دردشة حوامل مملكة المغرب - تجمع بنات المغرب

[jamola]

chokran bzzaaaf 3la tahib dyalkom wlahila fraht mli jbart les mesages dyalkom ana kont kola nhar kanbki ma3ajbnichi lhal hnaya walakin lhamdo lah chokran likom kamli om rayan omi lhanona..... ana akhti om rayan sakna f ancona

[ام ريان و رنية]

اختي جمولة دابا تعودي هاد الحالة لي نتي فيها كلشي تايعاني منها العام الاول ومنبعد تنولف وتنوليو نعرفو ناس واللغة وتلي معتادة على العيشة هنا ومتنسايش حملت دغيا تبارك الله ونفسية المراة الحامل كتبدل وتتولي حساسة بزاف انا هنا 3 سنوان ولفت دغيا هنا عندي جيراني توانسا الله يعمرها دار ولفت لكن دابا مني حملت وليت غير قنطانا وتوحشت والديا والمغرب مبقاش عندي صبر مع انا منقبل كنت عادية لوحدة منا مني تتحمل تتبغي تكون حدا امها الله يكمل حملك وحنا هنا اخوات كاملين اي حاجة بغيتيها موجودين الله يخلينا ديما مجموعين

[ام ريان و رنية]

اختي ام الخلافاء الله يديك على خير وتولدي على خير ومني توصلي شاركي وقوليلينا كيدازت رحلة ديالك وباش حسيتي مني شميتي ريحت لبلاد ونتي نازلة من طيارة انا حتا شهر يناير عاد نمشي

[jamola]

rabi ykhalik akhti om rayan dik chi likayna lhamdolah 3la koli hal lah ydwz had ayamt lhaml 3lakhir o safi wlahila khti mrdt o mardt rajli mskinkola nhar kan9olo dini bhali 3and mama iwa lhamdolilah ocokran bzaf akhti o lah yfarj 3lina kamlin

[ام ريان و رنية]

حاولي تحملي شوية وتبداي تولفي دخلي انترنيت خرجي بشوية غاتولفي
ياك مني كنتي فلمغرب طايرة بالفرحة باش تجي عند راجلك وني جيتي باغا تمشي وحتى الى رجعت عند ماماك غتبقاي مشغولة على راجلك وتولي تبغي تجي كيما درنا وحلة هادي سنة الحيات خصنا نولفوها البنت عمرها مكتبقا ديمة مع وليديها ونتي جات لوقيتة ليبعدتي وختاريتي هاد الراجل تعيشي معاه حياتك كاملة ونتي عارفاه راه في الغربة يعني خسك تولفي وتحكمي فراسك وتكبري عقلك ونتوما يا الله عرسان خصكم تعيشو حياتكم ومتنكديش على راجلك مسكين تاهو راه فرحان لي جيتي تونسيه وغيجيكم مولود يعمر حياتكم شوفي شي مرت صاحبو مزيانة او الى عندك عائلة سيري عندهم وتصاحبي معاهم وتلفي انا كتليك انا ولفت ومني حملت قنطت سبحان الله تنتبدلو مع الوحم تنوليو حساسات وهادشي خصك تفهميه حتى راجلك انا هادي حالة وغدوز ان شاء الله راني درت موضع خاص بالمغتربات في ايطاليا تقدري تستافدي من الاخوات

[ismahan2000]

السلام عليكم الامهات العزيزات .كيف دايرين لاباس عليكم تبارك الله تنغبر غير شوية و تنلقا التجمع كبار و الاعضاء تزادو.الله يبارك و يزيد

[ismahan2000]

[QUOTE=kariima;467643]salam 3likom alah ya3ti saha ali darat had atajamo3 walahila makrahtch hata ana ankon ahna am3akom d3iw am3aya alah ikhalikom ana daba les regl hadi chi 37yom ochi tlata nadyal aqlmarat o ana kandir tahlila akhoti omakayan walo walahila ghadiya nahma9 ewa gher ad3iw am3aya anchelah hata ana ankon am3akom ahnaya[/QUOالسلام عليكم ورحمة الله وبركاته .
مرحبا بيك يا اختي بيناتنا.الله يرزقك با رب الدرية الصالحة و تكوني حتى انتي كريشة بيناتنا في هاد الشهر ان شاء الله باش وليداتنا يكونو ولاد عام واحد ان شاء الله
غير نتي يا اختي ماتبقايش تفكري بزاف في الحمل راه الحالة النفسية كتاثر سلبا على الحمل.ما عليك الا بالصلاة و الدعاء و الاستغفار و الراحة النفسية و ان شاء الله كلشي قريب عند الله
اللهم لا تدرني فردا و انت خير الرازقين

[ismahan2000]

المشاركة الأصلية كتبت بواسطة ilhame

salam lbnat bladi lghalyatt ana ilhame men oujda whada awel nhar 3endi flmontada ana kanstena bébé wana f simana 7 netmena rebi ytebet hmelna wy3ewed khir 3la khowatatna

مرحبا والف مرحبا بيك منورة التجمع اختي ربي يكمل عليك بالخير ويسهل عليك وعلينا

[ismahan2000]

المشاركة الأصلية كتبت بواسطة jamola

salamoalaykom khoi lmaghrabiyat lmoghtaribat kantmna t9bloni sadi9a jdida likom ana tanjawiya o mgharba f italia o ana chehar tani mn lhaml o hada awl haml liya hit ana yalh zewjt f chehar 9 lah ykml 3likomkamlin blkhir inhae lah wakha lhmala flghorba s3iba walakin nahtasib inchae lah

السلام عليكم ورحمة الله وبركاته
مرحبا بيك بتجمع المغربيات وربي يسهل عليك الحمل ان شاء الله
حقيقة الغربة و الحمل حاجة صعيبة و لكن كلشي كيهون بالصبر و اللجوء لله سبحانه. غير نتي عودي خرجي و قولي لراجلك يعرفك على الناس تما.حرام عليك ما تنكديش على راجلك و هو باقي عريس و فرحان بيك.ان شاء الله غادي تدوز هاد 3 او 4 شهور الاولة و غادي تحسي بتحسن حينت الوحم راه كياثر على نفسية الحامل.انا راه في بلادي و كنت كنحس بالغربة و تنبكي بسبب و بدون سبب لكن دابا الحمد لله.ما عليك الا بالصبر و كولشي غايدوز ان شاء الله

[ismahan2000]

المشاركة الأصلية كتبت بواسطة أمي الحنونه

السلام عليكم يا كروشات المغرب انا جديده بالموقع واتمنى لكم صحه والسلامه وربي ييسر ولادتكم يارب وانا حامله بالاسبوع الاول من السابع

السلام عليكم ورحمة الله وبركاته امي الحنونة مرحبا بيك معانا في التجمع ان شاء الله نكونو اسرة كبيرة و نستافدو من بعضنا,الله يكمل عليك الحمل و ييسر ولادتك ان شاء الله