تجمع حوامل ليبيا

عيون زوجي · 10-10-2010, 02:49 PM

الف سلااام توا ونتلاقوا على خير تحياتي للجميع وخصوصا سورينام

حبل الوصل · 10-10-2010, 02:49 PM

بخري باللوبان عيون والله كويس بكل

ام اسيل · 10-10-2010, 03:54 PM

عيون
الحمد لله الي اطمنتي على وليدك ويارب اليوم يبات في حضنك وهو صحيح وطيب والله عقولنا عندك يارب يهنيك ويفرحك بيه يارب

ام اسيل · 10-10-2010, 03:58 PM

حبل الوصل
شن صار في قريبتك الي مدرهتلك كبدك خفت عليك ولا مازالت تكبر في النار (اجعل سوها في دوها )
ونراجي معاك في بكرة اول مايطلع التحليل طمنيني يارب يرزقك ويهنيك
والله والله لوتطلعي حامل نفرح كاني انا الي حملت والله كيف خيتي واعز
ويارب يرزق ميرنا خيتنا بتوامة يارب

عيون زوجي · 10-10-2010, 05:16 PM

السلاااام عليكم ورحمة الله
اوخياتي الغاليااات
والحبيباات والصادقات واللاتي احببتكن في الله ولله
انا اليوم مرتاحه جدا جدا
مشيت الساعه 3 لوليدي واعطوهولي انرضعه من صدري
ولاول مرة نشده بين ايديا واليوم ليه 7ايام مولود
اكبر فرحه عقبالكم كلكم يارب
والدكتورة المناوبه طمنتني وقالت بالكثير يومين ويطلع
وتفاصيل الحاله الصحيه عند الدكتور والدكتور مهناش
بس فرحانه جدا جدا جدا
الحمدلله الذي بنعمته تتم الصالحات

عيون زوجي · 10-10-2010, 05:23 PM

اوخيتي حبل الوصل يارب العالمين نسمعوا اعليك
الاخبار الطيبه
وبشارة الخير
ام اسيل وميرنا يارب العالمين تحملوا وتتهنوا وترتاحوا يارب
ميمونه وام ريحانه عقبالكم يا عرايس التجمع
شكر خاص لصابرة ولولي وام رفيدة وام رنوة وام ردينه وام لقمان والحلوة معراج ربي يكرمها بالحمل السريع
الف شكر لخواتي يلي ذكرتهم ويلي نسيتهم سهوا
وقفتكم بدعائكم ليا تسوى الدنيا كلها
يارب يكرمكم بالحمل الثابت والطفل السليم
والزوج الصالح والذرية الصالحه يارب
دعيتلكم من قلبي في ولادتي ما نسيتكمش
ماننساش اميسر وراجية وسمحه وهاتو وساجدة استاحشتهم وينهم

عيون زوجي · 10-10-2010, 05:24 PM

وكلامي الى الحبوبة أية ما تخافيش ما نسيتكش ويارب في خلاصك وتنوضى على خير وبصحه وسلامه انتي وألياس

عيون زوجي · 10-10-2010, 05:27 PM

غاليتي وتوءمي سوريناااااااااام يارب يهنيك ويبعد عنك ضيقة الخاطر ويفرح قلبك ببر اولادك ويسخرلك زوجك ويهنيكم يارب

عيون زوجي · 10-10-2010, 05:29 PM

سامحوني يا اوخياتي لو نسيت وحدة
راني مش قاصدة
اوخياتي الجدد بالدات تيمو ليبيا صح هلا بيكم بينا
والعتب على التعب والالم يلي نعاني منه قعده لتوا
رح نكتبلكم قصة ولادتي
ورح تقدروا الوضع لما تقروها
ويارب ما تجربها مؤمنه ولا اوخيه

تيمو ليبيا · 10-10-2010, 05:34 PM

اهم شي انك بخير و وليدك بخير اني ملومش عليك بلعكس انتي باهي فيك جهد حتي تتفكري في حد ربي انشالله ايزيده من الشفي وغدوه ولا بعده يرقد علي صدرك والهي طمنتيني عليه حمدالله