تجمع حوامل ليبيا

معراج · 10-10-2010, 05:57 PM

الحمد لله على سلامة ولدك ياعيون والله والله فرحتلك من قلب قلبي الحمد لله يارب ان شاء الله هدا حد السو وصدقي ياختى بيش تدفعى البلى والعين عنك وعن ضناك ربي يكفيك شر كل دى شر من الانس والجان اللهم ااامين

ليبياقلبي · 10-10-2010, 06:28 PM

اول شي اختي عيون الف الحمد لله انك طمنتي علا وليدك بس ممكن نعرف شن سبب الحضانة والله ماتخافي اختي جابت توام ولاد اول يوم في التاسع واختي قريب ماتت هي وياهم من ضغظ الحمل ولما جو متوقعنهاش يعيشوا لانهم ضاعف هلبة وتاعبنين وحتى لما روحت بيهم للحوش درينلهم حضانة جو كانه في رحم امهم وتوا ماشاء الله ربي يكبر وليدك زيهم عمرهم بيخشوا سنة وسمان والصحة الحمد لله ربي معاك يارب
وتاني شي في عتاب لوخياتي االليبيات نسال فيكم علا حالتي مردتوش منعرفيش السبب ممكن ازعاج مني اسفة عموما

ام اسيل · 10-10-2010, 06:38 PM

نجك ليا ياعيون زوجي والله التجمع من غير مكسد مكسد وكلنا مشغولين عليك
الحمد لله الي ربي طمنك وطمنتينا معاك يارب تفرحي بيه وتشوفيه وهو متخرج دكتور وتشوفي عياله يارب

ام روفيدة · 10-10-2010, 06:39 PM

الف الف الللللللللللللللللللللللللللللللللللللللللف الحمد لله على سلامة ولدك يا عيون وربي يونسك بيه في حضنك عن قريب اللهم امين

ليبياقلبي · 10-10-2010, 06:46 PM

اه حبيت نسالكم انا اليوم وانا نطيبفي الغداء طاح مني شي فتبيصت جبته من الارض بعدان خفت لاني سامعة انو يضر البيبي في الشهور الاخيرة

حبل الوصل · 10-10-2010, 08:57 PM

الف الحمد لله على سلامة ولدك وان شاءالله ربي يفرح قلبك ويطلعلك وليدك في هاليومين والله فرحتلك

حبل الوصل · 10-10-2010, 09:01 PM

كيف ياريفان مافهمتش شن تقولى

تيمو ليبيا · 10-10-2010, 09:08 PM

اليوم ماليا متسقدين ل ماليزيا وبياتو ليله في قطر وبيوصلو تلات الصبحيه ربي يوصلهملي سالمين يارب بيحضرو ولادتي وبنتي اتقولو حاسه بيهم متبيش تنزل لين تشوفهم منوصفلكمش فرحتي وقداش مستاحشتهم من شهر واحد مريتهمش يارب احفظهملي وبنسبه ل ليبيا قلبي اني في تاسع وقريب انكمله وديما واني مطبسه ونحط ونقيم عادي بلعكس ميضرش البيبي متخافيش

ام روفيدة · 10-10-2010, 09:14 PM

كيف حالك ياتيموليبيا كانك قاعدة خلينا نهدرزو

ام روفيدة · 10-10-2010, 09:20 PM

يا اهل الديرة وينكم