تجمع مواليد شهر ( ذو الحجة ) لعام 1434 ه بإذن الله

[¤♥ أنثى حآلمه ♥¤]

ام تولين معذوره حبيبتي والشر مايجيك يارب
عيون امها الحمدلله جابت امي لي زيت مقري فيه والحمدلله فتح الجرح وبديت ارتاح
ومستمره ع الرقيه ... اشك في شغالتي اباخذ هالاسبوع اثرها لاني خلاص ابمشيها
لما دفينا الكنب كنت اهاوشها لانها عصبتني بالقوه تدف حسستني انوو مارا ثقيل قلت لها انا دايم ادف كنبي مو ذاك الثقل
ورحت من القهر دفيت برجلي وانسحب الكنب قلت شفتي ...وهي تتسحب في الدف دلع قالت انتم قويين وراحت تاشر ع الفخذ والرجل
ومن يوم راحت وظهري الم والحبه تكبر لحد مانتفخت وصرت ماقدر اسوي شيء وبس ابكي ... كرهتها... بنات حصنوا نفسكم
امي هاوشتني قالت المفروض ماتبيني لها انك بصحتك .... مو كلهم يذكروون الله .... والله يابنات الخراج مافتح استخدمت كل شيء الا لما قرأت الرقيه
دهنت بالزيت المقري مع منقوع المر .... يالله شيء مأسأووووي كنت شايله هم الجراحه لانه بمكان حساس وخايفه من البنج يأثر على عموووري بس الحمدلله

[ani8h]

السلام عليكم جميييعا ..

انثى حالمه ..
الحمدلله جات على كذا .. استمري ع الرقيه ..
وخذي من اثرها اكثر من مره .. الله يقلعهم مايذكرون الله ابد ..
بالنسسبه لبرنامج النفاس تبعك مره عجبني ماشاءالله حسيته يشمل كل شي ..
ان شاءالله اني اسوويه كله .. ونبهتيني عشان الموويه يعطيك العافيه ..لاني مااحب اشربها الا بارده ..
ببعد عنها بنفاسي اجل دامها مو كويسه ..
عيوون امها ..
حلوو المفرش مره ناعم ..توكلي على الله وخذيه
انا لسى ماشفت حسابها لانه مقفل ارسلتلها اضافه لسى ماقبلتها ..
ان شاءالله القى شي يعجبني واطلب وافتك ..

الصلاه ع النبي الله يزيد هرجكم ويبارك فيه هههههههههه
انبسطت لما شفت صفحات كثيره ..
فديت النشاط عساه يدوووم علينا ان شاءالله

[ani8h]

ملاك العششق ..
عادي ياقلبي ..الحين تبدا العضلات تتوسع استعداد للولاده ..
الله يسسهل علينا ياااااارب ..

ام توولين ..
الاحساس مره ملخبط ..
توتر وخوووف وحماس وكل شي ..
يلا ان شااءالله كلنا نولد بداية التاسع ..
بججد كل مااتخيل انه البكريه تاخذ التاسع كله شوي وابكي ..
الله يقدملنا اللي فيه الخييييييير ..

اخت عبدالرحمن ..
ماشاءالله مره حلوو350 لو خامته حلووه يستاهل ..
انا كمان ودي اخذ اوف وايت ماافكر اخذ سماوي ابد ..

[عيون امها]

الحمد لله بس انك عرفتي انه شغالتك
خذي اثرها واستحمي فيه الله يشفيك ياقلبي


انيقه
الحمد لله كلمتها اليوم وطلبت المفرش
اذا حابه ارسل لك رقمها .. تتواصل كمان عن طريق الواتس اب

[Lolooo]

السلام عليكم كروشات :)
أنا لولو عضوة جديدة اتمنى تقبلوني بتجمعكم *_*
انا متابعه لكم من كنت بالسادس وبصراحة مره حبيتكم وحبيت تجمعكم حسيتكم مثل الأخوات وهذا الي حمسنى اسجل بالمنتدى بس عشان اكون بينكم *_^
طبعا انا بكرية وحملت قبل كذا بس ربي ماراد انه يتم وسقطت بالشهر الثاني كان جنيني مافيه نبض وربي عوضني خير بحملي هذا ربي يتممه لي على خير
انا لي سبوع داخله الثامن على كلام الدكتورة
واتمنى الي لها خبرة تحسب لي لأني ما عندي خبره ودجه بكل شي اخر دورة لي كانت 17/3/1434 >> من اولها نشبت لكم هههههههههههههههههههههههه

[عيون امها]

ياهلا فيك يالولو بيننا

هههههههههه ولايهمك ماطلبتي شي
انا وانتي دورتنا بنفس الشهر انا كانت يوم 9 من شهر 3
يعني بيني وبينك 8 ايام تقريبا
انا تاريخ ولادتي 23 ذو الحجه يعني انتي يوم 1 محرم باذن الله تكون ولادتك

على حساب الدوره لك 3 ايام في الثامن .... الله يقومك بالسلامه يارب

[كآبتشينو]

ام معاذ

ماتشوفين شر ياقلبي والحمدلله ع سلامتك

عيون امها المفرش مرا حلووو وسعره مناسب جدا توكلي على الله

زهرة البنفسج .. لازم تروحين تكشفين ع المويه ،، لايكون تقل على الجنين وتندمين بعدين

باقي البنات .. اخباركم ،،؟؟

انا مثلكم بعد ماغسلت ملابس البيبي ولا سويت شي والشقه يبي لها تنظيف قبل ما اولد :(

الله يعينااا ويهووون علينا


الهاديييه مبروووك التاسسسسع الله يهون عليييك وعلينا يارب ..

يلا بنات تصبحون على خير :)

[Lolooo]

المشاركة الأصلية كتبت بواسطة عيون امها

ياهلا فيك يالولو بيننا

هههههههههه ولايهمك ماطلبتي شي
انا وانتي دورتنا بنفس الشهر انا كانت يوم 9 من شهر 3
يعني بيني وبينك 8 ايام تقريبا
انا تاريخ ولادتي 23 ذو الحجه يعني انتي يوم 1 محرم باذن الله تكون ولادتك

على حساب الدوره لك 3 ايام في الثامن .... الله يقومك بالسلامه يارب

عيون أمها .. مشكورة حبيبتي
امين يارب ويقوم كل الكروشات بسلامة
بس ممكن تعلمني كيف احسب لك اسبوع يعني مثلا متى انتهى من ذا الاسبوع وادخل اسبوع جديد لان كل مستشفى له حساب الحكومي يقول انا بالأسبوع ٣١ والخاص يقول ٣٢

[عيون امها]

كابتشينو

وانتي من اهل الخير

[عيون امها]

لولو
العفو ياعسووله