تجمع حوامل سوريا-دردشة ورود سوريا-دردشة الغاليات

[jorri sham]

بعتزر وﻵ مو قاصده خوفكن بس حبيت وضحلكن بعتزر كتير بنات الله يسهل حملكن و وﻵدتكم يارب

[عبير اسماعيل]

يسعد صبااااحكون
سرووءة شكرررا
حبيبتي ماقلت اني رح اقعد شهر قلت =خمس ايام
بس ما حا آخد الشهر كلو
يسلمو حبيبتي ع المعلومات ما قصرتي يخليلي ياكي
ويخليلك جود يارب

[hadeel al rouh]

جورتي شكرا على النصايح تسلميلي ويخليلك هالقمور يارب
سللولتي سلامتك انا مرة انحرقت ايدي بشي عشر نقطات زيت قلي كنت عبساوي عجة واخر وحدة عبقليها سبحان الله اوقعت من المعلقة وانا عبشيلها وطرش الزيت على ايدي وفورا حطيت عليها مي وبعدين زوجي الله يهديه حطلي عليهون معجون سنان وقلي اتركون شي ساعة وقلي خلص بفقفلو بعدين لحالون بروحو وفعلا ياستي فقفقلو بس والله تمو مفقفلين شي عشر ايام وبعدين فشوا بس ماراح مكانون والله ايدي اتشوهت ومنظرها ماحلو هلأ ‏
بقا لاتعملي متلي ‏
المرة التانية انحرقت بمرقة المحشي بس هالمرة على اصابيعي بس والله متل ماعبتقولي بتلهب لهب بس اشيلها من المي الباردة ورحت حكيت مع زوجي يجبلي مرهم حروق قوي وفعلا ياستي جبلي مرهم اسمو ميبو حطيت منو شي اربع او خمس مرات قبل النوم والله والله فقفلو يومين وبعدين فشو خلالأ اسبوع ايدي طابت عالاخر ومافي اي اثر للحرق
بنصحك فيه هاد المرهم عنجد رووووووووووعة مع انو ريحيتو شوي قوية بس بعد عشر دقايق بتروح

الله يجيرنا من نار جهنم

[hadeel al rouh]

سروئتي وانا سجلت نصايحك بعقلي هههههههه بلكي بدي اولد قيصري مامنعرف شو الله كاتب ‏
يسلمو على النصايح حبيبتي الله لايحرمنا منك

ايمت بدك تنزلي صور جوووووود يلا بقاااااا

[silla]

صبااااااااااااح الورد صبااااااااااااااااح الفل
لاحلى بنوتات وارق صبايا بالكون ........
كييييييييييييفكم ياحلوييييييييييييين

انا اليوم فايقة ومصحصحة ومتنشطة ومشتاقتلكم كتيير كمان

شورح تطبخو اليوم
رح اطبخ دجاج مكسيكي ورز
وهلئ رايحة عند جارتي عنا جمعة صبايا
والاهم من هاد انو في تبووووووووووولة
مابتتصوروا اديش بحب التبولة
لدرجة عم اتوقع يكون سبب نشاطي وصحصحتي التبولة خخخخخخخخ




سروووووووووءة حبيبتي يسلموووووو ياقلبي عالنصايح
بصراحة بتفيدنا كلنا وانا رح اسرقن وحطن عندي بالملاحظات بعد ازنك
الحمد لله ع سلامتك مرة تانية
بس شو مشان ياجماعة قصة تفاريع النفاس انا ماكتير هاضمتها
يعني بحس صارت عادة قديييمة ولا شو رايكم يعني لازم البس؟
مافي بديل ؟

ميييييييين في هون

[silla]

المشاركة الأصلية كتبت بواسطة hadeel al rouh

جورتي شكرا على النصايح تسلميلي ويخليلك هالقمور يارب
سللولتي سلامتك انا مرة انحرقت ايدي بشي عشر نقطات زيت قلي كنت عبساوي عجة واخر وحدة عبقليها سبحان الله اوقعت من المعلقة وانا عبشيلها وطرش الزيت على ايدي وفورا حطيت عليها مي وبعدين زوجي الله يهديه حطلي عليهون معجون سنان وقلي اتركون شي ساعة وقلي خلص بفقفلو بعدين لحالون بروحو وفعلا ياستي فقفقلو بس والله تمو مفقفلين شي عشر ايام وبعدين فشوا بس ماراح مكانون والله ايدي اتشوهت ومنظرها ماحلو هلأ ‏
بقا لاتعملي متلي ‏
المرة التانية انحرقت بمرقة المحشي بس هالمرة على اصابيعي بس والله متل ماعبتقولي بتلهب لهب بس اشيلها من المي الباردة ورحت حكيت مع زوجي يجبلي مرهم حروق قوي وفعلا ياستي جبلي مرهم اسمو ميبو حطيت منو شي اربع او خمس مرات قبل النوم والله والله فقفلو يومين وبعدين فشو خلالأ اسبوع ايدي طابت عالاخر ومافي اي اثر للحرق
بنصحك فيه هاد المرهم عنجد رووووووووووعة مع انو ريحيتو شوي قوية بس بعد عشر دقايق بتروح

