دردشة حوامل أهل جدة - دردشة بنات جدة - تجمع حوامل مدينة جدة

[أم زياد3]

عشاااااااااااان الولادة قررررررررررررربت

[اميرةفى امانيها]

سلام عليكم كيفك عزيزتى دانتيلا احسة صعبة بنتك باقى صغيرة وتنام بعيدة عنك مرة صعبة وفى نونو بالطريق اللة يسهلك اكيد بتغاار انا ولدى عمر سنتين وشهرين حاولت فية على سرير جمبى بنفس الغرفة الا ينام جمبى ويبكى ويحلم لازم اكون معاة بيصيرعمرة3سنوا ت خلاص برا الغرفة بس بنتك لاتقسى عليها تراها باقى محتاجتلك كتير اللة يسعدك ويسهلك ولادتك امين يارب العالمين وعلمينا وش بصير معاك شاكرة لك

[دانتلا]

حبيبتي ام زياد لا تخافي من الولاده كلها تساهيل من ربنا ان شاءلله تكون ولادتك اسهل من شرب المويه ..ااااامين
حبوبتي اميره زمانها انا بنتي 5سنوات ونص مو صغيره قبل لمن فصلتها بغرفه لوحدها كانت فرحانه وتحكي الناس انها صارت كبيره وهيا اختارت اغراض غرفتها بس صايره الايام دي تكثر من كلمه انا ما عندي اخ يلعب معي كل صحباتي بالروضه عندهم وانا ماعندي انا بعرف انها حاسه بالوحده بس مو بيدي ودحين هيا مو صغيره لا كبيره وتفهم كل شي اخاف عليها ...ياريت تساعدوني عشان ارتاح قبل الولاده.

[صدفة عمر]

::


دانتيلا الله يعينك واكيد راح تغار بس هية كبيرا راح تفهم

ولاتطاوعيها نومي بغرفتها لو تضطري تنوميها بنفسك

انا بنتي كمان عملت لها غرفة بس عمرها ثلاث سنين يعني بتحملها سنة واشيلها

وكانت تنام بسريرها معي بس ذحين سايرة تبكي تبغى تنام جمبي

تقول ليش النونو ينام ببطنك وانا ما انام بحضنك خخخخخخخ

احيان اعديها واحيان ما اسمح لها الله يعين


,

ام زياد الله يسهل طلقك ووضعك ي رب


::

[دانتلا]

حبوبتي صدفه انا بنتي كانت تنام عااادي بغرفتها بس دحين لا تقول ما ابغى انام وحدي وهيا ماتعرف اني حامل او شي بس اللي تعرفو انو راح نجيب لها اخ جديد والمسأله مو غيره دحين لا

[صدفة عمر]

::


الله يعينك دانتيلا مع انها استمرت بغرفتها ليش ذحين ترفضها ؟

معقول ماتسمع زوجك او اهلك يقولوا حامل بدئت تحس بالغيرة

اذا ذحين مجنننتك اجل لو جاء النونو اكيد ماراح ترضى تنام وحدها


::

[دانتلا]

مو عشان كذا انا محتاره شو اعمل معاها اوقات افكر انو انوم البيبي معاها واشتري الجهاز اللي يطلع صوت لمن يصحى النونو ,وبرجع اقول اخاف انها تفكر تطلعه من سريره او تعوره بشي مرررره احترت شو اعمل

[دانتلا]

مساء الخير..كيفكم اليوم ؟
الله يثبت حملك يا ام بدر ويفرحك بشوفته بيدك

[اميرةفى امانيها]

هلا عزيزتى دانتيلا معليش قريت بالغلط افكر عمر بنتك سنتين الحمل وتاثيرة وبنتك شكلها غيرانة لان حاط بالها هى وبس الدلع هذة ردت فعل طبيعية خايفة لياخد مكانها النونو بس اذا جاء النونواهتموا فيها اكثر واللة يعينك ويسهلك رديت عليكى الحين وانا مركزة قوى يعطيك العافية كتييير

[أم زياد3]

حبوبات ماقلتولي كيف السواد معاكم
أنا الرقبة بدت تسود
صحيح إللي تسود رقبتها تجيب بنت ولا كلام فاضي
أنا عندي ماشاء الله أولاد وكمان تبارك الرحمن قالتلي الدكتورة في الشهر الرابع أن إللي فيا ولد ولسى لحد دحين ماراجعت عشان أتاكد
إحساسي يقول بنت