تجمع حــوامل التوائم

[حزن الزمان]

نارا وحشتيني ... شخبارك ؟؟ طمنيني عليك ؟
شازل في أي أسبوع بتدخلين السابع ؟؟؟ وهل هذا كلام دكتورتك ولا المنتدياااات ؟
تحياتي لجميع البنات ؟؟؟

[أستاذة ذوق]

صباح الخير كروشات

لييييييش ماحد باركلي بالتاسع غير نونــه
شكلكم ماتبون اكتب لكم قصة ولادتي اذا ولدت
خلاص مابكتبها..


هلا حزن شلونك

نــارا
انا صايره هاليومين نوامه

شمس الاصيل
واااااي قصتك تخوف كمليها وش صار بعدين !

[قمرين 2]

أووووووووووووو توأمي قربتي مرررره على الولادة.. ومبروك عليلج التاسع ,أخيرا .. خبرينا عن احساسج والمشاعر اللي تحسين فيها وكيف بتكون ولادتج انشاء الله طبيعي ولا قيصريه

[قمرين 2]

شمس الاصيل
تحبين التشويق ... يلا عاد كملي

[شمس الأصيل]

كانوا الدكاترة والممرضات حواليني وهم من مكان الى مكان يسحبوني وأنا على السرير حتى أختي تقول لي مثل الأفلام والمسلسلات الأجنبية اللي يحطونهم على التلفزيون وأخيرا دخلوني العملية حوالي الساعة 2 الفجر وما طلعوني الا 4 ونص تقريبا
وبعد العملية ياني الدكتور اللي سوى لي العملية وقالي الحمد على السلامة والله كتب لج عمر يديد وخلاااااص الولدات المستقبلية قيصرية والحمد لله على كل حال......
والله انا قلت انهم شالوا الرحم وخلااااص ما أقدر احمل مرة ثانية لكن الحمد لله وتنومت في العناية المركزة 4 أيام وما ظل جهاز الا وركبوه علي وبعدين في الجناح تنومت 10 أيام وصدقوني من جد كرهت المستشفيات وقبل لا اترخص من المستشفى قال لي الدكتور أقدر أحمل بعد 6شهور لكن الولادة قيصرية في الأسبوع 37 لأ ن الرحم ما يتحمل طلق بسبب الجرح اللي صادني لأن هم وقفوا النزيف وخيطوا الجرح والحمد لله...... ولما حملت هالمرة الصراحة ما توقعت أحمل بتوأم ..... لهذا السبب زادت المحظورات لأن الدكتورة قالت لي لأن التوأم غير الواحد ...........
وتوته توته خلصت الحتوته لاتخافون ولاشي ترى اللي كاتبه رب العالمين يصير
" قل ما يصيبنا ألا ما كتبه الله لنا"

[قمرين 2]

حزن الزمان
ما رديتي على سؤالي .. ليش الدكتوره قالت انه القيصريه احسن للتوأم
ولا على حسب وضعيتهم

[قمرين 2]

شمس الاصيل
أعتقد انهم تأخروا عليج بالقيصريه وصبروا أكثر من اللازم
كان المفروض يسوونها يوم كان في الجنين نبض
الله عوضج الحمدالله وها المره اهتمي أكثر وانشاء الله ما يصير الا الخير
بس والله شيء يخوف الله ستر وطلعتي منها الحمدالله

[شمس الأصيل]

تصدقون بنااات وانا في المستشفي الممرضة هندية تقول لي مسكين خياط تحت وخياط في البطن ههههههها حتى الممرضة تشفقت علي ........

[شمس الأصيل]

مبرووووووك توأمي على التاسع والله ما انتبهت لأني مشغولة برواية الفيلم على العموم الله يسهل عليج وتولدين طبيعي
وعقبال باقي البناااات ان شاء الله

[نورة نايف]

مبروك توامي على دخولك التاسع وعقبالي انا وباقي البنات باقي 9اسابيع وادخل التاسع الله المستعان