دردشة بنات فلسطين , دردشة حوامل فلسطين , تجمع بنات فلسطين

[احساس أنثى]

يسعد مساكم صبايا
توي خلصت شغل مع ان الجو براد لكن متت من الحر
اولاد عمي عشان كلهم شباب متعبين مش زي البنات :)

وهلا دور الدراسه واااااااااااااااع
عالتعب والهم

[حواء مثالية]

حبيبتي تسلمي سماااا

احساس الله يعينك انا ما بدي ادرس للامتحااان لانه على الفاضي كل سنة بنجح

[سما الدنيا]

انتي شو مخلصةحواء علوم سياسيه حسب ما بظن انا تربيه ابتدائيه وعالفاضي قاطعه الامل وتندمة انودخلت هيك تخصص

[حواء مثالية]

لا انا مخلصة تاريخ ومخلصة دبلوم عالي اساليب وتاهيل

سما راح تقدمي الامتحان السنة؟؟؟؟؟؟

[ام عبدالله لولو]

تسلمي يا حواء انتي الزوء كلو حبيبتي صبايا ههههههههه شكلو كلنا تاريخ هون وانا كمان مخلصة تاريخ ههههههههه سما حلو تخصصك بس الي مش حلو انو ما في وظائف

[~{{ DoDo }}~]

منورات صبايا

اية
سوري تاخرت بالرد عليكي بس انشغلت بالمطبخ
انا يا ستي من غزة بس عايشة بالامارات واليوم بيصيرلي سنتين متزوجة ؛)
وهاد اول حمل الي الحمدلله والله يتمملنا جميعا على خير

حواء
احنا عنا هون في كوتة مخصوص للبيبي الجديد
ضهرها ناااايم تقريبا مش مايل الا شويييي هي هاي اللي ناوية عليها وبنفس الوقت بتطلع موسيقى وبتهز البييبي لوحدها
بدي احطه فيها لما نكون قاعدين بالصالون او وقت لييجوا ناس يعني

احساس
يعطيكي العافية يا بطة
الله يعينك ويوفقك ياااارب

ام عبد الله
هيني طبخت هههههه
عملت سبانخ يختي

سما
منورة بس اوعك زوجك يسمعك على محمد عساف
هههههه حبيه يختي بينك وبين حالك هههه بوسيلي عمورة

[اية من الجمال]

اها يا دودو وشو اخبار الامارات معك
حاسة بالغربة ولا كيف

[حواء مثالية]

دودو الله يتمملك عخير يارب

بتعرفي كل صاحباتي عانو من حملان الولد لما يجي بس كبر شوي انجنو منهم لانهم معودين يضلوا محمولين

وفي بنات هون عانو من هالشي كمان


بتعرفي انا برلنت لعمر الخمس شهور ما خليت حد يحملها يعني ارضعها واغيرلها وترجع تنام اصلا هم لهلعمر بكونو هيك واذا عودتي ابنك على الحملان راح انتي تتعبي بعدين

انا هلا برلنت ما بتفرق معها اذا انحملت او لا حتى بلاحظ عليها بتحب تضل تلعب وعلى الارض هيك اعتمدت على حالها وهيها ما شاء الله عليها لا بتزن ولا بتغلب

الي بدي اوصله انه من الاول انتي كيف نظامك مع البيبي بكون كيف انتي بترتاحي وكمان هو بنفس الوقت يكون تمام

[~{{ DoDo }}~]

اية
الحمدلله مبسوطة هون
بس اكيد بتضل غربة وبعد عن الاهل
ربنا يهونها علينا جميعا

حواء
معك حق مية بالمية
الله يقدرني واعمل متلك لاني بجد ناوية هيك
البيبي اولها متل ما قلتي بدو يرضع ويكون نضيف وينام
ان شاء الله ما بدي اعودو عالحملان عشان هيك مهتمة اجيب كوتة احطله اياها وين ما بكون واخليه عليها

[حيفا]

مسا الخييير يا جميلات :)

كيفكم شو اخباركم ؟؟ كيف هالجووو معاكم ؟

انا اليوم حاسه ببدايه اكتئاب لانه شكلها اللي ما تتسمى حتشرف , نزل مني شوية اشياء بنية !!!! اويلي ع حالي لاء وكمان مقدمة يوم هههههههههه

الحمد لله ع كل حال