغلك عننا لك وحشه ؟؟

نانا مادخلت أنا قلت يمكن بالليل تجي اشبهااااا ؟؟ يارب تكون ولدت بس وتريحنا دي البنت
صارت من يوم تغيب نوسوس ..

انا حاااااااولت بشتى الطررق انام مافي فايده مرررا ..

اموورة وكتكوتة · 10-28-2010, 07:10 AM

ايش اسوي طيب مو بيدي .. اقولك موبس بردانة متلجة ومتغطية بحرام تقيل وربي لابسة جرابات سميكة وبيجامة مررة تقيلة وبردانة.. ما ادري يمكن بدات الشتوية عندي ولا ايش ما ادري؟؟

انا ادخل بالصباح بس ما الاقي احد .. اطفش واخرج

ان شاء الله تكون نانا ولدت دحينة.. الله يعينها ويصبرها

فوشية انتي حتنفسي عند اهلك ولا في بيتك؟؟ طب ايش حتسوي الاستقبال ؟ جالسة افكر من دحين ومحتارة ابغا اجهز شوكولاتة وكدة توزيعات ابدا من دحين لانو جايين على حج وزوجي زي زوجك كل ما اطلب حاجة يقولي الدنيا حج وزحمة انا عارفة اني حولد ولسة ما سويت شي

تصدقو امس حلمت اني ولدت وجالسة اصرخ في الحلم وزوجي يقولي مو دحين ولادتك وانا ماسكة شنطة وجالسة اقولو ما جهزت ملابس النونو واصرخ من الم الولادة.. بعدين رحنا المستشفى والطريق زحمة مررررة .. الحمدلله صحيت على صوتي وانا اصرخ ولا كان شفت الولادة .. الله يستر بس مررة خفت

كروزه · 10-28-2010, 07:34 AM

صبااااااااااااااااح الخير

ماولدت لسه

ياررررررررررررب نانا تكون ولدت

بنات والله مااعرف اجلس احس بثقل غير طبيعي ومره خايفه يكون وزن الجنين زايد

لان حراء ماكشفت عليه بسونار ادعوووووووووووووولي

ثلجه فوشيه · 10-28-2010, 08:12 AM

أموره ايوا حنفس عند اهلي بس انا زيك ماجهزت شي تخيلي بس على شويتين الملابس حقت البيبي الي اشتريتها الله يعين بس هادا هوا يقولي بعد الحج خلينا نشوف النهايه هههههه
وعن الزينه مو عارفه من فين أشتري ولانفسي اكلف بس ودي اشتري دي الاشياء الي تتعلق بالسقف وتجي نازله شكلها حلو والباقي شي بسيط أنا اسويه مع اخواتي ...
ماحسوي توزيعات لأنو هوا ماهو مقتنع وكل مااقلو شي يقول مو مهم بس مناظر والا يقولي بعدين
قالت اختي هيا بتسويها مع ماما هديه ليا
المفرش حق السرير ماسكه معاه يقول اشتري من ايكيا عشان انا اشتريت اللحاف من زمان عارفين في ايكيا تجيكي تلبيسه لحاف وبيت مخده يقولي خذي من هناك ولبسي اللحاف الي عندنا اقولو ماينفع مو حلو مايصير حق نفاس مو راضي يقتنع بس أنا متمسكه برأيي وقلتلو ابغى شي ستان ومطرز وسرير النونو يقولي انا بعدين اشتريه طيب مولازم أنا اشوف ؟؟
الحلويات مرا رحت اتعشى برا في مطعم هندي جنبي ومريت على المهاوي شفت شكولاته حقت مواليد عندهم شكلها حلو بس طعمها مدري كيف ومسوين لها قاعدات حركات وحلوه كانت بحدود ميتين وخمسين دا الشي الوحيد قال بشتري لك هوا خخخخخ
والله زوجي مرا طيب بس مايحب الزحمه والا مافي شي تاني يعيبو يجيلو مزاج اخر الليل يطلعني عشان الدنيا فاضيه بس اخرج ايش اسوي كل شي مقفل

ثلجه فوشيه · 10-28-2010, 08:16 AM

ههههه اموره ضحكت لما تقولي زوجك يقول مو دحين تولدي ههههه اتعوذي من الشيطان بس احلام عالاقل تشوفي ايش مستنيكي خخخ

ثلجه فوشيه · 10-28-2010, 08:19 AM

كروزه الله يسهلك طيب روحي خاص سوي كشف تطمني بس وتشوفي حجم الجنين احسن من انك تولدي على عماها كذا

ثلجه فوشيه · 10-28-2010, 08:25 AM

بروح احاول انام شويا يمكن اروح عند اهلي اليوم اموره عدلي نومك عشان تجي تهرجي معانا في المغرب والعشا والا الليل اذا خرجت بكرا ماحشوفكم الا لما ارجع عشان اهلي ماعندهم نت وزوجي يوديني بدري قبل الزحمه ههههه من العصر يعني ياناس كرهت شي اسمو زحمه مع اني ماشوف الشوارع هاذيك الزحمه البطاله
يلا اشوفكم على خير
بآيات *_^

اموورة وكتكوتة · 10-28-2010, 08:47 AM

تلاقي الخير فوشية.. ما ادري يمكن ما ادخل اليوم الليل لانو زوجي رايح ملكة صاحبو وحيوديني عند اهلي والنت عندهم مفصول عشان الاختبارات عشان اخويه ثانوية.. المهم فوشية اذا قصدك الاشياء اللي تتعلق بالسقف كدة عشكل عربية ورضاعة بيبي وكدة من فلين هادي في منها في مهجة اللي في العزيزية سعرها 120 ريال<< بسوي دعاية لمهجة

انا ان شاء الله كمان بسوي التوزيعات ابغا اشوف مهجة يوم كدة واشتري اشياء بسيطة .. شوفي لما رحت سابع اختي جنب بيتها في حلويات سنابل السلام ترا مررة خطير عندو شوكولاتات كدة مزينة مرررة تجنن بصينية كبيرة وعليها دبدوب والعاب وحركات مررة حلوة في الوان منها دهبي وبمبى وازرق

بس اسعارو من 100 وفوق .. بس ما ادري الشوكولاتة يمكن تطلع قديمة ولا حاجة او طعمها مدري كيف.. انا اشتريتلها طرطة كبيرة وطعمها طيب بس ما ادري الشوكولاتة كيف

انشودةمطر · 10-28-2010, 05:09 PM

هاي بنوتات شكل نانا ولدت اما على البرد والله فيه بروده ها الايام عاد ودي اخذكم رحله معاي الطايف تشوفون البرد على اصولها واووووووو لما اروح لاهلي عاد تخيلو ولادتي في شهر 2 عز البرد والله مو شايله هم الا البيبي وولدي يتعب في البرد