.·¤ تجمع الحوامل اللي ولادتهم في محرم¤·.

[Noga88]

ولكم باك اعز.. صح زيت الزيتون يوصخ بس والله حلو تحسي جسمك رطب مره
ام اسكندر انا ادهن بس بطني مو مستحمله ياربي كمان الافخاذ

[اعز الناس عافوني]

يسلممو نوقآآ شكلي برجع احطه قبل لاااتروش

[انا المستحيل]

صباح الحب يا ريقات

[اعز الناس عافوني]

صبآآح النور يااحلوه

[اعز الناس عافوني]

يلآ استأذنكم ودعوآآآتكم
موعدي الساعه 10 الصباح
بغسل عباآيتي وبنآم لي كم ساعه ^^

[ام نور وحمود]

صباح الخير كرووووشات

اعز الناس بالتوفيق

[اعز الناس عافوني]

بنآت قبل لاااروح ابي اقولكم شي
قبل ساعتين واناقاعده حسييت برفسه ببطني ع اليسسار
معقوله رفسه البيبي ولا شي ثاني هههه
مااعتقد يبدا يرفس من الحين
شرآآيكم

[ملكتني بهمسك]

السلام عليكم ورحمه الله وبركاته

اخباركم ؟ واخبار النونو معاكم ؟

حابه انضم لكم عسى ربي يفرجها علي واولد بشهر محرم اذا ربي كتب

اخر دوره كانت 26_3_1433

متى باولد العلم عند الله لكن انشاءالله معاكم ونعيش هذي الايام على خير مع بعض والله يتمم لنا على خير ويرزقنا ولاده سهله ميسره

[Marawy]

مرحبا ،،

ام اسكندر ،، ربي يعطيج الصحه والعافيه ،، وزين سويتي انتهزتي الفرصه قبل رمضان يدخل علينا ودهنتي الشقه ،، وحاسبي من الريحه ،، والحمدلله انج رحتي لبيت اهلج لين تخف شوي الريحه ،،
زيت الزيتون حلو بعد ،، بس احسه حار على الجسم خصوصا مع جونا هالايام ،، افكر اني استخدمه لما اولد بالسلامه ان شاء الله عشان بيكون الجو بارد شوي بشهر 11 ،، والله اوقات ادهن فخوذي لكن مو مداومه كثير ،، بعد هالنصيحه راح اداوم ،، مافيني شدة جسم متشقق ياربي ،، وربي انا في بداية حملي سويت شغلات لما افكر فيها الحين احس راسي بينفجر ،، بس اقول الحمدلله انا ما كنت ادري اني حامل من الاساس ،، يعني كنت استخدم يوميا كريم فير اند لافلي ومعروف انه مبيض ،، وغير الحمام مغربي اللي كنت اسويه واسبوع قبل التحليل كنت رايحه لمساده (ممرخه) تمرخني عشان الحمل وقالت لي هالاسبوع راح تنزل عليج الدوره ،، ومانزلت ،، والغبيه ما عرفت اني حامل !! من قوة تمريخها صار جسمي مبقع بالازرق والله ستر ،، وغير اني رايحه الشاليه ومتسبحه بالبحر واناطط مع زوجي ،، وراكبه موتر سيكل معاه ،، و و و و و و و ،، والله كل ما اتذكر هالشي اقول سبحان الله إذا الله اراد ان يكون هالبيبي من نصيبي راح يكون حتى لو شنو صار ،، واحمد ربي انه لطف بي وعرفت بعدها اني حامل وعوضت كل هالتعب بالراحه ،، لاني اول ما عرفت بالحمل كانت المشيمه نازله وخلاص بيصير اجهاض الله لا يقول ،، لكن ربج كريم ،، اتركي الوسواس عنج واهم شي النيه يالغاليه ،،

[Marawy]

نوقا ،، هذا الكريم لون علبته بيج ومكتوب عليه بالانجليزي palmers وعليه صورة وحده حامل تبين دبتها وصدرها ،، ومكتوب انه فعال لل strech marks هو حلو ونفعني يعني استخدمته من اول ماعرفت اني حامل يوميا واوقات اخليه باليوم مرتين او ثلاث ،، وتوه الحين مخلص ،، مع ان العلبه صغيره بس اقتصاديه ،، الحين استخدم فازلين اللي علبته بنيه غامقه مكتوب عليه
(زبدة الكاكاو. Cocoa butter
واحسه بنفس مفعول (بالمرز) لكن الفرق ان هذاك مخصص للحوامل وهذا لا للترطيب بس ،،
زيت الزيتون حلو بعد انا عندي علبة كريم جيرجنز ومخلصه على نهايتها ،، زدتها زيت زيتون وخلطتها واستخدمه لجسمي اوقات ،، بس مو مداومه عليه لان حر واحس ملابسي تلصق ،، يمدحون زيت اللوز ،، يقولون ينفع ويفتح البشره ويمنع الدوالي بالرجول وحتى الدكتورة قالت لي عنه لبطني ،،