.·¤ تجمع الحوامل اللي ولادتهم في محرم¤·.

[غايتي الجنة]

السلام عليكم

اخباركم؟؟

وش عندها ام سكندر ماتدخل وش فيه اخوها عسى ماشر؟؟طمنوني

[عيش الحياة]

يوهههه
اكل المطاعم مافي مفر منو لازم ايش نسوي احيانا يكون عشا واحيانا غدا الله يحفظنا واحيانا ما اقدر اقوم اطبخ فنطر نجيب من برة

[ام التوينز3]

اكيد ما في احلى من اكل البيت بس النفس ملوله لازم تشتاق لاكل المطاعم

[Noga88]

اي والله لو ماكنت مريضه امس من اكل المطعم كان غدانا اليوم مطعم بس من الالم ههههههههههههه
يابنات جايتني عنز مو طبيعيه طفشانه زوجي الله يصلحه والله قهر
تخيلوا بينا وبين القصيم ساعتين ابي اروح اغير جو مو راضي
ابي اروح احضر زواجات مو راضي خلاص مافي اروح الا بيت اهلي او اهله غير كذا مافي
ادري خايف بس عجزت انقعه... والزواج اذا كانوا صاحباتي ومو من الجماعه مايخليني احضره والله تعبت 3 سنين اقنعه مااقتنع يااااااااااااااااربي

[فديــته الــ غ ــالي]

تعالوا يابنااات عرفونا على حلوياتكم الرمضانيه

في كل يووم في رمضاان ... من هناْ تختااري الحٰلا

[روح الورد]

آلسـَلآم عليـكـَـَم وَرَحْمــَـہ آللًـہْ

اخبااركم

وحشتوني ماقدرت اردلاني داخله من شريحتي

كنت عنداهلي ....وامي ياحياتي كانت تبيني اجلس عندها شافتني تعبانه ووجهي شاحب خافت علي
بس مااقدراخلي بيتي وزوجي الله يعين يارب
ومن استعجالي طلعت ونسيت شباك مفتوح ودخل الغباربالشقه .....اهئ
وماماواختي جابولي هدايالي وللنونو
الله يحفظهم .....
وصديقتي نصحتني اشرب غجربارد بيزيد الدم
لسى ماجربته ....
هذي اخراخباري ....

[Noga88]

هلا رووح الورد... حلو ارتحتي كم يوم عندك اهلك ..لازم ناخذ راحه كل فتره
والشقه الله يعينك عليها كل يومسوي شي مو بيوم واحد اهم شي دروج المطبخ اللي نظفتيها قبل فتره ماتكون توسسخت
ومبررررررررروك هدايا النونو.. وعقبال مايجي النونو يارب

[Noga88]

ووينكم بنات مختفيات اليوووم

[Marawy]

بنات شلونكم ؟ وحشتوني ،، شخبار نونواتكم !؟
وشلون الحركه معاكم ،؟


نوقا ،، ربي يسمع منج يالغاليه ،، وعقبال اولادج تزوجينهم يارب ،، عاد تعزمينا ،، ماعليج شر يالغاليه ،، وكل مره اقول نفس كلامج انني لازم ما اكل من مطاعم بره بس اضطر اكل منهم ،، والله احنا الكسل ذابحنا ،، وغير هذا كله لا صار بخاطرج اكل برع ،، يالله ،،
ربي يسخر لج زوجج يارب ،، وحاولي تقنعينه ان هذا واجب وملزوم توجبين الناس ،، عشان بعدين يوجبونج ،،


المها ،، الحمدلله ان الكحه خفت ،، انا للحين ملوعه جبدي ،، تروح وتجي على مزاجها كأنه بيت ابوها وانا مدري !!
هالاسبوع عندي موعد وراح اقول للدكتورة تعطيني لها حل سريع لاني تعبت ،،. الحمدلله انج حسيتي بالحركه ،، ربي يتمم لج على خير يارب ،،


ام التوينز ،، ربي يبارك فيج ،، عقبال ماتجهزي للنونوات اللي ببطنك وربي يبلغج فيهم يارب وتفرحين بهم ويحفظج من كل شر ،،


ام حور ،، ياهلا فيج بيناتنا ،، منوره يالغلا ،، ربي يتمم لج على خير ويقومج بالسلامه يارب ،، وربي يرزقج اللي تتمنين ،،


ام يارا ،، ربي يبارك فيج يالغاليه ،، صح البكريه تتأخر وانا احس نفسي متأخره كثير لين حسيت بها وللحينها خفيفه حيل ،، وبصراحه مستعجله احس فيها بوضوح وبقوه ،، ياربي لا تحرم اي حامل بالتجمع انها تحس بالحركه ،،
انا رمضان اقضيه كل سنه في بيت اهلي ،، الجمعه احلى على الفطور ،، وزوجي الله يحفظه يحب يقعد مع اهلي ما شاء الله وخصوصا برمضان ،، يعطي امي فلوس لشهر عشان الاغراض يساعدها وغير الاكل اللي نجيبه وكل يوم نزورهم على الفطور ،،


رياليتي ،، ههههههه ضحكتني سالفة انج تشفطين الحليب وتشربينها اياه ،، الله يقطع ابليسج ،، بس ليش فكرت بالحبوب اللي ينشف الحليب متأخر !! يعني لما كلمتوها قالت تاكل بندول ! البندول وش بيسوي بالحليب !!؟
ودامج ناويه ترضعين ولد اختج وولد اخو زوجج ،، خليه لا تطيعينها وتجففينه بالحبوب ،، ممكن له اثار جانبيه او شي لا سمح الله ،، خلج تشفطينه لين يقل بروحه واساسا فايدته انه يرجع الرحم لمكانه ويصير طبيعي ،، والله اعلم ،،


روح الورد ،، ربي يحفظ لج امج واختج ،، وعليج بالعافيه الهدايا انتي والبيبي ،، وربي يعينج على تنظيف الشقه ،، الغبار ما سوا فينا خير والله ،، لكن الحمدلله على كل حال ،،


شولولي و ام اسكندر و دلع الاحساء و اعز الناس ،، وينهم اليوم ؟ ما لهم بيان ،،؟ ان شاء الله المانع خير ،،

[Marawy]

بنات افكر اصوم يومين قبل لا يدخل علينا رمضان ،، عشان اشوف نفسي شلون بالصيام ،، ما ودي اتعب اول يوم رمضان ويكون شي جديد علي ،، اخاف من التعب والجوع استفرغ وماينقبل صيامي حزتها ويصير علي دين ،، وشرايكم ؟؟