تجمع الحوامل الي بيولدون في شهر ذو القعده ^_^

[الخزامى96]

مرحبا أخواتي ...كيف الحال ..كنت بدي استفسر حكة البطن وتشققاته ايش اعمل فيها والله العظيم بموت منها والمشكله انها طلعت فجأه خلال 3اسابيع وكانت موجوده قبل..بطني صاير خرائط ويفجع شكله بس مايهمني قد ماتهمني الحكه الي احسها انتشرت في كل جسمي وخاصة لما اعرق بموت حطيت زيت زيتون ورحت لدكتور اداني مراهم بس تهدأ شويه وترجع ..الحمدلله على كل حال حتى النوم ماعاد اقدر انام منها ومن الم جوانبي وضيقة النفس..يارب لك الحمد ويجعله تخفيف لذنوبنا..الله يسهل عليا وعليكم ولاداتنا ويقومنا بالسلامه يارب

[ام علاوي99]

جمررررررررررة الف الف الف مبررررووووووووووك
واللة من زووود فرحتي خنقتني العبرررررة

اللحممممدلله على سلامتك يااارب *


جامعيه الحمد الله طمنتينا عليك مرهفه حس لبى قلبك ماقريت وش اسئلتك حبي تعبت افرفر بين صفحات امري حبيبتي تقريبا نفسي بين ولاداتي اسقاط وانا بولد في مستشفى تابع للقوات العسكريه اسمه المصانع وبعدين بروح لدكتورتي تسوي لها بس مدري عن قيمتها

الله يسهل عليكم اجمعين

[ماما زوزو]

جموووووووووووووورة
الف الف الف مبروك والحمدلله على سلامتج والله فرحتلج حبيبتي ياربي يخليلج مولودج وتفرحين بي... شسميتوووه؟؟؟
عقبالنا انشالله بالولادة السهلة

هدوء الليل
الحمدلله حبيبتي انه تعدل وضع جنينج انتي بعد.. ياربي يسهل ولادتنا جميعا
ربنا ارحم الراحمين

الخزامى
والله ياحبيبتي حاسة فيج بس الحمدلله هاذي ضريبة الحمل والامومة حتى انا حاسة انه بطني خلص تشوهت من كثر التشققات مع اني بكرية بس كله يهون عشان الحلو الصغنووون اللي جاي ان شاء الله... حاولي تدهنيها دايما وربي يسهل ولادتج لانه الحكة بتروح بعد الولادة بس التشققات الله يعيننا عليها عاد مدري شنو حنسوي فيها

ماما رورو
الحمدلله على السلامة والف مبروك الولادة حبيبتي.. تدرين اني لما شفت اسمج حسيت اني انحولت !! قلت منو اللي داخل من اسمي وكاتب اني ولدت وانا لسة لانه مافي فرق بين اسمائنا الا النقط .. انتي رورو وانا زوزو

بنات مالكم حجة الشريط انقص وجمورة قصته يلا وحدة ورة الثانية تبشرونا بولادتكم... عاد انا اول وحدة حسيت انه الدور جاي علي لما شفت جمورة والدة... زوجي رايح جاي يقوللي ((((قررررررررررربت))))

[ام جنى2009]

ياصباح الاخبار الحلوة ياسلالالالالام
شو جامعية احنا كلنا تشجعنا من بعدك قلنا خلالالالاص لازم نولد الله يقومك بالسلامة
جمورة عارفة قشعر جسمي كان نفسي اكون جنبك واساعدك لاني تعبت فبكري ولولا الله ثم زوجي وامي مابعرف شو صار فيا
ماما زوزو مبروك انو تعدل وبقلك مشييييييييييييي عشان ينحشر لازم تمشي كتييير حتى ينزل الراس بالحوض ومايرجع يطلع ع لاقل ساعة باليوم انا كويسة حبيبتي مغص وتعب ومافي جديد

[ام فارس اوان]

الف الف مبروك جمور وعقبالنا جميع يارب عاجلا غير اجل

[ام محمـــــد]

الحمدلله على السلامة
جموررررررررررررة
و
ماما رورو
وعقبال الباقين
يسهل علينا رب العالمين بإذن الله تعالى

[روح الفراشة]

جامعية من وين طلعتي حطيناج
بقائمة الوالدات طلعتي للحين كروشة مثلنا

جمرة غضى ما قلتي لنا وش جبتي ووش سميتي
عموماً الحمد لله على السلامة حاسة الموضوع مثل
الحلم تدخل وحدة من تجمعنا وتقول أنا ولدت..

الله يتمم للباقي على خير... ياااااا رب

[روح الفراشة]

كروشات بخبركم باللي صار لي البارحة
بالتفصيل وأتمنى أسمع رايكم في حالتي..

المغرب حسيت بألم في بطني ولمن دخلت الحمام
الله يعزكم لقيت قطعة صغيرة لزجة لونها أصفر
أول مرة أشوفها واستبشرت انها تكون قبل السدادة
لأن ما كان فيها دم..

الساعة وحدة الفجر دخلت أنام صحيت الساعة 3
على تحجر قوي أنا يصيدني بس مو بالهكثرة والألم
ومن يفك التحجر يجيني ألم مثل الدورة بس في البطن لثواني..

كل ما تغفى عيني شوي أقوم من الألم شكيت في الموضوع
وحسبت التحجر طلع منتظم كل 8 دقايق شربت مغلي البابونج
ونفس الحال ما تغير ينتظم الألم ساعة ويرد يتغير على هالحال
بس الألم تغير وصار ألام دورة شديدة في الظهر والبطن لدرجة
حتى التنفس يصعب لين الساعة 6ونص بعدين سويت لي حليب
دافي مع شوية زنجبيل وما تغير شي آخر وقت أذكره سبع ونص
أظن الألم اختفى لأن صحيت على الألم مرة ثانية الساعة 9 ونص
وما زال الألم يروح ويجي بس مو منتظم..

على كل هالألم ما شفت سدادة الرحم هل اللي عندي طلق
بس الرحم ما فتح أو ممكن يكون فاتح 2-3 والسدادة تنزل عقب..

كروشات تعبت وأنا أكتب هالقصة جاوبوني باللي تعرفونه
الله يسهل عليكم ولادتكم..

[مرهفة حس]

ياصباح الخير والاخبار الحلوه ماقلت لكم احساسي ان جموره قصت الشريط يالله الف الف الف مبروك جموره
الحمدلله على سلامتك عقبال البنات
يارب سهلها علينا يارب
جامعيه اشغلتي التجمع كله على بالنا ولدتي رغم ان ولادتك بتكون بعدي بس محد يدري يولدبالبدايه ولا بالنهايه
الحمدالله على سلامتك لاعاد تتطولين علينا لانا نفتقدك كثير
طيب احساسي الي بتقص الشريط بعد جموره وسسو انشوف الاحساس يصدق
ام عبدالرحمن ادخلي على تجمع اهل جده وبتعرفين الدكتوره وانا انشاء الله الاسبوع الجاي بامرها وباتفق معها باذن الله
امروني خواتي بالي تبون

[مرهفة حس]

جموره نبي قصة الولاده تقدميها لنا هديه فديتك وفديتالنونو
يالله يابختك من قدك صرتي ام الله يخليه لك يارب