ديوانية البحرين - دردشة حوامل البحرين - البحرينيات

[اقصوصه]

فلونه هذا ثالث بيبي وبعد حرب طويله ومناقشات ومفاوضات قدرت اسمي انا

[اقصوصه]

أمم حماني ذكرتيني بولدي الاول

ما خليت دكتور أطفال ما وديته له بسبب المغص

[أم حماني]

بخصوص الاسامي مب كل الرياييل يفرضون رايهم في رياييل عادي عندهم اي اسم ,,
انا زوجي عادي عنده اي اسم .. اهم شي الياهل يكون بصحه وعافيه

[أم حماني]

اقصوصه يعورون القلب اذا يصيحون من هالمغص والغازات ... قلبي يتقطع عليه والله ...
يصرخ من قلبه

[فلونة]

احلى شي يكون الاسم بالتفاهم والاثنين متفقين عليه ونفس ماقلتي الفرحة تكمل اذا الله تمم نعمته وانعم علينا بطفل صحيح سليم معافى ،،

[فلونة]

بنت الاياويد ما دشت اتطمنا على امتحانهاا،، فتووت، ام خليل، وحنين ما لهم حس اليووم...

[أم حماني]

اتوقعها تدش بالليل .. لانها تطلع من الجامعه وتروح بيت اهلها وترجع شقتها بالليل

[أم حماني]

وين رحتوا؟

[فلونة]

في هالجوو كله ابي ارقد على قولة ريلي السبات الشتوي،، ومن مساعة ابي اقاوم النودة لانه اذا رقدت بيخترب نومي
باروح اجوف لي شي يلهيني عن النووم

[أم حماني]

يالدبة يعني احنا مانلهيج عن النوم