هنا تجمع حوامل الشهر (الاول والثاني والثالث)

[أم أجنادين]

انا عندي الالم بالبطن من الصباح يخف ويرجع مره ثانيه انا بالاسبوع ال11 طمنوني هل هذا عادي ......

[سوسو الآمل]

آآآآآآآآه الوحم ذاااابحني ........ الله يعين

[روح مغليها]

نفسي ادخل التجمع الاقي احد موجود
شكلكم نايمين على طووووووووووووووول

[المذهلة]

أم أجنادين

انتبهي على نفسك شكلك تجهدين نفسك في الشغل أنا لم كنت في الشهر الأول و الثاني كان يجيني مغص قوي و الله يجلسني من النوم و أظل جالسه ما أتحمل إلا غني اضغط على بطني شوي مثل اللي أدلكه من الألم و لم رحت للدكتورة قالت لي واضح إن عندك تقلصات في الرحم و قالت لي التزمي الراحه و لا تشيلين اشياء ثقيلة و لا يصير جماع و عطتني مثبت و الحمد لله الآن وضعي أفضل من أول ..

الله يطمنك و يحفظ لك جنينك يا رب

[أم أجنادين]

الله يطمن قلبك اختي المذهله وان شاء الله يكون كل شي زين....صحيح اختي انا عادي امارس حياتي ومشكلتي الدرج واول مره يصير معي كذا من امس والمغص متعبني وانتظر باكر بفارغ الصبر عشان اروح المستشفى واطمن لان العياده الخاصه دايم تحبطني وهالمره قلت ما بروح لها .....وبخصوص الافرازات بس لما امسح بالمنديل ما كثير ما اعرف هل هذا يدل ع انذار ان نبض الجنين توقف ولا كيف والله محتاره ونفسيتي تعبانه ....

الله يتمم لك حملك ع خير اختي المذهلة .

[المذهلة]

سوسو الأمل

الله يعينك حاسة فيك أنا بعد وحامي عذاب مع أن أخواتي ما شاء الله حملهم خفيف إلا أنا أذوق أنواع العذاب من الوحم بس الحمد لله على كل حال

حاليا أحس إنه بدأ يخف شوي في نص الشهر الثالث و يا رب يختفي في الرابع أحس إني بديت أتشهى أنواع معينه من الأكل بس في الشهرين اللي راحوا كنت بس منسحه و ما يدخل فمي شيء إللا بالغصب و إذا دخل استفرغته على طول ..

الله يخفف عنك و يرزقك طفل سليم و معافى

[نظرتي كلها امل]

راح اكون معاكم

وانشاءالله ربي يتمم علينا

[المذهلة]

حبيتي أم أجنادين

الدرج مشكلة حتى أنا ساكنه في شقة و مضطرة اصعد و انزل من هالدرج بس حرمت الطلعه فترة حدي أطلع ليلة بيت أهلي

بالنسبه للأفرازات لا تحاتين حبيبتي إن شاء الله خير أنا ببنتي ظليت ثلاث شهور كذا أنزف و تنزل على افرازات كثيرة ظليت عايشة في قلق نفسي لكن الحمد لله عدت على خير اسستخدمت حبوب مثبت و ابر مثبته و هذا هي بنتي جنبي و ما شاء الله عمرها ثلاث سنوات

روحي بكرة المستشفى علشان تتطمنين و حاولي تكونين دائما مرتاحه و التزمي باستخدام المثبت

و إن شاء الله ربي يتمم لك على خير حاولي تطلعين صدقه كذا كل اسبوعين حتى لو مبلغ بسيط بنية حفظ الجنين و الله يحفظه لك إن شاء الله

[أم أجنادين]

ان شاء الله تسلمي اختي المذهله طمنتيني الله يطمن قلبك ...

[المذهلة]

سماء اللإحساس

تقدرين تقولين الوضع أحيانا ما يساعد يا دوب ندخل نقرأ ونطلع

و الشهور الأولى استغفر الله النفسية مو ذاك الزود فمرات أكون ما لي خلق أرد

يا رب يكون الكل بخير و يحفظ لهم أجنتكم و يفرحكم بشوفتهم بحضنكم يلعبون يا كريم