تجمع مواليد شهر ( ذو الحجة ) لعام 1434 ه بإذن الله

[عيون امها]

الهاديه
انا كنت مثلك ما اعرف احسب على اي واحد فيهم ..... بس الاصح هوه حساب الدوره وتاربخ ولادتك 7 اكتوبر يعني انتي في الشهر التاسع الحين ((حسبته من الموقع فوق ))

واذا تبغي تتاكدي ارجعي لصور السونار القديمه تبع الشهور الاولى وشوفي تاريخ الولاده فيها

لاتخافي من ال 9 بالعكس افرحي لانه راح تشوفي البيبي تبعك قربب وراح تمري بتجربه حلوه

[¤♥ أنثى حآلمه ♥¤]

عيون امها & انيقه
الشر مايجيكم حبيباتي
الحمدلله اليوم احسن من امس وقبله

المشرقه ماشاء الله عليك انا ملابس عموري للان ما غسلته ولا كملت اغراضي فيني تبلد هالايام
زهرة البنفسج لاتهملي عمرك المويه مو هينه روحي اعملي سونار اتطمني على نبض البيبي والمويه ولاتخاافي
الهاديه ماشاء الله عليك دخلتي التاسع اجل بتولدي قبلي ههههههههههههه الله يهون علينا
عيون امها حلو المفرش اضفتها عندي بس حسابها مغلق وللان ماقبلت اضافتي
انا افكر اخذ مفرش نفرين مثل ولادتي الاولى اخذت مفرش نفرين من بامبو ب 790 وشيء كذا بعد التخفيض
بس وربي غسيل وكرف ولا اتأثر قماشه ولا حتى نمش كمل له الان سنه وشهرين وانا استخدم فيه مارا سعرو فيه تحلفي جديد

بس سعره غالي وفي بكري ماستخسرت بدل الالاف اللي بحطه بمفرش النفاس اللي بسرعه ينعدم
والان افكر بنفس الطريقه بس اباخذ شيء سعرو معقول مايتعدى 400 ويكون نفرين اقلها بعد النفاس يتغير لوووك الغرفه ههههههههههو واكون وفرت وضربت عصفورين بحجر
حتى زوجي مارا حب الفكره ..

[الهاديه]

اهلا عيون امها وانثى حالمه

بديت اكرهكم هههههههههه
واقسم بالله ماحطيت ببالي ولا نص بالميه اني بمشي على حساب الدوره ؟؟؟
لان حتى اذا رحت لهم حسبو على السونار الاول الي بعد الدم
بس والله ماستغرب عليهم اصلا مستشفى خايس وكل مره دكتوره وكل مره تسئل نفس الي قبلها
لدرجه انو المره الي قبل الاخيره
سئلت الدكتوره كانت سعوديه .. قلت الحديد والكالسيوم استمر عليهم ؟؟؟
قالت ايه ؟ لبعد الولاده

واخر مره لقيت مصريه قلت الحديد والكالسيوم استمر عليهم ؟؟
قالت بصي بئه ؟ الكالسيوم لا وقفيه وخذي الفيتامينات الي بعطيك
عطتني [ماترينا ]واول مره يصرفونه لي
وحديد [ فيرومن ] لون الكبسوله حمرا

المهم رجعت بيتي لقيت عندي حديد نوع ثاني الي لونه اخضر من جهه وجهه شفاف وفيه حبيبات


***

مرا تلخبطت مدري وش اكل فيهم

[الهاديه]

ماشششاء الله الي غسلت اغراض بيبيها
انا لسسسسسسى ماسويت شي :(

باقي سريري وسرير البيبي شفتهم مع مفارشهم بمحل بطيبه يجججججنن وبرجع اجيبه )
باقيلي ملابسي ابي بجايم قطن الي فتحتها من قدام كلها ازرار وقميص برضو له فتحه من قدام لقيت بمحل بغرناطه بس سعرها مبااااااالغ فيه الوحده ب 295 انا ناويه اشتري كم حبه واحتمال اكبها بعد النفاس ف حرام هالسعر فيهم

وملابسي الداخليه مدري وش ابي للحين :(

واغراض الصيدليه

:( شايله هم المشكله ضروفي ماتسمح لي اقضي الحين
قبل 15 من الشهر مااقدر
كل يوم افكر اقول ممكن اولد وانا ماخلصت اغراضي تهئ تهئ



&& فضفضه صباحيه

[¤♥ أنثى حآلمه ♥¤]

