دردشة حوامل مصر - دردشة بنات مصر - تجمع حوامل مصر

somia · 04-16-2011, 07:20 AM

باذن الله تعالى انا ناوية اجيبه لاني مش هيهون عليا ينام في غرفة لوحدة قبل ما يبقى عنده سنة كده باذن الله تعالى وتعرف تنزل لوحدها من السرير وفي نفس الوقت مش هينفع اسيب الراجل الغلبان لوحده في غرفة تانية مع انه بيقولي اعملي حسابك لو عيطت تاخديها وتناموا في الغرفة التانية يعني باذن الله هتنام معايا عالسرير لغاية تلاث او اربع شهور كده وبعدين تبقى جمبي بس في سريرها عشان تتعود تنام على سرير لوحدها بس في نفس الوقت معايا وعلى تمن شهور ابتدي اما تنام اطلع السرير ده لغرفتها واحدة وحدة عشان تتعود وبعدين باذن الله تعالى تنام على سريرها لوحدها بس طبعا احتمال كبير وزوجي في المأموريات تنام في حضني لغاية تمن شهور كده باذن الله ..
انتي ايه رأيك؟؟؟

somia · 04-16-2011, 07:23 AM

|أه فعلا الواحد اتبهدل وانهي بهدلة الواحد حس انه بقى عامل زي العواجيز من التعب اللي فيه ..
فاكرة يا لولو قبل ما اعرف اني حامل ساعة ما قلتلك تدعيلي في الروضه اني حامل ..

dr.princess · 04-16-2011, 07:26 AM

نظام حلو
بس جوزى رافض فكرة انه ينام معانا فى نفس السرير علشان بيخاف
و كذا حد من اصحابى قالولى ان الرجالة مش بيستحملوا العياط والزن فمش عارفة بقى هيستحملنا معاه ولا هيطلع ينام فى الصالة

dr.princess · 04-16-2011, 07:28 AM

اه فاكرة طبعا
ماتنسيش بقى تبقى تدعيلى لما اجى اولد كله سلف ودييين هههههههههههههههه

somia · 04-16-2011, 07:31 AM

والله زوجي حتى الان عايزها تبقى في النص بس انا بقولك احلم انا مش مستغنيه عن البنت ان شاء الله هتبقى جمبي واول ما تعرف تتقلب هحطها على سريرها لان سريري مينفعشي يبقى جمب الحيطة ..
وبعدين انا في الغالب زوجي اصلا ماشاء الله عليه بيبقى في مأموريات فوهوه موجود المفروض يستحملنا ولا الا على الوضع ده يبقى مش هنشوف بعض خالص

somia · 04-16-2011, 07:34 AM

من عنيا بس انتي اعمليها بس وابقي بلغينا بس يا رب يكرمك ربنا وتبقى ولادة طبيعية سهلة ويسيرة ويسهلك رضاعتك يا رب ..
صحيح انتي بتدهني صدرك وبتدلكيه وكده؟؟؟

dr.princess · 04-16-2011, 07:36 AM

يااااااااااارب اللهم امين
ولا الهوا دهنته 3 مرات وخلاص مش عارفة اعمل ايه فى الكسل ده

somia · 04-16-2011, 07:40 AM

لولو خلي بالك لحسن ده مهم جدا عشان متتعبيش في الرضاعة ولازم أما تدلكيها عذرا يعني تشدي الحلمة برة بالجامد واحدة وحدة وتكرري ده لمدة 5 دقايق انا الدكتورة قالتلي كده وخلي بالك لان ساعات تدليك الحلمات ببتسرع الولادة..
مع اني برضه زيك مدهنتهاش غير يجي اربع مرات بس بحاول اني احترم نفسي عشان الالم ميضطرنيش ارضع صناعي

somia · 04-16-2011, 07:42 AM

صحيح عليكي بالجرجير لحسن بيقولوا بيحمي الطلق وممكن يعمله لاني كنت عايزة اكله فاخت زوجي اللي هيه خريجة طب قالتلي ممنوع عشان منلاقيكيش بتولديلنا الوقتي اصبري شوية

dr.princess · 04-16-2011, 07:43 AM

والله دكتورتى ماقلتش حاجة كالمعتاد يعنى بس هحاول ربنا يسهل