دردشة بنات ليبيا , دردشة حوامل ليبيا , تجمع بنات ليبيا

[ام روفيدة]

أهليييييييييييييييييييين وسهلييييييييييييييييين يقونة كيف حالك وكيف حال فروتي وشن حال الحمل وخيرك مغطسة وشن أحوال مصر تو ا إن شاء الله الامور مستقرة ؟

وبالنسبة للرجيم قعدة ماشية عليه ولله الحمد والمنة واليوم ليا 25 يوم الحمد لله من قال نثبت عليه هههههههههههههههههه

[أم ورد]

أهليين يقونة كيف حالك ويييييييييين هالغيبة إن شاء الله خير كيف حال بنيتك وشيني أخبار الحمل ربي ينوضك بالسلامة يارب

[يقين]

طبعا اني الحق الحق لا يستهويني الكلام في السياسيه ابدا ولا احبذ الكلام علي الفتن اللي صايره والدك اللي من تحت لتحت مانحباش
المهم ني نلخصلكم اللي صاير مع اني مش في البلاد بس فاهمه اللي صاير
باخ ت ص ا ر عندنا كتيبه في ورفله اسمها 28 مايو
هادي بعيد عنكم كتيبه مكلوبه وما فيهاش واحد يعرف كيف يصرف ومالاخير مافيهاش تريس عارفين ليش نقول هكي
لانهم يجردوا في المدن التانيه علي مدينتهم عليشان يشدوا نفر ولا نفرين كانوا مش عارف وين مع مش عارف مني تي انتم غير عدلوا بلادكم ونضموا اموركم اللي فالحين غير تلودا وتلقطوا في الناس مدايرين كيف ايام اللجان التوريه زمان
المهم اللي صاير كتيبه 28 مايو مناديه ثوار مصراته يجوا يقبضوا علي شويه ناس من ورفله (هادا عليش يدل علي انهم مش وجوه مسؤوليه وما يقدروش يشدوا حتي عيل من ورفله يضربوه كف ماشين ينادوا الثوار يضبطولهم بلادهو)
المهم الناس لما سمعت الخبر هادا هبت عليهم ودارت اللي داراته
وربي يهدي البلاد ويفكنا من الفتن

[الاء 2002]

ام ورد بارك الله فيك والله حالى باهى لكن بنياتى مرضى والحمد لله
يقوووووووووووونة الله نورتى كيف حالك وحال عولتك خيرك وينك

[يقين]

ام روفيده اهلا بيك يا احبيبه مشالله ني عرفتك من خطك ضاعفه هههههه خطك مولي رقيقون
والله ني الحمد لله في خير ونعمه بس النت كان قاطع علينا والحمدلله نسحابوها مصر بتنقلب بالعكس هديت اكتر شكلها الهدوء الذي يسبق العاصفه

[يقين]

ام ورد سلمها ياربي حالي باهي مدايرها فيا النت قداش ليه مشيط علينا
الاء اهلين بيك احبيبه والله انتي اللي منوره كيف حال الخدمه وحال بنوتاتك

[يقين]

يابنااااااااااااات اليوم موعدي الساعه 7 ادعوووووولي والله خايفه تقول كان عندي امتحات جبر وهندسه ههههههه ماتفهمونيش غلط راهو ني نحب الجبر ونمووت فيهم زي اخواتي بالزبط ههههههه

[الاء 2002]

الله يبعد علينا الفتن يارب

[يقين]

علي طاري تجهيزات البيبي اني باذن واحد احد كان عرفت اليوم النوع بنمشي نبضع من تومستعجله ماعنديش وقت

[الاء 2002]

ان شاء الله ربى يطمنك ويسعدك ويعطيك اللى فى بالك