هههخخخخخ
الهاديه انتي باي مستشفى تراجعي
الحديد الثاني افضل ويرفع الدم وفيه فوليك اما الاول الاحمر بس حديد ودكتورتي قالت ضعيف
والدكاتره هالايام داجه ههههههه
شوفي انا اقولك الكالسيوم وقفيه اصلا المفروض من الثامن توقفيه وتعتمدي على الاجبان والالبتن
والحديد تستمري عليه مع الفيتامينات .... وبعد الولاده ارجعي للكالسيوم واستمري عليه مع الحديد لانك ترضعي وتحتاجي كالسيوم
لاتغلطي غلطتي بحملي الاول كان الكالسيوم كويس واهملت نفسي بعد الولاده والان مع نقص شديد كالسيووووم

[¤♥ أنثى حآلمه ♥¤]

هههههه الهاديه عندي وهندك خير انا مؤجله اغلب اغراضي بسبب الضغط هالشهر علينا ان شاء الله مع راتب هالشهر اخلص

[الهاديه]

الله يسعدك اخيرا لقيت احد يدلني على شي كنت محتاسه + ماعندي حد اسئله غيركم + مااقدر اروح مستشفى حاليا

اراجع ب العسكري فرع المروج
انواع الدججه فيه :(
تخيلي للحين ماعرف وزن البيبي ولا وضع المشيمه ولا المويه تبع البيبي
والله هاليومين كل تفكيري هالشي

زوجي باول حملي رافض اراجع عند خاص انهم كذابين وكذا
ومن اخر موعد لي وشاف الدكتوره خربطت العلاجات ولاطمنتني على البيبي بس حولتني على العسكري الكبير تبع الولاده

قال خلاص توبه نراجع عندهم بحملاتك الجايه بس اجيبك وقت الولاده لهم :( قلت اخيرن بس وش عقبه


(( عيون امها ]
ماعندي صور سونار للبيبي خخخخخخخخخخخ
لان العسكري ذا بايخ مرا عندهم جهاز صغير اصغر من شاشه الاب توب
تشوف النبض فيه حتى السمع ماقدر اسمع خخ
وبس

[الهاديه]

كويس اجل مو بس انا لحالي هههههه

بسئلك ام معاذ انتي عندك بيبي قبل ماشاء الله
وش سويتي بنفاسك ب التفصيل >> اذا مايضايقك

لاني وبصراحه بنفس ببيتي ولوحدي :$


+
الشغاله الي قبل كم يوم عندي تقول لازم تربطين بطنك بقماش قوي
اقوى من الشماغ والمشد الي بالصيدليه المغاط تقول مايصلح

تقول بتحسين بحكه بس تحملي عشان البطن يروح
وانا قريت ناس تقول بعد الولاده ب 3 ايام
وناس تقول مايصلح الشد الا بعد الاربعين لانه يلصق الارحام مدري ايش :(

[¤♥ أنثى حآلمه ♥¤]

ويسعدك ياقلبي نعين ونعاون
انتي مثلي بحملي الاول زوجي كان رافض الخاص وانهم نصابين والحكومي افضل
المهم بعد معناتي مع الحكومي حملي هذا اراجع بخاص الحكومي ماجيته غير مرتين
وان شاء الله ولادتي ماتكون عندهم ...... بس نرضى بالمكتووووب

[¤♥ أنثى حآلمه ♥¤]

عادي ياقلبي نستفيد من التجارب
انا بحملي الاول استحدمت نظام فيافي كان حلو بس اهملت نفسي كنت اشرب مويه بارده لاني ولدت بالصيف ومايبل ريقي الا البارد
وكنت الهم اللهوم مع مووويه وهذا قمة الغلط لازم اللهوم والسفوف يكون مع شيء دافيء اما حليب او اعشاب
وهذا سبب لي مويات افرازات بعد نفاسي ولان الدوره ماتجيني لاني ارضع تعبت على مالقيت حل ومؤقت
لكن بحملي هذا ابنتظم على نظام قشر قهوه خاصة الخمس فناجيل اختي استخدمته قبل شهرين بولادته ومارا تمدحه تقول نظف رحمي كووويس
ومن ناحية الربط انا اشتريت مشد وناويه اربط بعد اسبوع يكون الرحم رجع لوضعه الطبيعي وماشد مارا كل يوم ازيد الشد عشان لا اضر نفسي
القماش مارتحت له ولا الشماغ ولا المشد الاندنوسي.... وابعتمد اكثر شيء على شفط البطن والتمارين لان البطن عضلات مرتخيه يبي له شد برياضه