تجمع حوامل ليبيا

[حبل الوصل]

المشاركة الأصلية كتبت بواسطة ام اسيل

خير يابنات والله وحشتني قعد التجمع ادمان كان ماخشيتش نفسيتي تتعب امس كنت عند هلي واليوم جمعة عند هل راجلي لكن مانحكيلكمش عل الحمو وووووووااااااااااااااااااووووووووو مش طبيعي

حتى انا زيك كان ماخشيتش نحس فيه حاجة ناقصتنى وانى بالعكس الخميس مع هل راجلى والجمعة مع اماليا ههههههه وبالنسبة للحمو مااعتقدش فيه حد زينا في الحمو الله يستر في رمضان شنو بيصير فينا

[ام اسيل]

حي علينا ياحبل الوصل راجلك امتا امروح نبوه ضروري الايام الجاية والاشن فايدة الاناناس والمبرامية ههههههههههه قوليله روح بسرعة بلا منا الشغل الي بره سبها

[حبل الوصل]

ههههههههه لا ان شاءالله مايطول لانه عندنا مزرعة في طرابلس يبي يبيعها ويرد قالي 3 ايام ويرجع ربي يجيبه بالسلامة

[ميرنا]

مرحبتين باعرب المانيا مرحبتين باعيون راجلها انستينا

ربى يتمم حملك على خير وتجيبى اوليد يوانس خيته شن قالولك امعك اوليد ولا ابنية
على فكرة قريتى اشروط دخول تجمع حوامل ليبيا
كان جبتى اوليد ام اسيل هى لى تختار الاسم راهى شاطرة فى اختيار الاسماء هيمو وما هيمو
وكان جبتى ابنية شور حبل الوصل هى لى تسميها وماتخافيش اسميها حلوة , حبل , خيط , كرينتو , سلك , كو ضى , وانتى تختارى
ههههههههههههههه معليش اه هذه الضيافة متعتنا بدل القهوة

[ميرنا]

ورقة من السجل المدانى
حوامل الشهر التاسع ( ماسر , ساجدة , الصابرة ,ام لقمان )
حوامل الشهر السادس ( هاتو )
حوامل الشهر الخامس (عيون زوجى )
حوامل الشهر الرابع ( احلام )
وحوامل الشهر الجاى ( ام اسيل , حبل الوصل , ميرنا )

طربلس ( ماسر , صابرة , بيارق )

سبها( حبل الوصل )

زليتن ( ام لقمان )

مصراتة ( احلام )

بنغازى ( ام اسيل , هاتو , هنودة )

درنة (ميرنا )

ابريطانيا ( ساجدة )

المانيا (عيون زوجى )

[عيون زوجي]

السلااااااااااام عليكم
يا هلا بيكم
هلا بام اسيل وربي يخليلك صغارك ويعوضك خير في حملك ويرزقك بالحمل الشهر الجاي على قولة ميرنا ويخليلك راجلك ودوم حنين اعليك
حبل الوصل هلا وغلا وربي يرد راجلك من طرابلس بالسلامه هو والفليسات متاع المزرعه ويصير الحمل من اول ما يروح امين
هلا والله ميرنا الله يانسك انا عندي ابنيه وتوا الدكتورة قالت اوليد قولي يارب وعقبالك يارب مع اني ما عرفتش الا انك من درنه هلا بعرب درنه

[عيون زوجي]

شن الجوووو عندك اليوم صقع ولا نوووووو

[عيون زوجي]

وينكم يا بنات ولا موعد الكوجينه خلاص ما عادش فيه تهدريز لين ايطيب الغدي
انا اليوم ولله الحمد مرتاحه زوجي متغدي برا وانا مكسدة مع ابنيتي وخايفه اعليها لا خشة ولا طلعه لان الجوووووووو صقع هلبة ومغيم المطر جاية بعدين
نبي نسئلكم عن الاوزان مني يلي وزنها زاد هلبه مع الحمل

[عيون زوجي]

الله غالب مافيش حد

[عيون زوجي]

ياريت نعرف بس مواعيدكم امتى باش نتلاقوا مع بعض ونهدرزوا