تجمع حوامل المدينة المنورة

[مدام الهام]

وعليكم السلام ورحمة اللة ام تالا اهلافيك في تجمعنا نورتي اللة يتمم لك حملك بخير وسلامة الولادة الطبيعية بعد القيصري تعتمد ليش ولادتك الاولى قيصيرية اذا كان الحوض ضيق راح كمان تولدي هادي المرة قيصرية لاكن كل حمل لة حالة خاصة واعرف ناس ولدو قيصرية بعدين التانية طبيعية عادي جدا وتبغي تراجعي اررشحلك الدكتورة فوزية وامل في الاحمدي والدكتورة ماجدة في المواساة وانتي شوفي اللي ترتاحيلها

[أم تالا]

تسلمي الهام على الرد
أما بالنسبه لولادتي الأولى كانت قيصري لأن موية الجنين نزلت وماجاني طلق والرحم ماانفتح
وطبعا كانت في مستشفى الولادة

[رشة عطر]

مرحبا للجميع كيفكم وكيف الحمل معاكم
انقطعت يومين لاني سافرت من عند اهلي لبيتي بس من جد التجمع خااااامل وش فيكم ؟

[دلع]

الحمدلله على سلامتك شوشو تتربى بعزك ان شالله
الحمدلله على السلامه عطر
اهلين الهام
تسلمي عالسؤال انا جلست عند امي اربع ايام وطلعت شايله المودم لان اخواني مايذاكروا اذا عندهم نت ورفضت تطلعه لي طلعت ماامون عليها هههههه
كيفك انتي ان شالله بتولدي في المواساه ..
انا كنت ابغى اسألك ماتدرين عن الولاده بدون الم عندهم بالكمامه ولا الابره ويعطوها بس للبكريه ولا عادي اي حامل..
انا زميلتي ولدت فيه تقول روعه ماحسيت بالولاده بالمره اعطوها الكمامه ونامت على طول بس انا كان عندي موعد الاربعاء عند ماجده وتكلمت مع وحده فـ الانتظار قالت لي الكمامه بس للبكريه الصراحه خفت انا ودي اولد بالكمامه..وكمان تقولي ان ماجده بس تسوي عمليات..وكنت ابسألك عن الجناح الملكي تعرفي كم سعره..والغرفه العاديه كم سعرها..يعطيك العافيه حبيبتي وتسلمي عالسؤال ....

[رشة عطر]

هلا وغلا بدلع كيفك انتي ؟
هههههههههههههههههههاي اجل امك شايلة المودم عنك

[مدام الهام]

ام تالا عشان كدا ولدوك قيصري اتوقع المرة هادي ان شاءاللة تولدي طبيعي اذا ماكان عندك مانع صحي رشة عطر الحمدللة على سلامتك وخاملين عشان الربوع والخميس نشرد عند اهلنا مانجلس ابد بالبيتناخد عفشنا ونروح والجمعة نرجع لبيوتنا دلع بصراحة قلقت عليك لاتطولي غيابك مرة تانية سؤالك عن الكمامة اكيد اذا طلبتيها بيعطونك هيا مو انتي والدة عندهم بفلوسك اللي تبغية يصلحونة لك وعلى فكرة الطبيبة المناوبة وقت ولادتك هي اللي تولدك وعاد انتي وحضك وسعر الجناح العادي 2500 الي 3000 اتوقع والملكي من 5000 الى 6000 انتي اذا رحتي موعدك اسالي الاستقبال وانتي دحين باي شهر اللة يتمملك بخير يارب

[فراشة 27]

السلام عليكم ورحمة الله وبركاته كييييييييييييييييفكم كروشات الله يسهلكم جميعا كيف استعدادكم للولاده بئذن الله نفسي بلبس استقبال لطفل ليموني بالله ساعدوني على محل تكون اسعاره حلوة لان مررررررررررره تعبانه مااقدر ادور

[ريوف22]

السلام عليكم ياااااحلوين
كيفكم وايش اخبار
الله يهون عليكم ويقومكم بسلامه
انا ماني حامل بس حابه اشاركم انا مررره ما احب مستشفي الموساه كرهني فيه زوجي
كان يشتغل فيه ويقول كم حاله ولاده اتحولت ع مستشفي الولاده بسبب تعسر الحاله
لمن اسلبت المرره الاخيره رحت عندهم سويت عملية تنظيف وداني غصب عنو بس والله
لمن خرجت كان معايه مغص مررره قوي والله من مستشفي لي مستشفي وبعد كم اسبوع خرج مني الله يكرمكم قطعه وبعده الحمدلله ارتحت شكله زي القطن بس مدري الله واعلم
انا ماني حابه اخوفكم بس الموساه اهمال مدري
الله يحميكم ويهون عليكم يااارب
وانشاءالله افكر اني احمل وربي يرزقني يارب وكل اللي يتمنو

[دلع]

يعطيك العافيه الهام
الظاهر من كثر اسئلتنا بنخليك تندمين انك فتحتي التجمع
انا فـ الشهر الثالث عشان كذا ماحبيت اسأل الاستقبال قلت بدري.. انا ابغى اخذ جناح بس غالي...

وعليكم السلام فراشه
انا بدري علي التجهيز بس اشوف اشياء حلوه فـ مجمع النور..

اهلين ريوف
انا نظفت مرتين عند ماجده الحمدلله ماكان فيه اي الام او مضاعفات..
وترى اي مستشفى خاص تتعسر عندهم ولاده او اي عمليه ثانيه على طول يحولوا على مستشفى الولاده..ومستشفى المواساه مو كامل اكيد فيه الزين والشين..

[ام رسيل]

صبااااح الخيراات كيفكم كروشات وكيف الحمل معاكم

ياالله الله يهون علينا الولادة والطلق