دردشة بنات العراق, دردشة حوامل العراق , تجمع بنات العراق

[رويدة_ أم ألق]

والله يافلة مو قياس من حمل لحمل يختلف الوضع
مكتيلنا شمقررين تسمون الطفل الجديد بالسلامة.

[ام نورهانه]

بنات اكلكم اشو من الصبح دتصير بيه حاله غريبة احس اكو دكه زايده بقلبي كلش قويه تأذي صدري وتخنكني اله تروح ياله تروح الخنكة واظل اجر نفس احس بصعوبه اتنفس واحس الدكه دتزيد

[رويدة_ أم ألق]

آية بألف عافية.

[ام نورهانه]

والله اذا الله رزقني بولد ان شاء الله نسميه سيف لان ابو من كنت حامل بنورهان حلم يجي ولد ويسميه سيف 3 مرات يحلم احلام مختلفة بس اسم الولد نفسة سيف
واذا بنوته اسميها ريناد بس مو اكيد

[رويدة_ أم ألق]

الاسمين حلوات
فلة من تخلصين امتحانات روحي للدكتورة جيكي كل وضعج
واعتقد هذي الخنكة شي نفسي انت هواية تفكرين بالجنين
ويارب سالم من كل مكروه.

[ام نورهانه]

والله ماادري ام الوقة لج عيني ورجلي كلش لا ابالي
يعني قبل شوي تعاركت وياه لج ميهتم اكوله يكولي شنو يعني

[رويدة_ أم ألق]

هذا ينرادله واحد يفززه يوكَع قلبه ههههههههههه
لو يمج أسوي بيه مقلب الا ياخذج ركض للطبيب.

[ام نورهانه]

تدرين رويدة والله صح اني احبه واخذته عن حب بس تصرفاته تلعب ستين نفس وصايرة اضوج والله حتى اكعد وياه واضوج حتى احجي وياه بس هيج ومع ذلك مااكدر اعوفه مو حب بس تعودت وجوده بحياتي

[رويدة_ أم ألق]

الله يساعدج فلة أكو اشياء من تذكريها أكول زين انت بهذا العمر وتتحملين
بس مثلما كلتي متكدرين بعد ومهما كان هو ابو بنتج
انتظري بلكي يدخل الاربعين ويتغير شوية ههه

[ام نورهانه]

تدرين صارلي اكثر من اسبوعين منايمه وياه دائما اتحجج بنورهان لو انام قبله يعني هيج لان صايرة وره منخلص تلزمني حاله هستيريه من البجي بس طبعا مو كدامه بالحمام مااعرف ليش احسه خالني بس هالشغلة وتدرين اني من شهر التاسع العام طالعه ويا ولهذا اليوم ممطلعني لو بيت اهلي لو دكتور يعني مااعرف اشو هاي دكه قلبي قلبت علي المواجع مع العلم اني احاول انسه واطنش الوضع ولا يعجبني احجي واناقش لان تعبت من الكلام وصرت بسرعة اتعصب واتعب روحي على الفاضي