تجمع اللي بيولدون في شهر ذو الحجه

Dado · 10-16-2011, 06:01 AM

الحمدلله ياتوته ولدي كويس ماشالله عليه ربي يحميه بيتحسن كل يوم حتى الممرضات يقولو ولدي مستعجل يبغى يروح البيت خلاص قلتلهم هو شكلو مستعجل بكل حاجه

والله صرت خايفه اجيب نونوتاني لانو يقولو اللي ولدو ولاده مبكره احتمال تتكرر الحاله قلت لزوجي يكفي واحد..
وكمان مدري كيف الوضع بالسعوديه.. هنا بامريكا ماشالله تبارك الله اطفال يتولدو بعمر 24 اسبوع ويخرجو بعد 3 او 4 شهور من المستشفى كأنهم ولدو بوقتهم
وبالسعوديه قريت قصص حريم ولدو باسابيع متأخره اكتر وما يعيشو اطفالهم

طبعا كلو بيد ربنا سبحانه وتعالى بس الخوف من الحمل صار كابوس بالنسبه لي

توته ربي يسهلك موعدك مع الدكتوره وتسمعي اخبار حلوه وتروح عنك كل الالتهابات يارب

تـوته · 10-16-2011, 06:26 AM

يانااااااسي علييييييه الله يحفظه لك ..
لو اني منك احمل ورا بعض دامني بامريكا عشان العنايه عندهم ماشاءلله
ههههههههههههههه ماعندي وقت ,,كل شي بيد الله سبحانه

يمكن بحالتك تحتاجين ربط عشان ما تتكرر الولاده المبكره والله اعلم
ويكتبلك اللي فيه الخير ..وطمنينا اول ما يطلع ابنك للبيت

Dado · 10-16-2011, 07:02 AM

فكرت فيها يا توته بس قلت حرام اظلم هالمسكين
جاي بدري وكمان احمل وما افضالو .. حبوووووه والله

من غير كدا عندي دراسه وقروشه

خلي ايمون يدلع على كيف كيفو وبعد اربعه او حمسه سنين اجيب التاني وخلااااااااص

انا مرررره خرجتكم من مواضيع الولاده والشهر التاسع

يلا تنويع وتغير جو عشان تتبسطو وتنسو شوي

Dado · 10-16-2011, 07:06 AM

صح في شي يضحك كمان

بعد الولاده لااازم بامريكا يجوكي ضيفين
الضيف الاول دكتوره نفسيه تجي تتكلم معاكي وتواسيكي وتعطيكي رقمها لو احتجتيها مره تانيه

والضيف التاني محامي يجيكي ويسألك عن معاملة المستشفى ليكي ولو عندك اي شكوى عشان يرفع عليهم قضيه وتاخدي حقك كامل مكمل

طبعا انا تنحت قلت تخيلو عندنا كدا كان الدكاتره احترمو نفسهم منجد
لوووول

dl3ksa · 10-16-2011, 07:10 AM

واااااااااااااااو حبيتهم الضيوف ذولا ؟؟؟

مافي امل يزورونا بالسعودية ؟؟

ههههههههههههههههههههه

Dado · 10-16-2011, 07:15 AM

لوووووووووول

لا

لو في امل نقول بعد مليون سنه

حبيبة موني · 10-16-2011, 07:56 AM

مشاااعل

ياقلبي الحمدلله ع السلامه ومبرووووك ماجاكم ويتربى في عزكم

داادووو

احلى مافي الموضوع المحامي اللي زاركم ،، والله لو هنا في زي كدا كان الحريم كوولهم ولدو طبيعي ومافي قيصري الا نااااادرا ،، هنا بعض الدكاتره اللي يطفشو منها يدخلوها عمليه عشان يفتكو ،، وعشان الفلوووس مالت عليهم *

عسله · 10-16-2011, 08:12 AM

صباح الليل ههههههه<<< مواصله

صباح الخير والراحه الله يديمها علينا يارب .,.

كيفكم
وكيف الحلوين اللي في الكروشات ربي يحفظهم

مشاعل

والله كلامك بدا يخوفني
حكاية المشي
لان انا من بدات امشي حسيت ماشالله بطني نزلت شويه عن اول
فقولت بداية خير و ع كلام الدكتوره
الله يكتبلنا كل خير

دادو
نورتينا ياقلبو
اخبارك؟؟ لكي وحشه
والحمدلله ان ولدك اتحسن عقبال ماتبشرينا بخروجه ان شالله وهو طيب

قلبيــ مدينهــ · 10-16-2011, 09:03 AM

مشاعل الحمدلله على سلامتك وهيا كدا الولادة متعبه وكلو بأجره ..... اهم شي صحتك وصحة البيبي !!!

dado والله محتاجين المحامي والطبيب النفسي من جد خصوصا بعد الولاده.... عقبال ما يخرج ايمن معاكي وتفرحي فيه ....

قلبيــ مدينهــ · 10-16-2011, 09:05 AM

عسله شكرا على الرد لأنو انا بيطلبوا مني تحليل الجلوكوز اللي تشربي عصير وبعدها يحللوا سكر وانا ماسويته بس احلل تحليل السكر العادي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الحوامل اللاتي سيلدن بشهر رجب 1432	يالبيه ياانا	إستفسارات مرحلة الولادة	13690	07-03-2011 03:39 AM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM
تجمع الحوامل الاتي سيلدن في ذو الحجة	بيوني	إستفسارات مرحلة الولادة	3806	01-09-2011 10:00 PM
تجمع الحوامل الاتي سيلدن شهر 5 (صحبه طيبه )	مرمر احمد	إستفسارات حوامل من الشهر السابع إلى الشهر التاسع	1	11-29-2009 02:27 AM