تجمع الحوامل الي بيولدون في شهر ذو القعده ^_^

[wounded feelings]

ام عبدالرحمن
اي انا بكريه حبيبتي وفيني بنوته ربي يحفظهاا ,,
بس وين رحتي انا يمكم جيران .. من البحرين

كوينات
يزاج الله الف خير .. سيفت كل الكلام علشان امشي عليه
انا ساعات اكل ملعقه عسل اول ماصحى بس الاكثر انسى ..
كل انسى اففف لا تمر لا عسل لا مشي .. شحالتي

[ام جيان]

بنات تعباته من ظهري وتنزل من افرازات مع دم شوي

[ام جنى2009]

اتوقع علامة ولادة الله يسهلك

[wounded feelings]

ام جيان
دام السالفه فيها دم يمكن ولااده ربي يسهل عليج ان شاء الله ,,
انا مساعه نزل دم شووي واستانست بس طلع جرح خخخ
حسبي الله على الموس واليوم اللي استعملته فيه شاسوي خليناا نرجع طبيعييين برجع للحلاوه ..

[MooNi]

ام جيان الله يسهلك يااارب واجعلها مثل شرب الماء

[MooNi]

بناااات بسالكم اللحين الم الظهر معي شديد بس مامعي لا افرازات ولا دم ولا مويا ولا الم بطن ولا شي بس الم من ثلاث ايام
وش معناة الالم هذاا يجيكم ولا بس أنا احس فية ؟؟؟
يروح ويجي هالالم

[كوينات]

اتوقع ياجهد انتي مسويته او البيبي بداء ينزل

[ام علاوي99]

موني نفس حالتي الم ظهر فضيع وعادي لان الجمل الحين عليه لان بيبي نازل
انا رحت لدكتوره وطمنتني ع البيبي وقلت لها عن الحكه اللي بالمهبل وكشفت علي وانهبلت تقول فطريات قويه وكتبت لي غسول وتحاميل ومرهم اليكا ام الحمد الله الحك معي اخف فيه بس ارحم من ذيك الايام وقالت توك داخله تاسع واسالها عن رحم قالت مقفل ليس مستعجله هههه
مليت وربي تعبت
رتبت شنطه المستشفي لي وللبيبي

وحطيت فيها ملابس داخليه وفوط نسائيه وسروال طويل وشرابات وستيان 2 وقميصين جديده مع لفات راس منسقتها مع بعض ووووووووووووكريم يدين لي ومشط وروج وكحل ومرايه وشباصه احتياط لكشتي بعد الولاده لاتنفش امممممممممممممم ومره
وللبيبي خذيت له 3 ارواب المفتوحه من قدام بازره ومهادين وبطانيتين وقبع ووووو كريم اطفال
لبى رووحه يارب بلغني شوفته وهو بصحه وسلامه وكل من قالت معي امين
انا كتبتها عشان اللي بيستفيد والا اللي بيزيد على وش اخذ
وسلامتكم
اللهم اني اسالك باسمائك وصفاتك ماعلمت بها ومالم اعلم ان تسهل علي وعلى اخواتي الحوامل الولاده ولاتعسرها بعزتك وجلالك يارب اطوي لنا بعد الايام وابعد عنا عنائها
واحفظ لنا بنات تجمع المختفين وسهل عليهم انك انت العلى القدير

[كوينات]

وشلون الدم ياام جيان ؟؟
على حسب اذا هو فاتح معناته المشيمه لازم مستشفى
اما اذا غامق على شكل خيوط تبخري وافتحي رجولك قد ماتقدرين
واشربي منقوع الزعتر واشربي فتجال فيه عسل اصلي وشوي حبه سودا
اشربيها مره وحده
وقولي اللهم ياخالق النفس من النفس ويامخرج النفس من النفس
ويامخلص النفس من النفس خلصني ثلاث مرات
وحسبي الله لا اله الا هو عليه توكلت وهو رب العرش العظيم سبع مرات
وكل يوم كذا الين تشوفين دم غامق على شكل خيوط من دون افرازات بيضا
بعدها توكلي على الله واشربي زمزم وروحي المستشفى

[ام علاوي99]

بنات انا باي اسبوع ماعرف لي يومين بتاسع