التجمع الجديد للمقبلات على الحقن المجهري أو أطفال الأنابيب

[أنثى الحرير]

بنااات يعني افهم منكم انه افضل أتم (محصوووره ) ولا افرغ الا بعد ساعه على الأقل ؟؟ �� ☺️

هل لها دخل في نجاح او فشل العمليه ؟؟

[رقي]

يااااارب يسمع منكم واكون حااااامل ياااااااارب ويرزقكم حبايبي
لا انثى الحرير اهم شي وقت الترجيع تكون مثانتك مليااااانه بس لمن تنتهي خلاص عادي تفرغي بس في دكاترة يقولوا تفرغي وانتي مستلقية على السرير عشان لازم فترة ماتتحركي

الطاف الله يحييكي حبيبتي ويرزقك يااااارب
فين بتسويها ان شاء الله ومع اي دكتور واي سؤال احنا في الخدمة
اهم شي فترة التنشيط كثري اناناس يساعد في جودة البويضات

[رقي]

ريوووم بالتوفيق ياقلبي طمنينا كيف الترجيع وكم رجعوا لك
ياااااااارب يثبت اجنتي واجنتك ويرزقنا

[Ray00m]

اهلين رقي

الحمدلله رجعو لي ٣
كان المختبر مجهزين اثنين بس دكتور بندر قال لا هات الثالث
بس ما سالت عالاربعه الباقيه ولا قالي شي عنهم


الحمدلله الترجيع تم بسلام وسهوله ماشاء الله
وقالي احلل بعد ١٢ يوم

[رقي]

الله يثبت اجنتك ريوووم ياقلبي ويفرح قلبك بالتوأم يااااااااااااارب

[أنثى الحرير]

يا عمري يا ريوووم الله لا يخسر تعبج و يرزقج ان شاء الله


ههههه رقي والله قعدت أفكر

تدروون بنات انا خائفه لان انا و زوجي راح نسوي كل شي مندون ما احد يعرف

و توتري يزيد كل ما قرب وقت الموعد

يعني افضفض في المنتدى و أتمنى اتطمن

يله الله المستعان

[رياحين علي]

رقي و ريوم ربي يثبت اجنتكم و تبشرونا بحملكم ..
و المقبلات يا رب يسهل امورهم ..
و يسهل امورنا ..
و مبروك للكل للي حملوا ..

[ألطاف]

جزاك الله خير يارقي وجزاهن الله خير
وربي يثبت مابرحمكن ويعوض بخير من فشل حملها

راح أعملها بالرياض بإذن الله
لكن الأناناس كيف يفيد بجودتها ؟
وهل أكله اليوم مع ان لي من الدورة سبع أيام
والله ياأختي مابعرف شئ وأنا مابسأل بأشياء مثل هذي
وحتى اذا رحت ماسأل كثير حتى ماأشغل نفسي وأفكر كثير

وأشكر لك يارقي أنتي وأخواتي ويارب يرزقكن بيوم الجمعة
التي تفتح به أبواب الرحمة ياكريم

[ألطاف]

آنا بكون معاكن إلين يوم الترجيع وبعدها مااقدر أدخل هنا
بسبب الاتصال عندي مابيكون عندي ويارب تفرجها علينا جميعا

ويبارك لنا ويصبرنا على كل شئ ويعوضنا بخير ويرحمنا برحمته
هو قادر على كل شئ تفاؤلن بخير وتحدن نفسكن إن كل عملية تنجح
مع توكلنا على الله لاتضعفن نهائيا

من ابتلاه الله وصبر نال الجنة وفرج الله عليه فهذا ابتلاء
واختبار لنا يرزق من يشاء ويعوض من يشاء وبحكمته كل أمر

سبحانه تعالى ربنا ارزقنا الجنة

[أنثى الحرير]

حبيبتي الطاف الله يوفق لج ان شاء الله الأناناس من المنشطات الطبيعية للمبايض و يساهم بأنتاج بويضات صالحه للتلقيح