تجمع الجزائريات المتأخرات في الحمل و أهلين بالتونسيات الغاليات

[سهام فرنسا]

أمة عزيزتي أين أنت ؟
طمنينا عليك وش راكي ؟

[سهام فرنسا]

وين رااااااااااااااااااااااااااااااااااااااااااااااااا اااااااااااااااااااااكم
أدخلو طلو برك علاه الحالة راهي ناشفة هكذا ؟

[Nourelhouda]

سلام البنات واش راكم لاباس!؟!؟!؟!
انا خدمت اليوم و من كثر الهدرة و العياط راه راسي قد الكرة الرضية و حكمتني الدوخة و وجعة تاع الدورة ووجعة تاع ظهري حسيتو مقسوم على زوج،،،،،
ام بلقاسم رانا اخوات ووالدتك هي راهي والدتنا ايضا ، ربي يحفظهالكم يارب و يعوضها على صبره و تعوضوها على كل واش جوزت اتهالاو فيها برك،،،،،
سهام، صبورة، ريحانة ، الما.امومة واش راكم لاباس،!؟!؟!؟!؟!؟
بسومة واش هذ الغيبة!؟!؟!؟ راكي لاباس!؟!؟!؟
سهام، الما صحا صبامكم و تقبل الله منكم،،،، ادعولنا جزاكم الله كل خير ،،،،، يارب نصفى و نصوم يوم عرفة يا رب...... صحا فطوركم،،،،
مريومتي يا العزيزة هذا وين طلي عليا قريب هبلت عليك ،،،،، واش راكي!؟!؟ واش راه وليدي !؟!؟!؟ اتهالاي في روحك ، راهم قالولي البنات بلي تحليتي!؟!؟!؟ هكذا هذي وصايتي !!!!! قلتلك شدي بلاصة و انت ضاربة الدنيا بكودبيي ،،،،،، لوكان نجي ليك لقسنطينة نربطك بحبيلة في الرير حتى نهار تولدي ههههههه،،، حافظي على روحك حنونة ماقعدش بزاف،،،،، ربي يطلعك على خير،،،،،
امة الرحمن الغالية وين راكي!؟!؟ ان شاء الله لاباس!؟!؟!؟ توحشتك ،موالفة تستفتحي التجمع بالادعية و المواعض درك دخلت ماكان والو!؟!؟!؟!؟!؟ ان شاء الله راكي لاباس!؟!؟؟
خولة وين راكي!؟!؟! ان شاء الله لاباس!،!؟!؟!

[rayhana05]

سلام عليكم بنات وشراكم ان شاء الله لاباس
انا اليوم كنت صايمة و الله قريب مت
مي قلت منزيدش نصوم حتى نهار عرفة ان شاء الله
و الله يا لبنات غير دعيتلكم كامل ربي يرزقكم الحل في القريب العاجل
ربي يتقبل برك
صحى فطور الصايمات

[احلى شيء الاموموة]

صح فطوووور الصايمات...ربي يتقبل منكم وان شاااء الله صيامكم في الجنة....
ريحانة ربي يقبل صيامك كان شفتي روحك الصيام يضرك مش لازم تصومي....ربي يحاسب على النية...تهلاينا في البيبي وربي يحفظك ....
نور الهدى ربي يعاونك...
سهام سقسيتيني على خالتي مسعودة ...هههههه....اليوم لعشية عملت التيزانة نتاع القرفة والزعتر والقرنفل...وهبطتلي راني بالسطر في حاااااالة ....يااا رب وقتاش تخطاني وتنساني شوية غير 9 شهور برك ما طلبتش بزاااف....يااا رب ارزقنا الحمل الثابت السليم...
حورية وينك ياااا الزينة ان شاااء الله راكي بخير ...صبوورة وينك حنونة ...امة اختنا الزينة غاب حسك علينا.؟؟؟؟
باقي لبنات الكل ربي يفرحكم ويهني بالكم....
اللهم بلغنا صيام يوم عرفة واقبله منا ....وتقبل فيه دعواتنا يااا ارحم الراحمين....

[alma021]

السلام عليكم لبنات واش الحالة راهي ناشفة بزاااااااااااااااااااااااااااااااااااااااااااااااا اااااااااااف وين راكم
ريحانة تقبل الله صيامك وعلاه صمتي ياك انت فيك روح اخرى لازم تتهلاي فيها وتوكليها مليح المهم ربي يقبل وماتشقيش روحك
نور انا ثاني راسي راه ضارني مي مالصيام
امومة ان شاء الله هدي اخر دورة يارب
سهام وين راكي قلتيلي ادا نعرف الحميس بيان سور وتموت عليه بزيت الزيتون اممممممم
امة وين راكي انشاء الله غيابك مايكون غي الخير
صبورة ام بلقاسم مريم اسما وكامل لبنات طلو علينا

[Nourelhouda]

اهلا ريحانة صحا فطورك و تقبل الله منك،،،،، يعطيك الصحة على الدعاء،،،،،
الما صحا فطورك و تقبل الله منك،،،،
امومة لاباس،،،،
البنات غدا ان شاء الله قررت و اخيرا نروح للطبيبة ههههههه على خاطر الوجعة تاع ظهري ذبحتني و راهي الحمى و زيد حبست المسعودة راهي غير نقاط هههههه،، و راحلي كي شافني ماشي مليحة حلف فيا قالي تروحي للطبيبة و الا نوريلك كيفاه،،،، ههههههه خفت زعمة ههههههههههه ربي يستر،،ً،،

[Nourelhouda]

وين راكم!؟!؟!؟!؟!؟!؟؟!

[barbi alg]

مساء الخير بنات
واش حوالكم

[barbi alg]

انا ليوم عيد زواجي
وامندوبة هاديك ما حبت تجي ما حبت تروح
تاخر اربع ايام
وعملت التاست سلبي
عامين وهيا مشيطتني وكيلها ربي هههه