تجمع حــوامل التوائم

[ام عطية]

ام عيالها وش صابونة القهوة اول مرة اسمع فيها

[متلهفة لحظوركم..]

ام عيالهااا مافهمت وش تقصدين بصابونة القهوة ولأيش تستخدم؟؟؟
اول مره اسمع فيهاا..
زود الغلا.. اذا جاك صداع سوي مساج يخف مررررره والبندول امن عادي تاكلينه..

[نـــــــارا]

أم زهور... عادي تقدرين تعرفين إذا كنتي حامل بتوأم.. انا عرفت من الأسبوع التاسع

------------------------

توأمي... إيه الحمد لله بس ما اقدر آخذ إجازة لأن موفرة إجازتي لبعد ما أولد عشان أجلس أكثر فترة ممكنة مع البيبيات ما أبي اهدهم وأداوم وهم بعدهم صغار... بس احاول قد ما أقدر أريح يعني يوم اللي أشوف نفسي تعبانة آخذ إجازة مرضية أو ما أكمل الدوام... وامس ما قدرت أكمل الدوام من التعب رديت البيت أرتاح.. بس ما أجوز!! رحت السوق العصر وشريت لي كم قطعة عشان بسوي لي جلابيات للعيد!

--------------------------

جومانا... حبيبتي تركي عنج السفن سيز.. في فيتامينات خاصة للحوامل تحتوي على كافة أنواع الفيتامينات... أنا اللي استخدمه وايد زين والحمد لله ضابط معاي واسمه pregnazone وفي نوع ثاني بعد اسمه pregnacare هذا صديقاتي مدحوا فيه
وعموماً أثنينهم تستخدمينهم حبة يومياً ويفضل مع وجبة كبيرة يعني مثلاً مع الغذاء.. ابلعي الحبة وتغذي لأن طعمه مرة كريه ويمكن يحوم الكبد شوي.. بس هو مفيد حتى لبعد الولادة لأن الأم تفقد سوائل وفيتامينات وشعرها ينهري بعد الولادة.. فهذا مناسب حتى لبعد الولادة تستمرين عليه فترة

وأنا آخذ كل يوم حبة حديد وحبة كالسيوم بعد وحبة فوليك أسيد بس بصراحة ما أذكر اسمهم

-----------------------------------------

محجبه...

تفضلي توقيعج
http://tickers.baby-gaga.com/p/dev010pr___.png

(روحي لعند التوقيع.. واختاري صورة.. وبعدين انسخي الرابط هناك) وراح يطلع لج التوقيع

-----------------------------------------

زود الغلا... حبيبتي الله يعطيك الصحة والعافية.. الأسبوع اللي فات حطوا في برنامج التفاح الأخضر عن الصداع وانواعه... عموماً العلاجات كانت كالآتي:

زيت النعناع تدهني بيه منطقة الوجع
وتشميه بعد
وفي بخاخ يبيعونه بالصيدليات مصنوع من الفلفل الأحمر تبخيه بالأنف ويروح صداع الشقيقة بالذات
طبعاً قالوا أن الفلفل الأحمر الحار هو علاج للصداع طبعاً بأكله او بشمه أو بالبخاخ الخاص
وابتعدي عن الأجبان لأنها مسببات للصداع

وقالوا بعد انك تاخذي ربطة الراس الآستيك اللي مثل التاج.. تغمسيها بماي بارد وزيت نعناع وتخليها على راسك لأنها تضغط الرأس وتأثير زيت النعناع قوي على الصداع ويروحه

وقالوا أن الفانيلا ورائحته مسبب للصداع فابتعدي عن الروائح القوية مثل الفانيلا

ولا تنسين تكثري من شرب الماء

وإذا كان ضغطك منخفض كلي موز لأنه مغذي وفيه أملاح ترفع الضغط

وما تشوفين شر حبيبتي

[ام عيالها]

صباح الخير,,,,
صابونة القهوه الكل يتكلم عنها يقولون حلوه توخر التشققات بعدالولاده وتشد وتبيض بشكل ملحوووووووووووووووظ,,,
معقوله محد سمع عنها

[متلهفة لحظوركم..]

بالنسبة لي اول مرررررره اسمع عنهاا وانا رحت للصيدلية وقلت لهم ابغى شي يوخر التشققات عطوني زيت الكل يمدح فيه والصراحه اعجبنييي اسمه bio oil ..

[ام عيالها]

هلا متلهفه,,,انت من وين انا من الكويت ؟؟؟؟؟
انا ستعمل كريم زبدة الككاو حق التشققات وايد مدحوه وبحثت عنه بالنت بعد امدحوه,,,,
بس هذي بع الولاده يستعملونها,,,

[متلهفة لحظوركم..]

انا من السعودية وعايشه في كندا
وهذ الزيت مدري اذا موجود بالخليج بس هو مرررره مشهور هنا والكل يمدح فيه..

[نورة نايف]

صباح الخير
اسال الله العلي القدير ان يرزقني واياكن الذريه السليمه المعافاه قولوا امين

[هجران]

مساء الورد أخواتي العزيزات
أشكر كل من سأل عني
تؤامي فرحة عمري مبروك على دخولك التاسع وربي يسهل عليج
ومبروك لكل من دخل الثامن والتاسع وعقبالنا يارب
أنا عندي صداع ودوار خفيف
ويضيق علي النفس وحده من بنوتاتي ربي يحفظها تجلس على أنفاسي
متواصله معكم ونسمع أخباركم الحلوه

[أستاذة ذوق]

صباح الخير

شلونك ام عيالها
اول مره اسمع بصابونة القهوه
بس ودي فيها طلعت لي تشققات ببطني توني لاحظتها من اسبوع
تشققات بيضا وحمرا فوق السره وانا دايم احك هذا المكان
مادري ليش طلعت مع اني استخدم زبدة الكاكاو وزيت الزيتون من اول حملي
عشان كذا مابي أطول بالحمل بيتشوه بطني أكثر