دردشة حوامل مملكة المغرب - تجمع بنات المغرب

أم جويرية · 11-05-2010, 03:38 PM

نعم أختي معرفة غادي نعطي راسي الراحة أكثر و على الله التكلان
الله يبارك في حبيبتي معرفة و شكرا على دعائك لي أسأل الله يجزيك خير الجزاء

Om KHaled · 11-05-2010, 06:58 PM

مرحبا بيك أختي أم جورية , مرحبا ألف مرحبا , الله يثبت ليك الحمل على خير.. ماتخلعيش راه الجنين في الاول سبحان الله تيكون بحال حبة الفاصوليا ةهدا طبيعي ماتديش بزاف على كلام شيء بعض الاطباء مكيدربو حسبة للام غير كيخرجو الهدرة راه ربي كبير وهادشي مكايهمش اهم شيء تكوني انتي مرتاحة نفسيا وصحيا باش يمكن للجنين يكبر طبيعي وخلي التوثر على جنب وتهلاي في راسك بزااف والى بغيتي اتأكديمزيان من بعد شر شوفي دكتورة ثانية ومانصحكش تكثري السونار على البيبي بزااف ...
نتمنى الصحة والسلامة للجميع وربي يفكنا على خير
تحياتي لكي بنت بلادي

أم جويرية · 11-05-2010, 07:09 PM

ترحب بيك الجنة أختي نور القمر و الله يجازيك بالخير على كلامك الطيب و المريح و الله معك حق هاد الأطبة غير داوييين بلا مياخذو بحساب نفسيتنا
عرفتي خلاتني شكيت أكدات ليا الحمل و كتقول ليا مباينش ليا وشوفي كيف ديري ليها هههههه الحمد لله على كل حال
و الله يثبت حملي و يبارك ليا فيك و يجعله سليم معافى و الله يسهل ولادتك و يقر عينيك بمولودك
و مرة أخرى تنشكرك بزااااف على ردك حفظك الله من كل شر

ام ريان و رنية · 11-05-2010, 07:39 PM

اختي ام جورية في هاد الفترة راه تيكون صغير بزاف كاينة لي مكيبانش كاع عندها انا درت ايكو كرافيا لي كدار من التحت ماشي ديال الكرش الاخرى في 6 اسابيع وكان طول ديالو 6 ملمتر يعني صغير بزاف ومنبعد درت ايكو كرافي في اسبوع 10 تبارك الله نبر ولا طول 37 ملمتر يعني 3 سنتيم ونص متخافيش اختي دابا يكبر وخودي حامض فوليك ضروري في 3 اشهر الاولى يحمي جنينك من تشوهات الله يحميه ليك ويحمي جميع ابناءنا وخودي راحة شوية وحتى نعاس مع زوجك حاولي تفادايه في هاد الفترة حتى ترجعي عند الطبيبة وتشوفي شنو غتكوليك الله يكمل حملك وحكلنا جميعا

ام ريان و رنية · 11-05-2010, 07:41 PM

اخوات شوفو هاد المنكر لي دايرينو اليهود الله ينتقم منهوم كليكيو على صورة جوج مرات باش تبان كبيرة

Om KHaled · 11-05-2010, 07:57 PM

حسبنا الله ونعم الوكيل

jamola · 11-05-2010, 08:53 PM

hasbona lah wa ni3malwakil

jamola · 11-05-2010, 08:59 PM

salam kif toma khoti lhamlat labas 3likom cho akhbar lhaml m3akom ana b3da m3adbni lhamdolah osafi kanhs brassi rir mrhya bara ri nen3as lah ydwz had 3chehor 3la khir o safi khti omjawria lah ysm3k khbar khir kima 9atlk khti omrayan toba rir kayrwno nas sbar chwiya o chof tbiba akhra inchae lah ykon ri lkhir lah ytebt hmlna kamlin ya rab o yrzo9na doriya saliha inchae lah

ام الخلفاء · 11-05-2010, 09:14 PM

مسا الخير غالياتي

نتمنى تكونو كلكم بخير

مرحبا بالعضوات الجديدات

ديمة تنوصي على لحليب والتمر ومكين الي جابو اش هاد الشي ههههههههههههه

تهلااااااااااااااااو

معرفة · 11-05-2010, 11:44 PM

اقتباس:

المشاركة الأصلية كتبت بواسطة ام ريان و رنية

اخوات شوفو هاد المنكر لي دايرينو اليهود الله ينتقم منهوم كليكيو على صورة جوج مرات باش تبان كبيرة

شوفي اختي ام ريان الله متم نوره ولو كره الكافرون اللهم ارينا عجائب قدرتك فيهم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحبن بضيفة من المغرب......	أم حفصة	ملتقى عضوات حوامل	10	04-22-2012 05:54 PM
صور لقصر الامير سلطان في المغرب	غلا الشوق	المـنـتـدى الـعـام	31	08-09-2011 04:35 PM
المغرب من تصويري تفضلو	ام حصة	المـنـتـدى الـعـام	31	03-14-2011 01:27 AM
المغرب من تصويري الجزء الثاني	ام حصة	المـنـتـدى الـعـام	1	11-13-2010 04:30 PM
قفطان بلاد المغرب الحبب	سموة الشوق	الموضة و الجمال	12	09-25-2010 05:54 PM