دردشة بنات فلسطين, دردشة حوامل فلسطين, تجمع بنات فلسطين

[بينك روز]

بعين الله
بتقلب بس بصعوووووووووووووووووووووووووبه

[احساس أنثى]

الله يعينا معهم حق كل البنات بدهم يولدوا باول التاسع ههههههه مع هالحر والتقل والله تعب انا بس غشلت وتحممت حسيت حالي مكسره الله يعين يلي عندهم بيت كامل ,,

اليوم في سهرة بالمنطقه بنقول يارب يطلبولنا الكهربا من الشركه وماتقطع ... ولا انتي مش في منطقتي؟ لأنو ابو اسكندر كبير ^_^

[بينك روز]

اها
انا ساكنه المفترق التاني من ابو الامين ناحية اخر الجلاء
مابعرف فهمتي عليه ولا لأ
عندي بعد الدوام بدي اروح على الساحة اشطب لحاف البيبي
عملت لحاف تطريز ان شاء الله لما يخلص بفريكم اياه

[احساس أنثى]

اها لا انتي لفوق شوية انا عند بالبركة أكيد بتعرفيها هههههه

مبروك مقدما اللحاف انا شريتو من اول لاشجاعيه لا صيفي ولا هوا شتوي نص ونص عشان الغرفه عندي فيها مكيف حرام لازم يتغطى البيبي

يعني انتي عامله اللحاف شغل يديوي؟؟ ولا بدك تشتريه شريا ؟

[بينك روز]

اه بعرفها البركة عماتي سكنات هناك
انا ساكنة في عمارة دبابش الي على الكوربة الي فيها سمكره ازا بتعرفيها
بالنسبة للحاف انا شريت كل شي جاهز
بس هاد لحاف تطريز فلاحي انا عملته كتير حلو
وبعمل شغلات تانية هلا
بعمل قاعدة بشنطة بكل الالوان
وعملت محافظ ومدابس وبراويز حائط ومراية وعلاقة معالق للمطبخ وشال كتف وصابوا "صندل" وعلاقة مفاتيح
بحب التطريز كتير وبحب ابدع فيه
ان شاء الله هفريكم كل الي بعمله بس يخلص كله
لاني بعمل شغله وبزهق منها بمسك شغله تانية يعني مو كله جاهز في جاهز وفي لسه

[احساس أنثى]

اه بعرفها يلي بنوها جديد ...

ماشاء الله عليكي انتي يلي بتعملي هالشغلات جد مبدعه من غير مااشوف على السمع ههههه

كان نفسي اخد دورة تطريز بدل القعده الفاضيه بس زوجي هاد مايشجع ههههههه

ياالله بانتظارك تفرجينا جهودك الحلوة يابينك روز

[بينك روز]

لا حبيبتي مو المبنية جديد في وحده تانية لقدام شوي
الي مبنيه جديد تحتها سوبر ماركت
ولا يهمك ياعسل ان شاء الله بفريكم كل شي عندي
واليوم بس اروح وتيجي الكهربا في اشياء جاهزة عندي بدي اصورها وافريكم اياها
ويارب يعجبكم شغلي

[احساس أنثى]

ياستي المهم طلعنا جيران وقراب من بعض .... تعرفي انا امي تموت بهالشغلات بس اكون متوسعه ومعي فلوس اجيبلها اي شي عليه تطريز خاصه المحافظ وتعليقات للمفاتيح تموت فيهم .. مع انهم لما تشتريهم يكونوا غاليييين نار

ياالله شوقتيني انا العصر رايحه السوق حرجع بالليل افتح اشوف شغلك ياعسل .. بس والله انك جدعه توفقي بين شغل لابيت والشغل بره والتطريز انجاز منك ^_* ... وحامل كمان هاد اول بطن الك ؟؟

[احساس أنثى]

الكهربا ثواني وحتقطع اشوفكم بالليل ياحلوات وياكسلانات ماشفنا حد فيكم اليوم شو ؟؟ مالكم ؟؟

[احساس أنثى]

والله ياصبايا انكم كسلانين لازم تتعاقبوا هههههههههه عامله فيها الناظره

شكلها حواء ولدت ؟؟ وجارة مشغوله مع زيود ؟؟ وأم عزمي مشغوله مع هويده والمباركات اكيد !!

وعسولة الظاهر رجعت تراجع عند الدكتور ؟؟ وبنت الضفتين الظاهر اجى معاد الطلق الصناعي؟؟

ولولو حماده انتي بغربه وزهقانه وعندك وقت مالك مابتفوتي؟؟ وسهى الظاهر ولدت كمان !!

ومسك السنين مشغوله بتجهيزات البيبي ولا شو ؟؟ وهبه مشغوله بمشاريعها سلمتيهم ولا لسى؟؟

بينك روز أكيد بتصور شغلها عشان تفرجينا اياه ^_^!!

نبض قلب انتي بمنطقتنا وين مابتبيني ؟ مايا متل القمر بالشهر مره بتطل!! عيون المها شكلها مقضيه هالايام طلعات وفسح ربي يهنيكي

ان شاالله مااكون نسيت حد بس النداء للجميع الكل يظهر ويطمنا عليه