دردشة بنات العراق, دردشة حوامل العراق , تجمع بنات العراق

أم أيهومي · 09-15-2012, 05:29 AM

هلوووو بنات اشلونوونكم حبايب فله مبروك العودة للبيت
ولج هاي شنو جنتي فداوي كاعده دااكول ايهومي ليش صار مينام بالليل
اثاري الكبد مالته كاعد هههههههههههه
هلو فوفايه حبيبتي لحد الان ماكو شي والله بالي يمج تالي مراح يطلع هذا ابن ال................

ههههههههههههه لتزعلين لانه شلعه لكلبي هسه شكو لازك جوة..

يارب ايسهلج سبحانه وتعالى ويخليهة سهله باذن الله

شهوده حبي اشلونج هذا النونو من هسه وكح يارب يطلع ولد وتفرحين بيه ان شاء الله ويصير سند لخواته وقرة عين الج ان شاء الله

ام مهدي شلونج حبي الله ايساعدج علضوجه

بقية البنات زنوبه سراوي فرووحه سجاوي توتايه يارب الكل ابخير
والبنات الجدد شرفتونا يارب ايتمملكم على خير عذرا مااحافظه اسماءكم
رنوده شلونج حبي وشلون النونو,, اسفه حبي كل مره انسى اسأل عليج
اعذريني ايهومي مخبلني خبال..

حياتي بوجودك · 09-15-2012, 09:28 AM

صباح العسل لاغلى بنات
كيف حالكم واحوالكم
فوفو ياربي تولدين بخير وسلامه وتفرحينا
وشهوده يارب يطلع ولد انتي كم بنت عندج
وام ايهومي اشونج حبيبتي اني اريدج تحفظين اسمي اني زينب وهم جديده بينكم
وسلامي لكل البنات وياربي تولدون بخير وسلامه والي بعدها يارب يتمم عليها بلخير والصحه

امرأة الفرح · 09-15-2012, 10:04 AM

ام نورهان ,, مبروووووك الرجعة عالبيت ..
فديت سوزي اني والله اموووت عالبنيات خصوصا هيج عمر ,,
لويمي جان شبعتهه بوس الله يخليهه
انوب الشعر يخبل ,, ماشاء الله
اكووول بس شو جنهه يابانية شنو الموضوع..؟

امرأة الفرح · 09-15-2012, 10:09 AM

ام ايهومي معذورة حبيبتي ,, والله يخليلج ايهومي ويحفظه ,,
اني والنونو الحمد لله زينين ,, بس انتي وينج هالايام تختفين
الج وحشة ’’ بوسااااتي لأيهومي الكمر

امرأة الفرح · 09-15-2012, 11:32 AM

بنات فدوة الملل كاتلني ,, والوسواس بعد اكثر
منو عندة واتس اب خلي نسوي كروب ونعرف الاخبار اولا بأول ,,
وحلو التواصل بيناتنا ,, بلييييييز

فوفو العراقية · 09-15-2012, 12:46 PM

يمة يمة يمة فديت السوز كلة
ولج ماشاء الله تبارك الخالق
ولج ضامتلج لعابه ؟؟؟؟
لهسبب متقبل تطلع
فديتهة حياتي تجنن جنها ملاك
ربي يحفظها ويفرحج بيها
ولج الجالي العندج جان بسبب هالقذلة (غرة ) هههههههههه
فديتهة هية وهالايدين الشايلتهن تسلم على الياس ههههههههههه بس هوة ابن ................................................
ههههههههههههههههه وميقبل يطلع وشابعني دفرات وبوكسات وااااااااااااع
حياتي ديري بالج عليها..

ام ايهوم قلب شلونج؟
حياتي هوة ابني مو بس ابن ..................
ولج اخ لو بيدي شسوي بي
عذبني ودمر صحتي وااااااااااع واصلة حدها وياي هههههههه
يلا هانت مابقى شي وربي يسهلها بقدرته.

حياتي بوجودك.

عمري شكرا الدعوة الحلوة ياقلبي
ربي يسمع منج ويفرحج ويسعدج يارب انتي وكل البنات الي دعولي
فديتكم وحده وحده....

فوفو العراقية · 09-15-2012, 12:49 PM

الجدول مالتي منو سارقه ههههههههههههه
ليش ميضهر؟

فوفو العراقية · 09-15-2012, 12:50 PM

ههههههههههه متفشل ميقبل يطلع لان راح يخلص بعد 9 ايام هههههههه

قمر بغداد · 09-15-2012, 04:18 PM

هلووووووووووووووو بنوتات شلونكم طبعا مد ادخل الاقليل لان تعبانة من ورة السهر لان يومية حفلة وعرس بالليل من ورة جمانه بحيث بالنهار عيني راح تنسد من النعس صرت مثل البومة ههههههههههههههههه
اكلجن حبيبات الي كاعدة ومتواجدة ترد على سؤالي
راح اخلص من الضعف من جنت حامل انسليت وضعفت يمكن 12 مدري 15 كيلو وبعد الولادة ضعفت بعد اكثر بحيث هسة صرت خيال الاموات ههههههههههه راح اخلص وبعد كم يوم ادورون علية ومتلكوني
اريد اخذ حبوب تسمن او تفتح الشهية وبنفس الوقت متأثر على الرضاعة تعرفون اني ولدت بالجديد وجمانه خطية ارضعها
شتكولون وشنو رأيكم بالبرياكتين يكولون زين لواكو غير شي ولجن راح اموت صايرة شبح ههههههههههههه يلة تحضرووووووووو وجاوبوني

قمر بغداد · 09-15-2012, 04:20 PM

نيالي ماكو ولاوحدة خخخخخخخخخخخخخخ فشلت
فوفو اليوم اخذلها صورة وانزلها تعرفين مادام ابنج نسونجي لازم اشوفله عريس ههههههههههه
ام نورهان هاي شنو سوزي فدوة جنها يابانية تخبل اللة يحفضها الكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM