دردشة بنات فلسطين, دردشة حوامل فلسطين, تجمع بنات فلسطين

[احساس أنثى]

حبيبتي نون الوحام في ناس يستمر معهم 3 الشهور الاولى وفي ال4 شهور الاولى

ويوم يوم نادر مايمر عليكي يوم من غير القئ .. بس انتي مادام خف خلاص لاتاخديه

ربي يتمملك على خير

[احساس أنثى]

تفضلو معي يبرد على قلبكم بهالحر

[~ نوون ~]

احساس انثى انا لسه بالشهر الثاني

هل الوحام ممكن يخف يوم ويشتد يوم

[احساس أنثى]

اي حبيبتي عادي ...

انا كنت احيانا مااطلع الماده الصفره يلي بتقلب المعده واحيانا تطلع

من وحده لوحده بفرق الوحام ياقلبي

بس انتي ماتاكلي وتدبي بطنك عشان ماتتعب معدتك كلي كل ساعتين شي بترتاحي اكتر والله

[حواء مثالية]

انا وحامي طول فترة حملي كل وحدة حسب طبيعة جسمها

[~ نوون ~]

احساس انثى الماده الصفراء استفرغتها انبارح زي العلقم صح وشو هيه يعني انتي كل يوم كنتي تستفرغي

غلبتك معي


حواء مثالية كل يووم كان عندك استفراغ ولا يهدي الوضع ويشتد

شكرآآآآآآآآآآآآ الكمممم حبيباتي

الله يثبت حملنا جميعآآآآآآآ

[احساس أنثى]

اي والله انا لما اصحى من النوم ماارتاح الا لما اطلعها

ولو ماطلعتها ورحت افطرت الاكل مايضل بمعدتي

[~ نوون ~]

الله بعين

ربنا يثبت حملناا ويقر اعينا برؤية اجنتنا سليمين معافين كاملين الخلقة من غير زياده او نقصان اللهم امين

انتي باي شهر احساس انثى

[احساس أنثى]

امين يارب يانوون

انا بالثامن

انتي من غزة ولا الضفه؟

[سهى2012]

حبيباتي يسعد مساكم ولليلكم

الف الف شكر الكم ولوقفتكم معي شو اعمل مافي قدامي الا مستشفى الشفا

رحت على مستشفى القدس دولي مش مهم عندي مصاري لاني انا بالاساس موظفة حكومة بشتغل بالمجلس التشريعي الفلسطيني غزة بس طبعا من قاعدين بالبيت تابعه لرام الله مش قصة موضوع مصاري او تقصير مني بخصوص ولادتي بمستشفى خاص بالعكس تماما انا ماخليت مستشفيات خاصة بقطاع غزة إلا رحت وفحصت وسجلت فيها عشان يقبلوا حالتي بس لاسف شديد وبعد كل تحاليل وفحوصات كلهم بيحولوني على شفا وبيحكوالي ما تفكري ترجعي عنا بحالتك هي يعني مستشفى قدس طلب مني 3000 شيكل قبل مايعرف شو وضعي صحي وبس عرفوا وضعي وعلاجاتي حكوالي روحي على شفا وباقي مستشفيات خاصة نفس كلام

لهيك مبارح وبعد توصايه ورحت عندي وجع وضغطي عالي كتير وصغيرة حاستها وكانها كتلة حجر بطني متجمعها وللصبح وانا على هالوضع بالشفا بين هاد دكتور وهداك وكل واحد يحكي شي وكل واحد يتفلسف عن تاني وانا بين روحي وتعالي وتحاليل وفحوصات كيميائية وفحوصات بايديهم الله لا يوفقهم هلكوني وطلعي تخت هاد ونزلي عن تخت هاد وروحي على مختبر لاء روحي على تخطيط لاء روحي عند دكتور فلان وعلان بقيت هيك لصلاة ظهر وانا لوحدي وببكي من وجع وتعب ورتفع ضغطي كتير وصل 160/120 وسكري عندي فوق 200 وطبعا مارحموا رجلي فيها جلطه وشافوها وحكولي وقفي علاجها لبعد ولادتك وباخير قالوا تعالي خميس جاي وعليها بندخلك للعملية وطبعا من مبارح واليوم وانا بشوف قصص وحكايات وعذابات نسوان وحدة شبه تموت وتخلص هي وبطنها لولا واسطه وتوصية دخلوها بسرعة وحده تانية نفس حاله خالوها تستنى للاحد وكتير كتير شغلات مرت علي هاليومين

روحت على البيت واولادي شافوني بصورة هي صاروا يحكوا خلص ماما ماعد بدنا تولدي جنى مهم انتي تكوني بخير وياحرام شاطر منهم يجيب مي برده وتاني حط كرسي وقعدني وبنتي الله يرضعليها حضرت لي حمام وبيجامتي وكل شوي تحكي لاخواتها خلص بدون صوت ماما تعبانة وانا من جواتي مقهورة وببكي وزاد تعبي والمي وتنفخت كتير عن اول كرهت حمل وكرهت ساعة حملت فيها لدرجة مش عارف كيف بدي استقبل هالصغيرة بعد كل هالمرض والتعب وذال بنشوفه بالمستشفى عنا حسبي الله ونعمه والوكيل فبهم حسبي الله على سماهم دكاتر او تمريض تذكرت تبعت تمريض بدها تاخد تخطيط للصغيرة اجت عندي وحامله كاست نسكافيه وبتحكلي امسكي انتي جهاز وحطي وين بتسمعي نبض البيبي وبالفعل مسكته وبقيت ايدي على جهاز لحد ماعملت تخطيط لوحدي ونزلت عن تخت ومسحت مكان سائل بتحطه ورجعت عند دكتور وطبعا هي مش فاضية بتشرب نسكافية واذا صرت حاكيه معها كان قالت ستني لما اخلص بنادي عليك بالله شفت احقر من هيك بشر وناس حسبي الله عليهم الله ينتقم منهم

سامحوني كتبت كتير وفضفضت لكم عن وضعي بس شو اعمل مالي غيركم اشكي لهم واحكي معاناتي وجعي بالله صبايا ماتزعل وماتنزعجوا مني ومن كلامي كتير عن الموضوع لاني مقهورة وراح اموت من تعب وحمل وجعي