تجمع حبيباتي الكروشات اللي راح يولدون بشعبان

[ام لبنى 666]

الف الف مبروك نعومه وخوخه بريه والسامره ولبنى وفنو يتربون بعزكم يارب
انا طفشت من الجلسه ع السرير وبقيه الزوار مو ناوين يخلصون ابي ارتاح والله طفشت
بس العمليه الحمدلله طيبه بس الكسل والخمول تعبني كثير الله يعين يارب
البقيه الله يسهل عليكم يارب يفرح عينكم قريب

[ام هيمووو]

السلام كيفكم

انا بكريه وخايفه لان ماولدت على الموعد واعطاني الدكتور اسبوعين مر اسبوع وباقي اسبوع وقال اذا ماجتني ولاده بيستخدم طلق صناعي او عمليه والله مشيت كثير وتمر بس سبحان الله ماحسيت بأي شي

[ام الحلوين 5]

الف الف مبروك نعومه وخوخه بريه والسامره ولبنى وفنوو جعلهم. الله من ومواليد السعادة يأرب وعقبال مانفرح بالباقين يأرب

[تحكمني قناعاتي]

الحمدلله على سلامة الي ولدو عقبالنا يارب

[عشقي الاطفال]

بنات صدري سار ينزل حليب باستمرار بس نقط ..

وافرازات مرره كتيره وتقيله ..

طبيعي ولا لا ؟ وهل هدل يدل على قرب الولادة ...؟

[زاوية في دائرة]

هلا وغلا بالكروشات :-)

عشقي /
الله يشفي مامتك يآآررب وتتيسر بإذن الله <3
لا ما أعتقد إنو نزول الحليب من علامات الولادة لأنو سلفتي فـ السابع وبينزل منها حليب :-/
وبالنسبة للإفرازات من بداية التاسع زااااايدة عليّ بشكل فضييع وخلصت التاسع وباقي ماولدت :-)

سفوونة + كنغ روحي /

الله يسهلها عليكم ياارب وتولدوا عاجلا غير أجل ولادة سهله ميسرة يارب <3

[ورد جوري82]

الله يسهل ...............

[نقية]

ام هيموووو ..
عادي لا تخافي اللي الله كاتبه بيصير ..انا نفس حالتك ..انتظر هلاسبوع يخلص بس ..
عشقي الاطفال ..
مااعتقد له علاقة ..ناس يقولو من الشهر السابع او الثامن يطلع لهم ..والافرازات تقول الدكتورة دام مافيها دم يعني عادية ..
زاوية ..
لازلتي صامدة ماولدتي ؟؟ههههههههههه
سكر صلالة ..
ع الجميع يارب ..
::
بنوتات انتو تحسوا مثلي ..؟
احس بأعراض الدورة ..حتى النفسية مرة منعدمة ودايم صياح ..:(

[زاوية في دائرة]

نقية /
ههههههههههههههههههه يب يب أخوي الكبير من كثر ماطفش ووع يسألني
صار يقولي بنتك ناوية ترمض ( تجلس رمضان ) وتعيد فـ بطنك وبعد العيد تجي :-/

يب ولا زلت صااااااامدة ( ويا جبل ماتهزك ريح *_^ )


+
بنات خايفة إنو الإفرازات اللي تنزل عليآ تكون موية النونو وأنا ما أدري ~>> أحس بطني سارت صغيرة خخخخخ
ممكن أحد يقولي كيف موية الراس ؟!!

^
حاسه سفوونه ولدت أو على وشك ولادة
عموماً إدعولها بنااات دي اليومين مراا تعبانة
الله سهل عليها يآآررب <3

[سفن بارد]

[QUOTE=
^
حاسه سفوونه ولدت أو على وشك ولادة
عموماً إدعولها بنااات دي اليومين مراا تعبانة
الله سهل عليها يآآررب <3[/QUOTE]

ياحبي لك والله فديت قلبك انا بس للاسف انا مااااااااولدت

الشكوى لله اليوم قصتي قصه اللي هو يوم السبت من قبل ثلاث ايام وانا اتالم واموت من الالم و يوم الجمعه بعد العشاء زاد الالم بشكل فضيييييع واتصبر الى الفجر ونزل علي افرازات مع دم فرحت مرررره وقت ماشاء الله جاء الفرج
وتصبرت الين الصباح الساعه11ورحت لدكتورتي قالت ولاده فاتح 4سانتي ماشاء الله اذا زاد الالم روحي للمستشفى اللي راح تولدين فيه رجعت لبيتي والالم يذبح قلت بصير ولما جت 9.30رجعت لدكتورتي قالت فاتح 5سانتي ماشاء الله وكان معي دم من الفجر قالت روحي امشي ساعه واحده بس وعلى طوول على المستشفى المهم مشيت ساعه وانا متامله اني بولد ولكا رحت للمستشفى قالوا استشاريه النساء ماخذه اجازه ولا نستقبل حالات ولاده واطلع وانا متوهقه بنفسي ورحت لمستشفى اهلي ثاني ومن دخلت وشفت الدكتوره والممرضات ماارتحت ابد ابد لهم مسكت ملفي وانسحبت بكل هدوء قلت لزوجي بروح لحكومي اظمن واروح لسلمان ابد ابد ماعطوني وجه ولا استقبلوني ورحت لشميسي والقى عندهم حالات ولاده بالهبل ولاعندهم سراير من المغرب والحريم كلهم فاتح عندهم اكثر مني وجالسين على الكراسي انصدمت صراحه وجلست تهوووش تقول اللي مالها سرير انا بريئه من اي عواقب تصير معها خفت وطلعت وجلست ابكي ابكي في السياره من التحطيم من9.30الى1.30وانا احوس انا وزوجي في المستشفيات قلت لزوجي خلااص راحت الولاده وانسدت نفسي ماابي اولد ابي اروح للبيت اخذ شور وارتاح واتعشى مت من الجوع وربي البيت ياحلوات من كثر ماتحطمت سكن الطلق ووقف الدم ابني ماتشجع يطلع الشكوى لله وهذا انا في بيتي ماشاء الله واكلمكم الله يعوضني يااارب بالولاده السهله يااارب والله اتوقع مليووووون بالميه قفل الرحم من التحطيم حتى وقفت الافرازات اللي معها دم

هههههههههههههههههههههه>>>على فكره تراي اضحك من القهر

ادعو لي جد الله يسخر لي وبروح اليوم لدكتورتي بتنصدم لما تشوفني لكن انما اشكو بثي وحزني الى الله عقب كل ذا التعب ماااولدت اللهم اجرني في مصيبتي واخلفني خيرا منها ربي اني مسني الضر وانت ارحم الراحمين


وش رايك يازاويه في دائره في اللي صار معي والله مايصدق الله يسهل علي وعليك وعلى الجمييييييييع ياحبيباتي