دردشة حوامل مصر - دردشة بنات مصر - تجمع حوامل مصر

somia · 04-16-2011, 10:14 AM

لولو انتي رحتي فييييييييييييين؟؟؟

somia · 04-16-2011, 10:18 AM

اه هوه ده اللي قصدي عليه.. انا اول شهرين على الاقل هتلاقيني رحت لماما وبابا كل اسبوع عشان ميزعلوش مني ... وبيني وبينك انا ناوية اما زوجي يبقى معايا ادبسه في الشيلة وبعدين انا اصلا مش عارفة هشيلها على دراعي ازاي وانا لابسة الخمار والنقاب خايفة النونة تتخنق مني

dr.princess · 04-16-2011, 10:25 AM

مين اللى بيروح لمين يابنتى هم اللى المفروض يجولك
وعادى طيب منا بلبس طرحة كبيرة ونقاب ايه اللى هيخنقه عادى

somia · 04-16-2011, 10:29 AM

يا بنتي انا عارفة مش هيجولي الا فيما ندر لان امي زي ماقلتلك عند جدي علطووووووووول فمش عارفة بقى اه اللي ممكن يحصل بس على ما اظن انا اللي هروحلهم

somia · 04-16-2011, 10:30 AM

طب هتشيليه باذن الله تعالى ازاي يعني من تحت الطرحة ولا من فوقها؟؟؟

dr.princess · 04-16-2011, 10:32 AM

انتى غرييييييييييييبة الست اللى والدة دى بتبقى مكرمة معززة فى بيتها ومش بتخرج لحد حتى لو امها وابوها هم اللى يجروا عليها وعلى البيبى
وبعدين ربنا يسهل علينا ولادتنا انتى مفكرة انك بعدها هتبقى قردة وتجرى فى الشوارع لا طبعا بعد تعب الولادة ولخبطة النوم وعياط النونو هيبقى فل اوى لو شفتى جوزك اصلا

dr.princess · 04-16-2011, 10:37 AM

لالا اكيد من فوقها طبعا
انتى بتفكرى فى شوية حاجات ماتجيش على بال حد كل حاجة فى وقتها ليه شايلة الهم من دلوقتى

somia · 04-16-2011, 10:39 AM

هههههههههه يا بنتي ولا غريبة ولا حاجة بس انا خايفة قوي ان تحصل مشاكل هنا ان ماما مجتليش فعايزة انا اللي اروح عشان محدش يلقح بالكلام عليهم وتحصل مشاكل بين العيلتين وخصوصا اني في منطقة شعبية وليهم تقاليدهم بتاعة الولادة واولها ان الام بتيجي لبنتها بس احنا عندنا اصلا البنت الوالدة هيه اللي بتطلع على مامتها بس انا مش عايزة اروح لامي ده لوكانت جت اصلا من السفر وزوجي موجود يعني مش في مامورية وانا نفسي يكون موجود في ولادتي ويبقى جمبي وفي نفس الوقت خايفة تحصل مشاكل من النحيتين وانا اصلا مش عارفة اتجنبها ازاي لاننا هناك لينا عادات معينة وهما هنا عاداتهم تانية خاااااااالص فحاسة اني هبقى بشد في شعري

somia · 04-16-2011, 10:41 AM

والله يا لولو ما اني مكنتش بعمل كده بس خايفة بعد الولادة احتاس واندم اني ما اشتريتهاش وبالذات لو رفعت ايدي وانا شايلاها فكده الخمار هيترفع وانا بحبه يبقى مغطيني كويس

dr.princess · 04-16-2011, 10:44 AM

وانتى فاكرة انهم مش هيقولوا دى امها ماهنش عليها تجيلها وهى اللى راحتلها وهى لسه والدة هم الكلمتين دول بالظبط اللى هيتقالوا
بس للامانة يا سمية مامتك واجب عليها تجيلك وتخدمك خصوصا انها مش جنبك طول الوقت تعالى شوفى ماما بتعمل ايه لاختى والله لو اختى عملت ايه ماتقدر توفى حق ماماا عليها ابدااااا