【ツ】أحلى تجمع لأحلى حوامل التوائم 【ツ】 ‏الجزء الثالث

[احب التوينز]

توووو رجعت من الموعد والحمدلله تطمنت بس يقولي لسا باقي دم في الرحم :( بس الحمدلله ان ماطلع معاك شي الدم جاني كم يوم ووقف وبستمر على ابر المثبت اسبوعين زياده والتحاميل 4 اسابيع والله يعيييينا يارب

[محبة رسول الله]

احب توينز الف الحمد لله على السلامه ايام وتعدي انا نفسك والله تم علي الله يتم حملك على خير يارب

[احب التوينز]

محبة رسول الله مشكورة على الرد ونشبت فيها ابغى اعرف الجنس قالت مابييييييييين

[احب التوينز]

محبة رسول الله
انتي نفس حالتي صارت لك ؟؟؟

[الأميرة جوري]

مسسساء الخيييير بناااااات
شحاااالكم؟ وشحال التوينز؟
أنا بعدني ماولدت والله تعب كل شوي يجني مغص ويروح بسسس مايزيد علشششان اولد

[الأميرة جوري]

ماء زير
الله يطمن قلبج وآن شاء الله ولدج مافيه الا العافية بسسس انتي لاتحاتي وتتعبي نفسيتج

مها
منورة التجمع ومشكورة ع النصايح المفيدة.

[رضاك ربي]

أحلى توينز الله ييسر امرك انا متفائلة بنهاية الاسبوع تتيسر امورك متل باقي الكروشات

محبة رسول الله بارك الله فيك على ردك عن الانسداد حتى انا تفائلت وربي يطمن قلب كل حامل ويقر عين ماء الزير بشوفتهم اصحاء سليمين

[ام منصور]

ماء الزير
او ماولدتها كان دايما ايصير لها امساك وحاولت معاها بكل الطرق عشان يعتدل بطنها مانفع وكنت استخدم تحاميل جلسرين عشان يمشي بطنها
ومره شفتها تصيح وماعرفت من شو وهي صار لها يومين الله يعزج ماخرجت
وكانت بشرتها لونها اصفر وانتفخ بطنها وخرجت اشوي دم وعلى طول وديتها الطواري
ولقيت دكتورها اللي كنت اراجع عنده لما يصير لها امساك شديد قال انها لها تاريخ مب زين في الامساك عشان جذيه انا شاك في شي عندها وانا عاد مت من الخوف
وصورها سونار وقال لازم تدخل جراحي قلنا له مافيه طريقه ثانيه قال لا لانه امعائها صغيره ماتستحمل النفخ اذا كان الانسان كبير وجاه انسداد ممكن يسوون له نفخ ويفتح
بس قال هذي وايد صغيره الحمد لله انا وزوجي طبعا ماعرفنا شو انسوي انا كنت اطالعها واصيح قلت لها ودعناها رب العالمين خلهم يسوون لها العمليه
ودخلوها العمليه وما خلوني ادخل قال مابتتحملين وبعدين بنخدرها فمافيه فايده من وجودج
انتظرت ساعتين وانا احوص عند باب العمليات واخيرا طلعوها
شايلينها وبعدها تحت البنج قلت له ليش صايره صفرا قال الحمد لله على سلامتها لانها كان عندها انسداد والمصران ملتفه وقعدنا نفتح في العقد وشلنا الانسداد وشلنا الزايده والحمد لله قال لما تصحى لا ترضعينها خليها نص ساعه
لكن انا من كثر البكي عليها اول ماصحت كانت اتدور على صدري ماتحملت رضعتها وبتنا بالمستشفى وقعدت 3 ايام وكنت حريصه على انها ماتصيح وكله شايلتنها والحمد لله ربي عافاها والحين عمرها 6سنوات
لا تخافين ياختي ولا تحاتين اتكلي على الله وهذا الشي مايخوف ان شاء الله وربي يحفظ لج عيالج ولا يخسرج ان شاء الله يا حبيبة قلبي انا حاسه فيج الحمد لله الطب اتطور وايد وان شاء الله خير وعليج بالدعاء والصدقه عنه

[ام منصور]

احلا توينز
شو تسوين اهنيه انا قلت الحين بتبشرينا
حياتي اشربي زعتر ووردفوريه اشوي واشربيه يمكن فيج غازات هي اتسوي لج تقلصات ولاده وهميه واذا اكنت غازات بترتاحين منها وان كانت ولاده بتزيد عليج الطلق وساعتها اشربي منقوع الزعفران بماي زمزم وان شاء الله ربي يسهل عليج واييسر ولادتج انتي وكل الخوات الحوامل بالتاسع اللهم اااااامين

[أم توينز]

السلام عليكم
كيفكم ياكروشات ان شاء الله بخير
اشتريت الاغراض الحمدالله والرضاعات سبحان الله غييييييييييييييييير عن اغراض الطفل الواحد
احس الكل يناظر في يشوفني اشتري من كل شي 2
ودبل بكل شي حتى الرضاعات بس باقي بعض الاغراض كم طقم لاني احس قد مااشتري قليل مدري ليش الله يعين
ابغى اسئلكم اذ ولدت ان شاء الله كيف راح احطهم بسرير واحد ولا ثنين وقت النفاس يعني وقت زيارة الناس بنتي الاولى كنت حاطتها جنبي عالسرير
بس هذولي غير ثنين ربي يحفظهم
احس سريرين زحمه بالغرفه مررررررررررره
ايش اقتراحاتكم ياحلوين ونبغى كل وحدة تصور الاغراض اللي اشترتهم انا ابصور بعضهم لاني الباقي عند امي بالمدينه وانا بتبوك