هنا تجمع حوامل الشهر (السابع والثامن والتاسع)

[اقصوصه]

احلام ورديه : هلا الغاليه ، فعلا المنتدى حلو وايد وبتلقين فيه وايد امور تفيدج وتهمج ، انا ثالث اسبوع في الثامن حاليا، يعني ما بيننا فرق كبير، انتي حامل ببنت والا ولد ؟ وهذا بكرج والا عندج عيال قبل؟



الحزينه 2 : هالاعراض طبيعيه ، والحمل كل ما يتقدم تزيد اعراضه ، يلا ما عليه هانت ، كلها شهرين وتربين ع خير ان شا الله وتفتكين ، الله يقومج بالسلامه يا رب :)


بشوره : هلا بشوره، بخير الحمدلله يسرج الحال شخبارج انتي عساج طيبه؟ وشخبار الحمل معاج؟

[مليت فرقاكـ]

هلا كروشات مفحطات شخباركم
الله يسهل عليكم

[أم ياسمين]

هاي بنوتات شخباركم ؟

[اقصوصه]

مليت فرقاك : هلا الغاليه ، بخير الحمدلله ، انتي شحالج عساج طيبه؟ سهرانه اليوم والا كيف؟

ام ياسمين : اهلين عزيزتي الحمدلله اخبارنا طيبه اخبارك انتي عساج بخير ؟ غالبا المتدى بالليل هادي وما في حركه ، بش شكلكم اليوم سهرانيين :)

[اموورة وكتكوتة]

مليت فرقاك ام ياسمين افصوصة والكروشات التانيين

هلا فيكم كيفكم طيبين ايش في اخر اخبار عندكم ؟؟ مو نعسانييين هههههههه ولا طفشانيييين؟؟ اكيد جوعانييين زيي

[اقصوصه]

اموره وكتكوته : هلا الغاليه ، انا والله كنت يوعانه وتوني نزلت المطبخ من شوي كلت كورة لبنه مع خبز وكراميل المراعي وحبة كاكاو وشربت ماي :) والحين يالسه اطالع فيلم عربي ع قناة كايرو، بديت انعس بس بعد شوي بنام

[أم ياسمين]

أنا من كثر النوم بالنهار بليل ما اييني نوم يمكن اصلي الفجر و احاول انام بس حلوه القعده بدون صيحة اليهال حواليج خخخخخخخخخ الله يحفظهم انشالله

[اقصوصه]

ام ياسمين ، هيه والله حلو الهدوء ، انا امس نمت 2 باللليل وقمت مع العيال ع المدارس ست الصبح ، ورديت نمت 1 ونص الظهر وقمت خمس ونص بالليل ، نومي صاير وايد ملخبط ! حاليا بعدني اتابع الفيلم المصري بس بدا النعاس يزيد علي :)

[أم ياسمين]

اليوم مافي مدارس عاد استقبلي الحنه اول ما تبدي تغفي عينج يمه يمه يمه يمه

[اقصوصه]

ام ياسمين : هههههههههه انا ريلي وعيالي بايتين بره البيت اليوم يعني انا اليوم اجازه
وبقوووم على اقل من مهلي وان شا الله يعني بشبع نووم لاني ناويه احط تليفوناتي سايلنت عشان انعم بنوم عمييييييييييق:)