الله يجيرنا من نار جهنم

والله فقفقت بس ماحطيتلها شي انا بس بقيت شي ساعة عم حطها بمية تلج واخرررر شي فرطت من النعس وحسيتها تخدرت نوعا ما شلتها واتسطحت وهيك عرضتها للهوا
لهبت علي لحتى طيرتلي عقلي بس الحمد لله 5 دقايق وسكنت
عنجد حرق الحليب بشع كتييييييييير مجربة كتييييرومجربة مرقة المحشي بصراحة هاد اصعب
هههههههه ياقلبي كل وحدة ست بيت الا ما تجرب انواااع من الحروق الله يحمينا ويجييرنا من نار جهنم يارب ...

بس مشان كريم الحروق ميبو في وحدة قالتلي في كريم متل السحر للحروق وبس حطيتيه كم دقيقة وبيختفى الالم وما بفقفق محل الحرق وكاني عم اتزكر انو اسمو ميبو هاد بالاعشاب دخلك؟؟؟؟

[وردة سورية]

كيفكن يا صبايا شو عاملين اليوم\
قبل كنت اشكي وابكي بيني وبين حالي وما حدا يحس فيني وانا مقهورة
بس هلاء مالي غيركن كتير مـــــــــــــــــــــــــــــــــــــــــــــــــ ـــــدايئة ومخنوقة حاس حالي راح انفجر
عم أكتب الكن ودمعتي على خدي مو عارف شو صرلي يا الله والله من الصبح دمعتي ما نشفت
انا بكره الغربة كتير بس ما بدي ارجع على سورية بدون زوجي
يا الله مالي غيرك
القصة وما فيها انو انا ما معي اقامة ومن لما اجيت زوجي عم يحاول يعملي ياها وما كانت تزبط الله لا يوفئن بدل ما يساعدونا لانا سورين كمان هنا علينا
من يومين عطونا امل انو تزبط
اليوم زوجي راح وقالو انو ما زبطت وزوجي كان كتير مقهور
ولما خبرني حسيت الدنيا بوجهي سودة وصرت ابكي واختنقت بس كمان ما حبيت زيدها على زوجي لانو كتير مقهور حاولت اتماسك حالي بس لما طلع من البيت انفجرت من البكا
يعني ما ظل معي وقت بعد 15 يوم بدي ارجع على سوريا من دون زوجي ااااااااااااااااااااااااااااااااااااااااااااااااه
واذا رجعت ما عاد فيني اطلع من هنيك بسبب هالاوضاع ومانعين السفر عقطر
والله لما ارجع بكره حالي وبدوق الويل
ااااااااااااااااااااه يالله

[hadeel al rouh]

عبورتي اسم الفيتامين مترنا ‏materna‏ مابعرف ليش كل دكتورة رايها شكل قولي انا ماعباخود منو كتير بالاسبوع حبتين يمكن وهوي لازم كل يوم ههههه
طيب حبيبتي اذا اتذكرتي اسألي دكتورتك وانا ناطرتك
كيفو حمودة اليوم لساتو ضايج ههه بلكي شوب ياقلبي عليه ربي يحميه ويحفظه

سللولتي هاد المرهم مابعرف اذا بالاعشاب بس من لما بتحطيه بتطلع ريحة مكسرات وفستق عبيد كتير ظاهرة فيه ههههه عنجد جربي مابتندمي ابدا ومدام فقفقت معناها بجوز تترك اثر وراها سلامتك حبيبتي ‏

شو هدول تفاريع النفاس ماعرفتون انا كيف شكلون بلكي اسمون عنا شي تاني مابعرف

[hadeel al rouh]

يييي ياوردة الحلوة معقول هيك صاير معك يالله دخيلك والله صعب الوحدة فينا تبعد عن زوجها الحق معك حبيبتي ‏
بس طولي بالك انتي والا ماربك يفرجها يالله معقول بدنا نفقدك هون اكيد بسوريا مارح يكون النت متل هون ياربي يكون بعونك مع انو شوفة الاهل مابتتعوض بس كمان فراق زوجك صعب والله مو عارفة شو قلك بس الله يهدك يابشار انت السبب
حسبي الله ونعم الوكيل

[hadeel al rouh]

ييييي سللولتي مية مليون صحة وهنا على قلبك وقلب كرومة اي انشالله تنبسطي وتغيري جو هاد اهم شي
انا عملت عالغدا كباب بانجان وجنبو رز وخيار بلبن ‏