دردشة حوامل مصر - دردشة بنات مصر - تجمع حوامل مصر

[Rania Negm]

ياسمية انا قاعدة مرتقبة الولادة أهوو

كل ما يجى مغص اقول بسسسسسسسسس هولد فرجت ياعبد الستااار


الاقينى عاوزة ادخل التويلت وده مغص كاذب

اهو ادينى قاعدة متنحة مبتحركش عشان اول ما احس بحاجة غريبة القفها على طول

هههههههههههههههههههههه مجنونة صح ؟؟

ياختى يا لولو شالله يسعدك

ايه اللى جابنى على بالك ع الصبح كد ؟؟؟

أنا نمت تلاتة وصحيت ستة دخلت التويلت وفضلت متنحة زى البتاعة معرفتش انااااااااام تانى

[ايمان العليمي]

يا جماعه متقلقوش كده هو اخر 3 شهور تقريبا او شهرينبيكون النوم فيهم رخم اوي


بس انتم دلوقتي احسن من بعد الولاده بكتييييييييييير

[dr.princess]

والله يا رانيا كان مزاجى وحش وبعيط فقلت اكلمك لما تصحى

[somia]

مين سمعك يا لولو انا امبارح طول اليوم كنت مجمعه الكلام بالعافية ومبسمعش نص الكلام من التعب والصداع..
خلاص يا رب يا ستي اول ما جوزك يرجع الطلق يهل عليكي وعلى ما توصلي للمستشفى يكون الواد محمد خلاص جاهز وينزل بسرعة بولادة سهلة يسيرة .. ايه رأيك؟؟؟

[Rania Negm]

عااااااااااااااااااااااااااااااااااااااااااااااااا اا

ايه العيال الكئيبة دى

هى يا اما تقلبوها مستشفى ولادة

يا اما عيادة نفسية

لاااااااااااااااا بقولكوا ايه ؟؟؟ انا حماتى جاية كمان اسبوعين ومتنكدة رسمى

سمعونا زغروتة كدا ولا واحدة تقوم ترقصلنا شوية بكروشنا دى تطرى القاعدة

[ايمان العليمي]

ليه بس يا لولو بتعيطي ليه خير ؟؟؟؟؟؟؟


يا بنتي متنكديش علي نفسك .افرحي كده بالنونو الي جاي

[Rania Negm]

يااااا قلبى يا لولو

سلامتك من الاكتئاااب ربنا يفرج همك وكربك ياااااااااااارب

يابنتى فى حاجة زى كدا كلمينى فى اى وقت والله عااادى خااالص

انا حاسة بالغربة الخنيئة دى

طيب ارغى فضفضى لو حابة

[ايمان العليمي]

الله يعينك علي حماتك يا رانيا وتبقي خفيفه عليكي باذن الله :)

[dr.princess]

انتوا عارفين اخت جوزى كان جالها الطلق راحت المستشفى قالولها لسه بدرى روحى وابقى تعالى بعدين
مجرد ما روحت وجوزها رجع شغله تعبت اوى كلمته على ما وصل لقاها ماسكة البنوتة فى ايدها وطبعا المشيمة والحوار ده سبحااااااان الله

[somia]

بت يا روني مش انا عملت نفس حركة التصوير بتاعتك وصورت بطني والهانم عمالة تتشقلب وبطني تتحول الى هضاب وسهول ووديان ..ههههههههههههههه