تجمع سيدات ليبيا الغاليات..

[شموسه 88]

المشاركة الأصلية كتبت بواسطة dr.loly

الف لاباس عليكـ ان شاء الله...

هذا بسب ارتفاع هرمون الحمل ولخبطة الهرمونات خلال الحمل
تسبب مشاكل ف اللثه والم اسنان لا يطاااق

صارتلي ف فراس لدرجة قعدت نخبط في راسي ف ساس تصدقي


والمشكله ماعنديش سوسه .............



لكن الله لا يعاوده..



انا ديما نكتب للحوامل في هالغسول مع بانادول الازرق هذا لي الامن طول فترة الحمــــل طبعا




والغسول هوlidocaine mouthwash


3 مرات باليوم بدون تخفيف طبعا


فيه نسبه مسكن وبنج وكذلك مطهر للفم


وبصدق ارتحت عليه بعد يوم ايام حملي وكنت ف اول التاسع وقتها


وكذلك اللي نوصف فيه لهم ف العياده ديما يقولولي ريحنا

ان شالله حنجربه اويارب ايكون في نتيجه لاني عمري ماعانيت من اسناني اوعمرها ماجتني حتى سوسه انا كان اتشوفيني حاطه وشاح عل فمي مش قادره لا ندوي ولا ناكل وانحس في راسي كله ينبض من الالم

[شموسه 88]

اليوم ماقدرتش اندير حتى غدا زوجي جاب وجبه مشاوي مشكله مع رز واسلاطات غديت لعيال او صونيتي مازالت ترج فيا في الفرن مش قادره ناكل

[شموسه 88]

تقبل الله صيامك فرروسه
شن اموتيه فطورك

[جوهرة ليبيا]

كيف حالك فروسه وحال الولي يارب اتكون بخير هي ووخيها

وربي يتقبل صيامك ويرزقك الاجر والتواب

[جوهرة ليبيا]

شموسه راك عزيزة وغاليه علينا وكل يوم نفقد فيك في التجمع الله لايغيبك علينا

[ام وسونة]

السلام عليكم

كيفكم كلي ياتكم ياحلوات

انستينا ياشموسة وجهي حلو عليك اني كلمتك البارح واليوم انستينا منوووووورة هلبا


ام فروسة شكرا على تعليقك وكل اللي قلتيه عندي عليه خلفية لاني مهندسة معمارية وليست ديكور

يعني دارستها من جميع الجهات لما فكرت في الصالون مالقيتش حل غيره وخاصة ان باب الحوش مقابل البار فلازم

يكون صالون مش طاولة الطعام باش مايصيرش ضيق عالعين فهمتيني ياغالية اني من نوع اللي نحب نشغل

كل مكان في الحوش لامتاع النظر الا في حالتي صعب انك تكوني داخله للبيت وتلقي على طول سفرة الاكل

ورغم كبر وسط الحوش حيبان صغيررر واني ماحبيتش الفكرة هادي

[sosolibya]

مساااااااااااااااء الخير .. كيف حالكم بنات

ومية هلا وغلا وشوكلاطة وسلة حلا بشموسة الغالية ..


ولد عمي رفعوه لتونس اليوم ربي يشفيه يارب وبارك الله فيكم على النشدة
تحيلوا حاجة تقهر في بعض ألأجهزة طلعت هنا مش موجودة أصلا وصور طلعت مظلمة عليك حالة وخلاص..


توا أنا برووووووووووحي الصغار وبوهم مشو لعمامهم ..

وأنا أخترعت بسبسوة جديدة..

[جوهرة ليبيا]

درنا يلي مايندار حتي في الكورة ثوار

الف الف مبروك لمنتخبنا الوطني الفوز عقبال الكاس

[sosolibya]

فروسة لو سمحتي ممكن مساعدة بسيطة ولا أظن أنها تحل إلا من ألإدارة

شفتي اللخبطة يللي صايرة في قسم السياحة والسفر..

حاولت نغير ألأسماء بس تغيرت المشاركة ألأولى فقط وبقى ألإسم ألأصلي
للموضوع.
لو سمحتى ديري دورة وتوا تفهمي.....

[dr.loly]

المشاركة الأصلية كتبت بواسطة جوهرة ليبيا

درنا يلي مايندار حتي في الكورة ثوار

الف الف مبروك لمنتخبنا الوطني الفوز عقبال الكاس

نجـــك نجـــك..

لنقانهم فروحنا شــوي..


الحق كنت لاهيه بالفطور وبعدها المطبخ ..

لكن زوجي نسمع فيه يتفرج عليهاااا جيت نتفرج معاه ع الاشواط الاضافيه


بس ضيعو 3 فرص ف ركلات الترجيح حرقولي دمي ههههههههه




بس والله فرجت بعدهاااا.. وابوفراس قال خلي يفرحوا الشعب اشويه




شن الاجواء عندكم اكيد جوووو