دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[ثلجه فوشيه]

صباح الخيـــــــر ..

[انشودةمطر]

صباح الورد ثلجه مانمتي والله انا ودي انام بس ولدي صاحي كل ماقفلت عيني قال لاتنامي خليك معاي
اموره الحمدلله تمام ورحت للدكتوره وكشفت كله تمام

[ثلجه فوشيه]

نمت وصحيت يختي شفتي نووم زي كدا :(
نوومي مقطع وحالتي حاله ..
امووره لازم تعملي التحليل بسررعه انا زيك كنت أحس بدوخه وكتمه في النفس وكلو بسبب نقص هذا الهيموجلوبين يااادوب تلحقي نفسك وتحسني اكلك عشان ماتضطري تآخذي ابر حديد
لأنو نقص هذا الشي يأثر في عمليه الولاده فلااااازم يكون مرتفع هوا اظنو فقر دم ويخافو وقت الولاده تنزفي فمررا خطر لازم يرتفع ..

[ثلجه فوشيه]

انشووه ماشاء الله عليه ولدك شكلو كان ناااايم ودحين مصحصح الله يحفظوو ..
على فكره كم عمرو وشو اسموو ؟؟؟

[اموورة وكتكوتة]

الحمدلله عسلامتك انشودة وانتبهي دايما.. ولد ما شاء الله شكلو يحب السهر.. لازم في النهار ما تخليه ينام عشان تقدري تنامي بالليل

فوشية حتى انا زيك نمت وصحيت الساعة 2 .. والله خوفتيني انا مرررة متساهلة بالموضوع الله يستر بس ان شاء الله احاول اروح بكرة واتطمن

[ثلجه فوشيه]

حتى أنا متساهله وماكنت افكر والخبط في الأكل على كيف كيفك بس امس لما رحت باشراحيل الدكتوره قالت لي لو ما ارتفع راح نضطر نعطيك ابر عااااد أنا كلو إلا الأبر ما اطيقهااااا
زودتلي الحديد وقالت كلي كويس ونشوف الشهر الجاي والله يستر بس ..

[الأمورة]

السلام عليكم

كيفيكم بنوتات ...؟؟
كتبت رد طويل اول بس ما طلع كله

المهم

انا بكرية وحللت قبل يومين وطلعت حامل الحمد لله بس مرررررررررررة خاااااااايفة
والحديد عندي 9.3 يالههههههوووووييييي
وكريات الدم البيضاء 5100 هل هي نسبة طبيعية ...؟ <<< خوااااااافه
ودحين مررررة محتاااارة ما ادري عند اي دكتورة أراجع ..؟؟؟
بليييز تنصحوني بمين ...؟؟
سمعت ناس يمدحوا بخش وباشراحيل ..؟؟

بالنسبة للاعراض اللي احسها دوخه والم زي الدورة يروح ويجي بس شوي قوي
وانتو بكرامه احس لما اتبول بحرااااارة ما ادري ليه ... فيه وحده منكم مثلي ..؟؟

ياليت تردوا عليا بدري عشان اليوم براجع ان شاء الله
الله يعطيكم العافيه يامكاويات

[اموورة وكتكوتة]

والله انا زيك واليوم شربت 3 كاسات شاي تخيلي اول مررة اسويها .. كنت عند صاحباتي والاكل اغلبو معجنات وفطاير وبيتزا وكدة وطبعا لازم شاي من غبائي..
خلاص بكرة ان شاء الله بخليه يجبلي سبانخ كتييير وتفاح لانو كلو حديد قبل ما اروح اعمل التحليل

[ثلجه فوشيه]

كويس ترى حتى أنا كنت طايحه في الشاي والقهوه ترى هيا السبب خخخخ

الاموره اول شي مبرووك الحممل الله يتمم لك على خير ..
تاني شي طبيعي الألم اللي تحسي فيه لأنو لسا الجنين بينغرز في الررحم بس حاولي تريحي نفسك وماتشيلي شي تقيل ولا تشتغلي كثير ..
أنا ماراجعت عند وحده من الي بقولك هما بس زي ماسمعتي فطيمه مرررا كويسه لها 25 سنه في باشراحيل روحي لها ان شاء الله ترتاحي معاها انا بولد عندها ان شاء الله ..
وفي كمان بسمه في نفس المستشفى .. ماعرف غيرهم بصراحه
اما عن الحديد حدث ولا حرج ههههههه انا بالسابع والنسبه عندي 9 تخيلي ؟؟؟
وترى الدوووخه من نقص هذا الفتمين يعني كلي كويس انتي لسا بالبدايه تلحقي بالرراحه تطلعي النسبه ..

[اموورة وكتكوتة]

الامورة ما اعرف مين احسن باشراحيل ولا بخش .. بس اغلب البنات بيمدحوا في ياشراحيل والله اعلم ..
الف مبروك الحمل وبالنسبة لنتيجة التحليل المفروض تسالي دكتورتك هل هي طبيعية ولا لا النسبة ؟؟
وشوفي ايش تنصحك