دردشة حوامل مصر - دردشة بنات مصر - تجمع حوامل مصر ‏

[دودى اشرف]

اية الحمدلله حبيبتى عمورة كويس ... بيسلم عليكى وعلى الموززة هههههههههههههه

ملوكة صح حاولى تمشى كتير ... موضوع القرفة معرفش بصراحة انا الدكتور قالى على المشى بس وقالى انزلى سلم برضه واتمشى كتيييييير علشان اساعده على ان البيبى ينزل الحوض ... بنت عمتى بقى علشان كانوا عاوزنى اولد قبل المدارس مترجع علشان كانوا اجازة وقت الثورة فا كانت بتطلعنى 6 ادوار وانزلهم وكمان كانوا بيمشونى كتير ... انتى بس امشى على اد متقدرى ... بس مشى رياضى مش تمشية عادية خطوة سريعة يعنى كأنك بتعملى رياضة مشى نص ساعة .. الدكتور قالى نص ساعة يوميا

[دودى اشرف]

اهم حاجة تحضرى شنطة المستشفى علشان فى اى وقت نزلت تبقى جاهزة معاكى ... انا كنت محضراها اول مدخلت التاسع لانه مش مضمون اى ساعة

[أم إياد]

معلش ياحبيبتي حاسة بيكي والله..
انتي بس جهزي حاجتك وسيبيها على الله..
وهي برضه الولادة مش هتيجي فجاة كده قبلها بكام يوم بييجي مغص والم في الظهر بيروح وييجي .. وممكن ييجي كام دقيقة كده منتظم ويروح تاني.. بيبقى تهيأة للرحم.. ماتقلقيش..
فلما تجيلك الحاجات تعرفي ان خلاص كلها يومين والكتكوتة تنور..

[MALAK2010]

انا تقريبا مجهزة الشنطه ربنا ييسر
يعنى انا مش هحس باى وجع طول الشهر غير ايام الولاده بس مش كده

[MALAK2010]

طيب اعرف ازاى ان الراس نزلت الحزض

[أم إياد]

ملوكة انتي استقريتي على اسم سلمى ان شاء الله مش كده؟
آه يالوكة الدكتور قاللي بنوتة ان شاء الله .. واكدلي تاني الزيارة اللي فاتت كمان .. ربنا يجيبها بالسلامة ..
حظي مع الولاد مش حلو.. يمكن تعيش البنوتة المرة دي ياااااارب انت كريم..


أما بالنسبة للاسامي مختارة اسامي كتير عاجباني بس لسه مااستقريتش على حاجة.. اللي يعجبني مش عاجب جوزي او اهله .. واللي عاجبه اسامي هي مش وحشه بس مش حاباها اوي عايز (حفصة, صفية , استبرق او آيات) على اساس اني اية بقى وكده..

وانا عاجبني ( روان , أسيل , تسنيم , سلسبيل , أريج..) ولسه بادور.. بس كل مايعجبني واحد الاقي من القرايب مسميينه..
احنا عايزين اسم حلو وجديد وفي نفس الوقت مش غريب او صعب ع الناس ..
ازاي بقى هههههههههه

هي اكيد بتنزل باسمها وربنا يسهل

[أم إياد]

لأ يالوكة هتحسي بيها عادي وجع زي بتاع الدورة خلال الشهر بس كل ما الولادة تقرب تزيد وجعها وتكون منتظمة اكتر بين كل وجع واللي بعده..
وده معناه ان الراس بتستقر في الحوض اكتر ..
لحد مايبقى فاضل يومين ع الولادة تلاقي وجع يروح وييجي بانتظام يعني مثلا كل ساعتين.. وتاني يوم كل ساعة .. وهكذا تلاقي الفترة بينهم بتقل والوجع يزيد..
لحد ماتيجي علامة الولادة..

ماتخافيش ياحبيبتي وقتها ربنا بييسر والواحده بتتأقلم ع الوجع ده.. مش بييجي فجأة يعني ., ربنا رحيم برضه

[أم إياد]

انتي بس لما يزيد عليكي الوجع اكتبيلنا عشان نقعد ندعيلك..
واستعيني بالله .. واقري قرآن وخلي حد جنبك يقرألك ..

ولما تشوفي الكتكوتة في حضنك هتنسي كل الوجع ده خاااااااالص ولا كان حاجة حصلت..

ربنا يقومك بالسلامة .. ويرزقك ولادة طبيعي يسيرة كده وتطمنينا ان شاء الله

[أم إياد]

لوووووووووكة
انتي بتقرأي كلامي ولا خرجتي وسيبتيني زي ما البنات بيعملوا معاياااا

[دودى اشرف]

انا هناااااااااااااا بس كت بعمل اندومى وجيت والواد كل شوية يزن

ملك ربنا معاكى يارب يا حبيبتى متقلقيش ان شاء الله ربنا يسهلها معاكى حبيبتى بس فى بوادر زى ما قالتلك ايه