دردشة بنات فلسطين, دردشة حوامل فلسطين, تجمع بنات فلسطين

لولو حمادة · 07-08-2012, 09:45 PM

اهلين احساس كيفك
انا بغربة بس انا مشغولة كثير بدي انقل لبيت جديد وكمان تعبانة

احساس أنثى · 07-08-2012, 09:56 PM

الله يعينك يالولو والله النقل من بيت لبيت والعفش تعب فعلا وانتي لسى والده جديد ربي يكون بعونك وبغربه يعني ايدك لوحدك

انا بس غيرت الغرفه عشان اوسعها شويه تعبت ... ربنا يعينك وسلامة قلبك من شو تعبانه ؟؟

لولو حمادة · 07-08-2012, 10:03 PM

ظهري بيجعني وجسمي بحسوا كلو مكسر ومعدتي مايعة من الدورة

احساس أنثى · 07-08-2012, 10:19 PM

انتي هيك بسير فيكي من الدورة ؟؟ معدتك كلي شي مالح متل الزعتر كويس

وخدي مسكن لوجع الظهر .. الله يرفع عنك

نبض قلب · 07-08-2012, 11:24 PM

اهلن

الله يسعد مساكم

مييين هون

نبض قلب · 07-08-2012, 11:45 PM

احساس ** و بنك **

هاد طلعنا جيران انا قبال جامع النور المحمدي

و داري عالطابق التالت

عرفتوها ؟؟

هع هع

نبض قلب · 07-08-2012, 11:55 PM

بدي اقوم اضب الغسيلات

هيني متابعة

ادخلووووووووووو ندردش

جارة القمر · 07-09-2012, 12:24 AM

يسعد مساكم

ما شالله عليكم يا بنات غزه لازم اخد عناوينكم اللي كتبتوها واجي ازوركم..........

ولكم مرسي رئيس مصر ناوي يفتح لحدود .....والله اول ما خطرلي اني اطلع على مصر وادخل
من حدودهم على غزه نفسي اجي ...........
وبعمللكم زياره ههههههههههههه

احساس 10 من 10 تعليقك السابق على الغياب .........خلص انتي العريفه هون
على الحضور والغياب .......

......................

نبض و لولو يسعد مساكم
لولو :
سلامتك والله يكون بعونك على الترحيل

تعرفوا بنات اليوم كان سيء كتير من بدايته ..............

المهم:
حد فكر فيكم وخاصة للي بدهم ينظمو الانجاب عن الطرق اللي رح تستخدموها
هالموضوع شغل بالي
مع اني الحمد لله بفضل ربي نظمت بين يزن وزيد بس تعبت لانه اول شي استخدمت اللولب مدة 6 اشهر
وما لائمني واستخدمت التنظيم الطبيعي وكنت كل تأخر للدورة اكون على اعصابي انه صاير حمل
والعازل زوجي ما بحب يستخدمه
وحبوب منع الحمل بتهلكني الم من معدتي يعني ما ضل شي
فكركم في طرق جديده ............؟

نبض قلب · 07-09-2012, 12:43 AM

اهلن جارة

اللولب انسب شي

لانو ما بيأثر على الدم زي الحبوب

وفي ابرة كل 3 شهور

التنظيم ابلطبيعي يوتر الاعصاب

انا استخدمت حبوب بس ما سبب لي الم معدة بس جنني ضلو ينزل دم لاني ما كنت اخدو بالتمام على الوقت

اما الاآن بعد ولادتي التانية استخدمت لولب و بعد اسبوعين نزل لحالو

الدكتورة شالتو و اعطتني عازل لحتى تيجي الدورة و اروح اركب لولب

جارة القمر · 07-09-2012, 12:51 AM

المشكله انه اللولب لما حتيطه .........الدورة كانت تقعد بدل 5 ايام 15 يوم طبعا الدم مو كتير بس شي بيزعج

بالنسبه للحبوب انا لما اخدهم بصير كاني بتوحم
معدتي حساسه
بس بفكر احط لولب نوع تانيعن اللي استخدمته اول مره لانه في انواع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM