تجمع حــوامل التوائم

[شازل]

أنا أول مرة أسأل عن الوزن في الاسبوع 22 ... بس اتوقع في الرابع لو يكونو أقل من 400 بعد يكونو ممتاز هذا على ما قريت في أحد المواقع ...

مشكووووووورة أم عيالها على الرد ومشكووووووورة الغلا الله يسعدكم وعن كل شر يبعدكم ...
أنا موعد ولادتي في أكتوبر 27 ، بس فيه موقع يقول التوأم أكتوبر 6 ... الله يتمم لنا التاسع ونشوف أطفالنا بصحة وعافية ولا يشفون حضانات ولا بلاوي ... على فكرة الشهر الخامس والسادس بسرررررررعة يخلصون مو مثل الشهور اللي قبل واللي بعد خاصة سمعت إن الثامن والتاسع مررررررررررررة بطئين ...

[شازل]

وزن وطول(( الجـــــنيـــن ))من بداية الحمل الى الولاده
هذا للجنين الواحد والتوأم يكون أقل والثلاثي أقل ...
الاسبوع1الطول:لايوجد
الوزن:لايوجد

الاسبوع2
الطول:لايوجد
الوزن:لايوجد

الاسبوع3الطول:150، ملم
الوزن: لايوجد

الاسبوع4
الطول:36، ملم
الوزن: لايوجد

الاسبوع5الطول:1.250 ملم
الوزن:لايوجد

الاسبوع6
الطول:2.4 ملم
الوزن:لايوجد

الاسبوع7الطول:11-13 ملم
الوزن:لايوجد

الاسبوع8الطول:14-20 ملم
الوزن:لايوجد

الاسبوع9الطول:22-30 ملم
الوزن:لايوجد

الاسبوع10الطول:31-42 ملم
الوزن:5 جم

الاسبوع11
الطول:44-60 ملم
الوزن:8 جم

الاسبوع12الطول:61 ملم
الوزن:8-14 جم

الاسبوع13الطول:65-78 ملم
الوزن:13-20 جم

الاسبوع14
الطول:80-93 ملم
الوزن:25 جم

الاسبوع15
الطول:93-103 ملم
الوزن:50 جم

الاسبوع 16الطول:108-116 ملم
الوزن:80 جم

الاسبوع17
الطول:110-120 ملم
الوزن:100 جم

الاسبوع18الطول:12.5-14 سم
الوزن:150 جم

الاسبوع19
الطول:13-15 سم
الوزن:200 جم

الاسبوع20الطول:14-16 سم
الوزن:260 جم

الاسبوع21
الطول: 18 سم
الوزن:300 جم

الاسبوع22
الطول:19 سم
الوزن:350 جم

الاسبوع23الطول:20 سم
الوزن:455 جم

الاسبوع24
الطول:21 سم
الوزن:540 جم

الاسبوع25
الطول:22 سم
الوزن:700 جم

الاسبوع26
الطول:23 سم
الوزن: 910 جم

الاسبوع27
الطول:24-34 سم
الوزن: 1000 جم

الاسبوع28
الطول:25-35 سم
الوزن:1100 جم

الاسبوع29الطول:26-37 سم
الوزن:1250 جم

الاسبوع30
الطول:27-38 سم
الوزن:1360 جم

الاسبوع31
الطول:28-40 سم
الوزن:1600 جم

الاسبوع32
الطول:29-42 سم
الوزن:1800 جم

الاسبوع33الطول:30-43 سم
الوزن:2000 جم

الاسبوع34
الطول:32-44 سم
الوزن:2275 جم

الاسبوع35
الطول:33-45 سم
الوزن:2550 جم

الاسبوع36
الطول: 34-46 سم
الوزن:2750 جم

[شازل]

يالله أستأذن وأستودعكم الله الذي لا تضيع ودائعه ...

[يكفي عتاب]

ماشاء الله تباركـ الله ربي يباركـ لكم ويتمم لكم بخير ياحي ياقيوم ويرزقني بالتوأم عاجلاً غير اجل ياودود ياودود يارب ترزقني وانظم معكم ياااااااااااااااااارب

[نـــــــارا]

هلا وغلا....

اليوم توأمي فرحة عمري ما في لها حس

شازل.. إيه حبيبتي أنا في الأسبوع 24
والحمد لله الفرق ما بين أجنتي مو وايد بحدود 20 جرام بس.. ربي يحفظهم ويحرسهم
وأنا حامل بتوأم بنات حلوين مثل امهم :d فديتهم

وموعد ولادتي 6 نوفمبر... ولأني توأم احتمال أقدم إلى نص أكتوبر
وإن شاء الله ما أولد إلا بالتاسع لأن دكتورتي بتسافر :(

أنا بعد عندي سؤال عن الشفاطات.. الكهربية أحسن ولا اليدوية؟؟

[شمس الأصيل]

صبااااح الخير بطاااات
زود الغلا...... سبب القيصرية بسبب فيلم الرعب اللي صادني في ولادتي السابقة وانحكم علي القيصرية في جميع ولاداتي المستقبلية
والله أحس ان حملي بتوأم نعمة علي مو نقمة وأنا بجد متفائلة فيهم وان شاء توأم بنات لأن ولدي طلع الشيب في راسي فأتمنى بنوتات ناعمين مثلي......بس موعصبييين لأني بسرعة أفقد أعصابي هههها

[شمس الأصيل]

بنات ايش رايكم اكتب لكم فيلم الرعب اللي مريت فيه لكن لا تخافون لأن اللي كاتبه الله يصير ............

[شمس الأصيل]

اكتب القصة خلااااااااص.........
قبل سنة وتسعة شهور حملت وكان حملي على أحسن مما يكون يعني كل شي طبيعي الوزن والضغط والسكر والبيبي حتى وصلت الشهر السابع خطب أخوي وبعده باسبوعين خطب ولد خالتي وكانت أمي الله يحفظها تقول لي لاتتحركين وتروحين وتيين ترى الناس تحسد المهم ما تحركت الا قليل وأمي على تقول روحي قعدي وعصبت علي وبعد خطوبة ولد خالتي بأربعة أيام كنت رايحة بيت أهلي وفي طريق صادنه حادث مروري والحمد لله ما صار فينا شي السيارة مسكينة هي اللي صادها كل شي لكن الحمد لله في الحديد ولا في العبيد وعلشان تقرير المرور لازم أروح المستشفى وتنومت يومين تحت الملاحظة وقالوا كل شي تمام حتى البيبي راسه كان نازل تحت وترخصت من المستشفى..........
لكن بعد اسبوع من الحادث كنت طالعة مع خواتي وصادنه حادث ثاني لكن هالمرة لا رحت المستشفى ولا شي........
وأمي عصبت علي وقلت لي شفتي ما قلت لج لا تتحركين ترى عيون الناس ما ترحم..........

[شمس الأصيل]

المهم.......
فبل لا ادش التاسع وأنا احس بالتقلصات ومعاها ألم فظيييع في الجانب الأيسر من جسمي حتى رقبتي وكتفي ما أقدر احركهم من الألم كل يمكن هذا طبيعي وأحس بألم حفيف داخل بطني كأن جرح ملتهب ولا حطيت في بالي وفي الأسبوع ال37 جاني الطلق وقلت لزوجي ودني لأمي ورحت هناك وكانت الساعة3 الفجر وانا ما أقدر اتحرك ولا أمشي وكان الطلق يجيني ويروح........ والظهر على الساعة وحدة رحت المستشفى والله ما أكذب عليكم قلت لأمي خايفة حاسه بصير فيني شي وأمي تهديني وتقول ما بصصير الا الخير ولا تخافين مع أني مريت بالولادة قبل ولدي الكبير لكن هالمرة غييييير ......وصلت المسشفى وفحصوني وكنت منفتحة 2سم لكن الطلق عندي قوي وحطوا جهاز تخطيط القلب للبيبي وسوت لي الدكتورة سونار وقلت ان نبض البيبي ضعيف جدا جدا ضروري قيصرية المهم قالت لي الممرضة أبدل ملابسي علشان العملية ما قدرت أتحرك بالمرة ويابت المقص علشان تقص ملابسي وودني غرفة الولادة ومرة ثانية سوت لي الدكتورة سونار وبعدين قلت لي بصحيح العبارة ان البيبي ما في نبض بالمرة يعني مااات قلت لها تأكدي قالت لي ما في نبض والسبب انفصال في المشيمة مبكر تخيلوا اني لا بكيت ولا صرخت صرت :كأني بلا مشاعر وراحت الدكتورة لزوجي وأمي وقالت لهم وأمي قامت اللي تصارخ حتى الدكتورة تقول لهم نبيكم تخففون عليها مو تزيدونها وترى هي تقبلت الأمر ..... وخلاص كنسلوا القيصرية وحطوا لي طلق صناعي والساعة 12 ونص بالليل ولدت ومن اهني يبتدي فيلم الرعب..........
لأن بعد الولادة صار لوني أصفر ودمي وصل 6 ودقات قلبي كانت متسارعة لدرجة ان صدري يرتفع لفوق وصادني نزيف داخلي وتحيروا الدكاترة من وين وعملو لي أشعة المغناطيسية واكتشفوا ان النزيف من الرحم فيه حرح طوله نص سانتي وابتدى التحقيق معاي محصلة الج ضربه أو مسويه عملية تنظيف قلت لهم لااااا بس صادني حادث فبل شهر وعلشان يوقف النزيف ضروري عملية ......

[حزن الزمان]

شموسة شنووووو هذا أنا خفت يمه ...كملي بسرعة ابي اعرف شصار وصج كلام الدكتورة الطفل توفى ؟؟؟؟؟